Yeremi 1:9 - Bibeli Gusunɔn Gari

⁹ Mɑ u win nɔmu dɛmiɑ u nɛn nɔɔ bɑbɑ u nɛɛ, wee u win ɡɑri doke nɛn nɔɔwɔ.

Yeremi 1:9 ပူးပေါင်းရင်းမြစ်များ

Esɑi 49:2

Mɑ u derɑ nɛn ɡɑri yi kuɑ nɡe tɑkobi ye yɑ nɔɔ do. U mɑn win nɔmɑ wukiri, u mɑn kɔ̃su. U mɑn kuɑ nɡe sɛ̃u ɡe ɡɑ dɛ̃ɛ mɔ, mɑ u mɑn doke win sɛ̃ɛ bwɑ̃ɑrɔ.

Esɑi 50:4

Yinni Gusunɔ u mɑn keu kuɑ kpɑ n kɑ kpĩ n wi u wɑsire dɑm kɛ̃. U rɑ nɛn lɑɑkɑri yɑmiɛ bururu bɑɑtere n kɑ kpĩ n nùn swɑɑ dɑki, nɡe keu bii.

Esɑi 51:16

Nɑ kon wɔn kpɑɑru tɛriɑ kpɑ n tem kpɑm swĩi, kpɑ n bɛɛ Siɔniɡibu sɔ̃ n nɛɛ, i sɑ̃ɑwɑ nɛn tɔmbu. Nɑ nɛn ɡɑri doke bɛɛn nɔɔwɔ, mɑ nɑ bɛɛ nɛn nɔmɑn sɑɑru wukiri.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Yeremi 15:19

Mɑ Yinni Gusunɔ u Yeremi wisɑ u nɛɛ, ɑ̀ n ɡɔsirɑmɑ nɛn mi, kon de ɑ mɑɑ ko nɛn sɔm kowo. À n wurɑ ɑ mɛm sɑɑrinu deri kpɑ ɑ ɡɑri ɑrufɑɑniɡii ɡere, kon mɑɑ nɛn ɡɑri doke wunɛn nɔɔwɔ. N ǹ mɔ wunɑ kɑɑ ɡɔsirɑ ben mi, beyɑ n weenɛ bu wurɑmɑ wunɛn mi.

Yeremi 34:6

Mɑ Yeremi u dɑ u ɡɑri yi Sedesiɑsi, Yudɑbɑn sinɑ boko sɔ̃ɔwɑ Yerusɑlɛmu mi.

Yeremi 36:2

ɑ tireru suo, kpɑ ɑ ɡɑri yi yore yi nɑ rɑɑ nun sɔ̃ɔwɑ Yudɑbɑ kɑ Isirelibɑ kɑ bwese tukunu kpuron sɔ̃ sɑɑ dɔmɑ tèn di nɑ kɑ nun ɡɑri toruɑ Yosiɑsin wɑɑti sɔɔ n kɑ ɡisɔ ɡirɑri.

Yeremi 5:14

Yen sɔ̃, nɛ, Gusunɔ, wɔllu kɑ tem Yinni, nɑ nɛɛ, ye bɑ kɑ ɡeruɑ mɛ, wee, nɛn ɡɑri yi ko n sɑ̃ɑ nɡe dɔ̃ɔ wunɛ Yeremin nɔɔ sɔɔ, kpɑ nɛn tɔn be, bɑ n sɑ̃ɑ nɡe dɑ̃ɑ ye dɔ̃ɔ wi, u koo mwɑ.

Esekiɛli 3:10

Mɑ u mɑɑ kpɑm nɛɛ, Esekiɛli, ɑ swɑɑ dɑkio ɑ nɔ kpɑ ɑ ɡɑri yi kon nun sɔ̃ nɛnɛ wunɛn ɡɔ̃ruɔ.

Dɑniɛli 10:10

Yerɑ nɔmu ɡɑɡɑ nùn bɑbɑ mɑ u diirɑ u dũu winu kɑ nɔm tɑrɑnu soonɑmɔ.

Dɑniɛli 10:16

Yerɑ u ɡɑ̃ɑnu wɑ nu kɑ tɔnu weenɛ mɑ nu nɑ nu win nɔɔ bɑbɑ. Mɑ u nɔɔ wukiɑ u nɛɛ, nɛn Yinni, nɛn wuswɑɑ yɑ burisinɑ, nɑ ǹ mɑɑ dɑm ɡɑm mɔ kɑ̃si te nɑ wɑn sɔ̃.

Gbɑburu 23:5

Sɑɑ yerɑ Yinni Gusunɔ u nùn sɔ̃ɔwɑ ye u koo Bɑlɑki sɔ̃, mɑ u nɛɛ, u ɡɔsiro u wurɑ Bɑlɑkin mi.

Mɑteu 10:19

Bɑ̀ n kɑ bɛɛ dɑ siri yerɔ, i ku wururɑ kɑ ɡɑri yi i ko ɡere. I ku mɑɑ wururɑ nɡe mɛ i ko ɡerusinɑ. Sɑɑ ye, yɑ̀ n turɑ, i ko wɑ ɡɑri yi i ko ɡere.

Mɑɑku 7:33

U kɑ nùn dɑ bee tiɑ mi n kɑ tɔn wɔru tomɑ, mɑ u win niki binu doke soso win swɑsu sɔɔ. Mɑ u yɑ̃ɑtɑm siɑ u kɑ win yɑrɑ bɑbɑ.

Luku 12:12

Domi Hunde Dɛɛro u koo bɛɛ sɔ̃ɔsi sɑɑ ye, ye n weenɛ i ɡere.

Luku 21:15

Domi kon de i ɡɑri ɡere kɑ bwisi yi bɛɛn yibɛrɛbɑ kpuro bɑ ǹ kpɛ̃ bu yinɑ, ǹ kun mɛ bu siki.

Sɔ̃ɔsiru 18:16

Domi yerɑ i Yinni Gusunɔ bikiɑ sɑnɑm mɛ i mɛnnɑ Horɛbun ɡuurɔ. I nɛɛ, i ǹ mɑɑ kĩ i Yinni Gusunɔn tiin nɔɔ nɔ ǹ kun mɛ i win dɔ̃ɔ boko wi wɑ. Domi i ǹ kĩ u bɛɛ ɡo.

Sɔ̃ɔsiru 18:17

Mɑ Yinni Gusunɔ u mɑn sɔ̃ɔwɑ u nɛɛ, bɛɛn bikiɑ bi, bu wɑ̃.

Sɔ̃ɔsiru 18:18

U nɛɛ, u koo bɛɛ win sɔmɔ ɡoo seeyɑ bɛɛɡibun suunu sɔɔn di nɡe nɛ, kpɑ u win ɡɑri doke win nɔɔ sɔɔ. Kpɑ sɔmɔ wi, u bɛɛ sɔ̃ kpuro ye u nùn yiire.