Yeremi 1:16 - Bibeli Gusunɔn Gari

¹⁶ U koo win tɔmbu sɛɛyɑsiɑ ben kɔ̃sɑ yen sɔ̃ ye bɑ kɑ nùn deri, bɑ bũnu turɑre dɔ̃ɔ dokeɑ, mɑ bɑ bwɑ̃ɑroku ni ben nɔmu ɡɑ kuɑ yiirɑ bɑ sɑ̃wɑ.

Yeremi 1:16 ပူးပေါင်းရင်းမြစ်များ

Sinɑmbu II 22:17

Domi bɑ wi Yinni Gusunɔ deri, mɑ bɑ bũnu turɑre dɔ̃ɔ dokeɑmmɛ bu kɑ win mɔru seeyɑ kɑ ben kookoosu kpuro. Yen sɔ̃ tɛ̃, u kɑ Yerusɑlɛmuɡibu mɔru mɔ̀, yɑ ǹ mɑɑ suremɔ.

Bɑndun Gɑri II 15:2

Mɑ u dɑ Asɑn wuswɑɑɔ u nùn sɔ̃ɔwɑ u nɛɛ, Asɑ, wunɛ kɑ Yudɑbɑ, kɑ Bɛnyɑmɛɛbɑ, i swɑɑ dɑkio i nɔ. Yinni Gusunɔ u wɑ̃ɑ kɑ bɛɛ, ì n kɑ nùn yɔ̃rɑ. Ì n nùn kɑsu, i ko i nùn wɑ. Adɑmɑ ì n nùn deri, u koo mɑɑ bɛɛ deri.

Bɑndun Gɑri II 28:2

Isirelibɑn sinɑmbun yirɑ u swĩi. U mɑm bũu wi bɑ mɔ̀ Bɑɑlin bwɑ̃ɑroku sii ɡɑnduɡuu kuɑ.

Bɑndun Gɑri II 34:25

Domi bɑ nùn biru kisi bɑ dɑ bɑ bũnu turɑre dɔ̃ɔ dokeɑmmɛ. Mɑ bɑ win mɔru seeyɑ kɑ bwɑ̃ɑroku ni bɑ tii kuɑ bɑ sɑ̃ɑmɔ. Yen sɔ̃, u ko n kɑ tem mɛn tɔmbu mɔru sɑ̃ɑwɑ, yɑ ǹ suremɔ.

Bɑndun Gɑri II 7:19

Adɑmɑ ì n ɡɔsirɑ i nɛn woodɑbɑ deri be nɑ bɛɛ wɛ̃, mɑ i mɑɑ dɑ i bũnu sɑ̃wɑ,

Esɑi 2:8

Bɑ bwɑ̃ɑrokunu sekɑ bɑɑmɑ. Mɑ bɑ nu yiirɑmmɛ bɑ sɑ̃ɑmɔ.

Esɑi 37:19

bɑ nin bwɑ̃ɑrokunu dɔ̃ɔ mɛniki. Domi nu ǹ Gusunɔ. Nu sɑ̃ɑwɑ tɔmbun sɔmɑ ye bɑ kuɑ kɑ dɑ̃ɑ kɑ kpenu. Yen sɔ̃nɑ bɑ kpĩɑ bɑ nu kpeerɑsiɑ.

Esɑi 44:15

Dɑ̃ɑ yerɑ tɔnu u rɑ kɑ dɔ̃ɔ sɔ̃re, u wɔ̃su. Yerɑ u rɑ mɑɑ kɑ dĩɑnu yeesie. Dɑ̃ɑ tiɑ yerɑ u koo mɑɑ kɑ bwɑ̃ɑroku ko u yiirɑ u sɑ̃.

Esɑi 65:3

Bɑ rɑ n nɛn mɔru seeyɑmɔwɑ kiri kiri. Domi bɑ rɑ n bũu yɑ̃kunu mɔ̀wɑ dɑ̃ɑ konɔ, bɑ n turɑre dɔ̃ɔ dokemɔ yɑ̃ku yenun wɔllɔ ni bɑ kuɑ kɑ biriki.

Yeremi 10:15

Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 10:3

Domi bwese nin sɑ̃ɑru tɑ sɑ̃ɑwɑ kɑm dirum. Nu rɑ sewɑ nu dɑ dɑ̃ɑ sɔ̃ɔwɔ nu dɑ̃ɑ burɑ. Kpɑ dɑ̃ɑ dɑ̃ko u kɑ ye bwɑ̃ɑroku ko.

Yeremi 11:12

Yudɑbɑ kɑ Yerusɑlɛmuɡibu bɑ koo dɑ bu bũnu soku ni bɑ yɑ̃kunu koosimɔ. Adɑmɑ bũu ni, nu ǹ bu fɑɑbɑ mɔ̀ wɑhɑlɑn sɑɑ sɔɔ.

Yeremi 11:17

Nɛ, Gusunɔ wɔllu kɑ tem Yinniwɑ nɑ rɑɑ bɛɛ ɡirɑ nɡe dɑ̃ɑ. Nɛnɑ kon de kɔ̃sɑ yu bɛɛ deemɑ bɛɛ Isirelibɑ kɑ bɛɛ Yudɑbɑ, kɔ̃sɑ ye i kuɑ i kɑ nɛn mɔru seeyɑn sɔ̃. Domi i bũu wi bɑ mɔ̀ Bɑɑli yɑ̃kunu koosimɔ.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 16:11

Sɑɑ ye sɔɔrɑ kɑɑ bu wisi ɑ nɛɛ, ben bɑɑbɑbɑ bɑ mɑn deri, mɑ bɑ dɑ bɑ bũnu sɑ̃wɑ bɑ yiirɑ nin nuurɔ, mɑ bɑ mɑn biru kisi, bɑ ǹ nɛn woodɑbɑ mɛm nɔɔwɛ.

Yeremi 17:13

Yinni Gusunɔ, wunɑ bɛsɛ Isirelibɑ sɑ yĩiyɔ. Be bɑ nun biru kisi, bɑ koo sekuru wɑ. Be bɑ kɑ nun tondinɛ, bɑ koo bu duɑri. Bɑ ko n sɑ̃ɑwɑ nɡe bèn yĩsɑ bɑ yoruɑ tuɑ sɔɔ. Domi bɑ wunɛ Yinni Gusunɔ deri, wunɛ wi ɑ sɑ̃ɑ nɡe bwiɑ yèn nim mu wɑ̃ɑru wɛ̃ɛmɔ.

Yeremi 18:15

Adɑmɑ nɛn tɔmbu bɑ mɑn duɑri bɑ dɑ bɑ bũnu turɑre dɔ̃ɔ dokeɑmmɛ. Yɑ derɑ bɑ ǹ yɛ̃ ye bɑ mɔ̀ ben swɛɛ sɔɔ. Bɑ ben yellun swɑɑ dosu derimɔ, mɑ bɑ swɑɑ kisi swĩi.

Yeremi 19:4

Domi bɑ mɑn deri, mɑ bɑ yɑm mi disi doke. Bɑ bũnu turɑre dɔ̃ɔ dokeɑ mi, ni be kɑ ben sikɑdobɑ kɑ ben sinɑmbu bɑ ǹ yɛ̃. Mɑ bɑ tɔn dɑbinu ɡo mi, be bɑ ǹ ɡɑ̃ɑnu kue.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:17

Yeni yɑ koo bɛɛ deemɑ, domi i Gusunɔ bɛɛn Yinni deri sɑnɑm mɛ u bɛɛ kpɑre swɑɑ ɡeɑ sɔɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 2:28

Bɛɛ Yudɑbɑ, bɛɛn bwɑ̃ɑroku ni i tii sekuɑ nu kɑ bɛɛn wusu ɡeeru nɛ mi, mɑnɑ nu wɑ̃ɑ. Nu seewo nu bɛɛ fɑɑbɑ ko wɑhɑlɑn sɑɑ sɔɔ nù n koo kpĩ.

Yeremi 4:12

Gɑ ko n dɑm mɔwɑ. Nɛ, Yinni Gusunɔwɑ nɑ ɡu sokusiɑmɔ. Tɛ̃wɑ kon bu siri.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Yeremi 44:17

Sɑ ko kowɑ nɡe mɛ sɑ ɡeruɑ, su bũu wi bɑ mɔ̀ Asitɑɑte turɑre dɔ̃ɔ dokeɑ, kpɑ su mɑɑ nùn tɑm tɑ̃rɑ nɡe mɛ sɑ rɑ rɑɑ ko, bɛsɛ kɑ bɛsɛn bɑɑbɑbɑ, kɑ bɛsɛn sinɑmbu kɑ bɛsɛn wiruɡibu Yudɑn wusu sɔɔ kɑ Yerusɑlɛmun swɛɛ sɔɔ. Domi sɑɑ ye sɔɔrɑ sɑ rɑ wɑ su di su debu, sɑ n nuku dobu mɔ kpɑ sɑ kun wɑhɑlɑ ɡɑɑ wɑ.

Yeremi 5:29

Mbɑn sɔ̃nɑ nɑ ǹ kon bwese teni mɔru kɔsie, kpɑ n bu sɛɛyɑsiɑ yenin sɔ̃.

Yeremi 5:9

Mbɑn sɔ̃nɑ nɑ ǹ ko n bwese teni mɔru kɔsie, kpɑ n tu sɛɛyɑsiɑ yenin sɔ̃.

Yeremi 51:17

Tɔmbu bɑ̀ n ye kpuro mɛɛrɑ, bɑ rɑ biti soorewɑ, kpɑ sekuru tu bwɑ̃ɑrokunun sekobu mwɑ, domi nu sɑ̃ɑwɑ weesu, nu ǹ wɑ̃ɑru mɔ.

Yeremi 7:17

A ǹ wɑɑmɔwɑ ye bɑ mɔ̀ Yudɑbɑn wuu mɑrosɔ kɑ sere Yerusɑlɛmun swɛɛ sɔɔ?

Yeremi 7:18

Bibu bɑ dɑ̃ɑ ɡurɑmɔ bũu yɑ̃kunun sɔ̃. Mɑ ben bɑɑbɑbɑ bɑ kɑ ye dɔ̃ɔ sɔ̃rumɔ bũu sɑ̃ɑ yenɔ. Tɔn kurɔbɑ pɛ̃ɛ som burimɔ bu kɑ kirɑnu ko ni bɑ koo kɑ bũu wi bɑ mɔ̀ Asitɑɑte kɑ sere mɑɑ bũnu ɡɑnu sɑ̃, kpɑ bu kɑ mɑn torɑri.

Yeremi 7:9

Bɑ rɑ n ɡbɛnimɔ, bɑ rɑ n tɔmbu ɡoomɔ, bɑ rɑ n sɑkɑrɑru mɔ̀, kpɑ bɑ n nɔɔ mwɛɛ weesuɡinu mɔ̀, kpɑ bɑ n bũu wi bɑ mɔ̀ Bɑɑli turɑre dɔ̃ɔ dokeɑmmɛ, kpɑ bɑ n mɑɑ bũu sɑ̃ɑru mɔ̀ te bɑ ku rɑ rɑɑ ko.

Esekiɛli 16:18

Mɑ ɑ wunɛn yɑ̃ɑ ni bɑ sɔmɑ doke suɑ ɑ bũu ni wukiri. Mɑ ɑ mɑɑ nɛn ɡum kɑ nɛn turɑre suɑ ɑ nu wɛ̃.

Esekiɛli 24:14

Nɛ, Yinni Gusunɔwɑ nɑ yeni ɡeruɑ. Kon ye siriwɑ nɡe mɛ yen dɑɑ yɑ nɛ, nɑ ǹ yen wɔnwɔndu mɔ̀. Yɑ koo mɑɑ koorɑ. Kon ye kowɑ nɑ ǹ sikɑ mɔ̀. Nɑ ǹ biru wurɑmɔ.

Osee 11:2

Adɑmɑ nɡe mɛ nɑ bu sokumɔ nɡe mɛyɑ bɑ kɑ mɑn tondɑmɔ. Bɑ dɑ bɑ bũu ni bɑ mɔ̀ Bɑɑli sɑ̃ɑmɔ. Mɑ bɑ nu turɑre dɔ̃ɔ dokeɑmmɛ.

Osee 8:6

Wi u bwɑ̃ɑrokunun sɔmburu yɛ̃ Isirelibɑ sɔɔ wiyɑ u nɑɑ wurɑɡiɑ ye kuɑ. Yɑ ǹ sɑ̃ɑ Gusunɔ. Yen sɔ̃nɑ bɑ koo ye kɔsuku muku muku.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Gɔrobun Kookoosu 7:41

Dɔmɑ terɑ bɑ bwɑ̃ɑroku kuɑ ɡe ɡɑ kɑ nɑɑ buu weenɛ, mɑ bɑ ɡu yɑ̃kuru koosi. Mɑ ben nukurɑ dorɑ ben nɔmɑn sɔmburun sɔ̃.

Sɔ̃ɔsiru 28:20

Ye i mɔ̀ kpuro sɔɔ, Gusunɔ bɛɛn Yinni u koo de i bɔ̃ri wɑwɑ kpɑ i n bɛrum mɔ kpɑ i wɑhɑlɑ ko sere i kɑ kɑm ko mɑm mɑm yèn sɔ̃ i nùn deri mɑ i kɔ̃sɑ kuɑ.

Sɔ̃ɔsiru 31:16

Yinni Gusunɔ u Mɔwisi sɔ̃ɔwɑ u nɛɛ, wee kɑɑ wurɑ ɑ wunɛn sikɑdobɑ deemɑ. Wunɛn biru, Isirelibɑ bɑ koo mɑn deri kpɑ bu nɛn ɑrukɑwɑni kusiɑ ye nɑ kɑ bu bɔkuɑ kpɑ bu dɑ bu bũnu ɡɑsiri bu sɑ̃ tem mi bɑ duɔ mi sɔɔ.

Kɑ̃siru 9:20

Hɑnduniɑn tɔmbu be bɑ tie, be bɑ kun ɡu kɑ ɡɑ̃ɑ sɛ̃sɔɡii ni, bɑ ǹ ɡɔ̃ru ɡɔsie, bu ye bɑ kɑ nɔmɑ kuɑn sɑ̃ɑru deri, kɑ Setɑm bwɑ̃ɑbu kɑ bũu ni bɑ kuɑ kɑ wurɑ kɑ sii ɡeesu kɑ sii ɡɑndu kɑ kpenu kɑ dɑ̃ɑ, ni nu kun kpɛ̃ nu ɡɑri nɔ, nu ǹ mɑɑ kpɛ̃ nu yɑm wɑ, nu sere sĩ.