Yeremi 1:13 - Bibeli Gusunɔn Gari

¹³ Mɑ u kpɑm mɑn bikiɑ u nɛɛ, mbɑ nɑ mɑɑ wɑɑmɔ mi. Nɑ nùn wisɑ nɑ nɛɛ, wekerɑ nɑ wɑ sɔ̃ɔ yɛ̃sɑn nɔm ɡeu ɡiɑ tɑ mɑn nɔɔ sike tɑ swɛ̃ɛ tɑ ɡbisimɔ.

Yeremi 1:13 ပူးပေါင်းရင်းမြစ်များ

Torubu 41:32

Ye ɑ kɑ dosu ɡe kuɑ nɔn mɛɛru, Gusunɔ u kĩ ɑ n yɛ̃ mɑ yɑ koo koorɑwɑ yɑ ǹ mɑɑ tɛɛmɔ.

Esɑi 55:11

nɡe mɛyɑ nɛn ɡɑri yi nɑ ɡeruɑ, yi ku rɑ kɑm wɔri yi kun nɛn kĩru kue, kpɑ yi nɛn himbɑ yibiɑ.

Yeremi 24:3

Mɑ Yinni Gusunɔ u Yeremi bikiɑ u nɛɛ, Yeremi, mbɑ ɑ wɑɑmɔ mi. Mɑ u wisɑ u nɛɛ, birenu yiruwɑ nɑ wɑɑmɔ, ni nu fiɡie binu yibɑ. Gɑnu ɡeɑ sɑ̃ɑ, mɑ ɡɑnu kɔ̃sunu sɑ̃ɑ, nu ǹ diirɔ.

Esekiɛli 11:3

Bɑ mɔ̀, n ǹ mɔ tɛ̃ sɑ ko dinu bɑni. Domi Yerusɑlɛmu yɑ sɑ̃ɑwɑ nɡe wekeru. Mɑ bɛsɛ yen tɔmbu sɑ sɑ̃ɑ nɡe yɑɑ ye yɑ wɑ̃ɑ te sɔɔ.

Esekiɛli 11:7

Yen sɔ̃, beɡii be bɑ ɡo mi, bɑ sɑ̃ɑwɑ nɡe yɑɑ. Mɑ wuu ɡen tii ɡɑ sɑ̃ɑ nɡe wekeru. Adɑmɑ be bɑ tie bɑ wɑsi, bɑ koo bu yɑrɑwɑ bu kɑ doonɑ.

Esekiɛli 12:28

nɛ, Yinni Gusunɔ nɑ nɛɛ, ɡɑri yi nɑ ɡeruɑ kpuro yi koo koorɑwɑ tɛ̃, yɑ ǹ tɛɛmɔ.

Amɔsu 8:2

Mɑ Yinni Gusunɔ u nɛɛ, mbɑ nɑ wɑɑmɔ mi. Nɑ nùn wisɑ nɑ nɛɛ, dɑ̃ɑ mɑrumɑ nɑ wɑ mɛ mu ye. Yerɑ u mɑɑ mɑn sɔ̃ɔwɑ u nɛɛ, sɑɑ yɑ turɑ u kɑ win tɔmbu Isirelibɑ sɛɛyɑsiɑ. U ǹ mɑɑ bu suuru kuɑmmɛ.

Sɑkɑri 4:2

Mɑ u nùn bikiɑ u nɛɛ, mbɑ ɑ wɑɑmɔ mi. Mɑ u nùn wisɑ u nɛɛ, wurɑn dɑbuwɑ nɑ wɑɑmɔ ɡèn wɔllɔ bɑ wekeru ɡɑru sɔndi. Weke te, tɑ kɑ̃ɑnu nɔɔbɑ yiru mɔ. Nin wɔllɔwɑ bɑ fitilɑnu sɔndi tiɑ tiɑ. Kɑ̃ɑ nin min diyɑ ɡum mu rɑ kɑ de fitilɑ nin mi.