Yeremi 1:10 - Bibeli Gusunɔn Gari

¹⁰ Yen biruwɑ u mɑɑ nɛɛ, wee ɡisɔ, u mɑn yiiko wɛ̃ bwesenu kɑ nin sinɑmbu kpuron wɔllɔ n kɑ nu wukiri n surɑ, kpɑ n mɑɑ wure n nu ɡirɑ nɡe dɑ̃ɑ. Mɛyɑ n mɑɑ kɑ nu kɔsuku n kɑm koosiɑ, kpɑ n mɑɑ wure n nu seeyɑ.

Yeremi 1:10 ပူးပေါင်းရင်းမြစ်များ

Sinɑmbu I 17:1

Gusunɔn sɔmɔ Eli wi u wɑ̃ɑ Tisibiɔ Gɑlɑdin temɔ u sinɑ boko Akɑbu sɔ̃ɔwɑ u nɛɛ, kɑ Gusunɔ Isirelibɑn Yinni wi nɑ sɑ̃ɑmɔ minin wɑ̃ɑru, ɡurɑ kɑ kɑkoru, yen ɡɑɑ kun mɑɑ nɛmɔ wɔ̃ɔ sinin bɑɑ sɔɔ sere dɔmɑ te nɑ wure nɑ nɛɛ, yɑ koo nɛ.

Sinɑmbu I 19:17

Kon de Hɑsɑɛli u tɔn be ɡo kɑ tɑkobi. Ben wi u kisirɑ win nɔmɑn di, Yehuwɑ u koo yɛ̃ro ɡo. Wi u mɑɑ kisirɑ Yehun nɔmɑn di, kpɑ Gusunɔn sɔmɔ Elisee u nùn ɡo.

Wɑɑsu kowo 3:3

Goberu kɑ ten sɑɑ, bɛkiɑbu mɑɑ kɑ bin sɑɑ. Kɔsukubu kɑ bin sɑɑ, bɑnɑ mɑɑ kɑ yen sɑɑ.

Yeremi 1:5

u sere mɑn mɔmɛ nɛn mɛron nukurɔ, u mɑn yɛ̃ sɑɑ bɑ ǹ mɑn mɑrubu kpɑ. U mɑn ɡɔsɑ u yi nɛnɛm n kɑ ko win ɡɔro hɑnduniɑn bwesenun mi bu sere mɑn mɑ.

Yeremi 24:6

Kon de bu wurɑmɑ ben tem mini. Nɑ ǹ mɑɑ bu surɑmɔ, kon bu tɑ̃sisiɑwɑ. Nɑ ǹ mɑɑ bu wukɑmɔ, kon bu ɡirɑwɑ n sire.

Yeremi 25:13

Bɔ̃ri yi u ɡeruɑ tem mɛn sɔ̃, kɑ sere yèn ɡɑri nɛ, Yeremi nɑ ɡeruɑ nɑ yoruɑ tire te sɔɔ, bwesenu kpuron sɔ̃, yi koo koorɑwɑ.

Yeremi 31:28

Nɡe mɛ nɑ rɑɑ bu wukurɑ nɑ sururɑ nɡe dɑ̃nu, nɑ bu kɔsukɑ nɑ kɑm koosiɑ nɡe diɑ, nɡe mɛyɑ kon mɑɑ wure n bu seeyɑ n ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 31:40

Wɔwɑ ye kpuro mi bɑ rɑ ɡonu sike kpɑ bu kubɑnu yɑri mi, kɑ ɡbeɑ ye yɑ wɑ̃ɑ berɑ mi sere n kɑ dɑ Sedoronin dɑɑrɔ, kɑ kɔnnɔ ɡe ɡɑ wɑ̃ɑ sɔ̃ɔ yɑri yeru ɡiɑ, mìn di dumi yi rɑ kɑ du, yebɑ kpurowɑ yɑ ko n sɑ̃ɑ nɛ, Yinni Gusunɔɡiɑ. Bɑ ǹ mɑɑ ye kɔsukumɔ sere kɑ bɑɑdommɑɔ.

Yeremi 36:2

ɑ tireru suo, kpɑ ɑ ɡɑri yi yore yi nɑ rɑɑ nun sɔ̃ɔwɑ Yudɑbɑ kɑ Isirelibɑ kɑ bwese tukunu kpuron sɔ̃ sɑɑ dɔmɑ tèn di nɑ kɑ nun ɡɑri toruɑ Yosiɑsin wɑɑti sɔɔ n kɑ ɡisɔ ɡirɑri.

Yeremi 44:27

U koo dewɑ kɔ̃sɑ yu bɛɛ deemɑ, n ǹ mɔ ɡeɑ. Yudɑ be bɑ wɑ̃ɑ Eɡibitiɔ kpuro, bɑ koo ɡbiwɑ tɑbu sɔɔ kɑ ɡɔ̃ɔru sɔɔ.

Yeremi 45:4

Wee, ye Yinni Gusunɔ u nɛɛ n nun sɔ̃. U nɛɛ, u koo ye u rɑɑ bɑnɑ kɔsukuwɑ, kpɑ u ye u rɑɑ duurɑ wukiri. Yen tubusiɑnɑ, u koo tem mɛ kpuro sɑnku.

Esekiɛli 21:19

Tɛ̃ wunɛ tɔnun bii, ɑ bu ɡerusio. A tɑkɑ koowo nɔn teeru, yen biru nɔn yiru, yen biru nɔn itɑ, ɑ kɑ tɑkobi yen dɑm sɔ̃ɔsi. Domi yɑ sɑ̃ɑwɑ tɑkobi ye yɑ kɑ ɡɔɔ wee. Gɔɔ bokowɑ yɑ kɑ wee bɑɑmɑn di.

Esekiɛli 23:36

Yinni Gusunɔ u mɑɑ mɑn sɔ̃ɔwɑ u nɛɛ, tɔnun bii, ɑ Oholɑ kɑ Oholibɑ sirio. A bu sɔ̃ɔwɔ kɔ̃sɑ ye bɑ kuɑ.

Esekiɛli 32:18

tɔnun bii, ɑ ɡɔɔ wuri koowo Eɡibitiɡibun sɔ̃ kpɑ ɑ de wunɛn ɡɔɔ wuri yi, yi bu sure sere tem sɔɔwɔ ɡɔribun wɑ̃ɑ yerɔ be kɑ bwese ni nu dɑm mɔn tɔmbu.

Esekiɛli 36:36

Kpɑ bwese ni nu kɑ bɛɛ sikerenɛ nu ɡiɑ mɑ nɛnɑ nɑ ye bɑ rɑɑ surɑ seeyɑ, mɑ nɑ ye bɑ rɑɑ wukɑ ɡirɑ. Nɛ, Yinni Gusunɔwɑ nɑ yeni ɡeruɑ. Kon mɑɑ ye ko.

Esekiɛli 43:3

Kɑ̃si te u wɑ mi, tɑ kɑ te u wɑ sɑnɑm mɛ Gusunɔ u kĩ u Yerusɑlɛmu kɑm koosiɑɡiru weenɛwɑ. Mɛyɑ tɑ mɑɑ kɑ kɑ̃si ni u wɑ Kebɑrin dɑɑrun bɔkuɔɡinu weenɛ. Mɑ u yiirɑ u wuswɑɑ tem ɡirɑri.

Osee 6:5

Yen sɔ̃nɑ kon bɛɛ nɛn sɔmɔbu ɡɔriɑmɑ bu bɛɛ sɔ̃ mɑ kon bɛɛ sɛɛyɑsiɑ. Kpɑ bu mɑɑ bɛɛ sɔ̃ mɑ kon bɛɛ ɡo. Nɛn siribu bu koo sɔ̃ɔsirɑ nɡe yɑm bururɑm.

Amɔsu 3:7

Aɑwo, nɑ ku rɑ ɡɑ̃ɑnu ɡɑnu ko nɑ kun yè nɛn sɔmɔ sɔ̃ɔwɑ.

Amɔsu 9:11

Tɔ̃ru ɡɑrɑ sisi tè sɔɔ kon Dɑfidin bɑndu seeyɑ te tɑ sɑ̃ɑ nɡe yɛnu ɡe ɡɑ bɑnsu kuɑ. Kon tu sɔmɛ, kpɑ tu se tu wurɑmɑ nɡe yellu.

Sɑkɑri 1:6

Aɑwo, bɑ ɡu. Kɑ mɛ, woodɑ kɑ ɡɑri yi nɑ nɛn sɔmɔ be wɛ̃, bɑ yi bɛɛn bɑɑbɑbɑ sɔ̃ɔwɑ, mɑ bɑ ɡɔ̃ru ɡɔsiɑ bɑ nɛɛ, nɛ Gusunɔ wɔllu kɑ tem Yinni nɑ bu kuɑ nɡe mɛ nɑ ɡɔ̃ru doke ben dɑɑ kɔ̃sɑn sɔ̃.