Womu Duro 5:2 - Bibeli Gusunɔn Gari

² nɑ dò ɑdɑmɑ nɛn bwɛ̃rɑ yɑ ǹ kpĩ. Nɑ kɑ nɛn kĩnɑsi dosimɔ u ɡɑmbo soomɔ. ɑ mɑn kɛniɔ, nɛn sesu, nɛn kĩnɑsi. Wunɛ wi ɑ sɑ̃ɑ nɡe sɑ̃kusɑ̃, ɑ yibɑ. Nɛn wirɑ nikererɑ. Mɑ nɛn seri nim sɛ̃ɛrɑ.

Womu Duro 5:2 ပူးပေါင်းရင်းမြစ်များ

Torubu 29:20

Yerɑ n derɑ Yɑkɔbu u sɔmburu kuɑ wɔ̃ɔ nɔɔbɑ yiru Lɑbɑnin mi. Mɑ n nùn kuɑ nɡe sɔ̃ɔ yiru yèn sɔ̃ u Rɑsɛli kĩ.

Womusu 119:1

Doo nɔɔruɡibɑ be bɑ kun tɑɑrɛ mɔ ben sɑnu sɑnusu sɔɔ, mɑ bɑ sĩimɔ nɡe mɛ Yinni Gusunɔn woodɑ yɑ bu sɔ̃ɔsimɔ.

Womusu 81:10

I ku de bũu ɡoo u n mɑɑ wɑ̃ɑ bɛɛn suunu sɔɔ. I ku mɑɑ nu yiirɑ i sɑ̃.

Mɔnnu 23:26

Nɛn bii, ɑ mɑn wunɛn ɡɔ̃ru wɛ̃ɛyɔ, ɑ de ɑ nɛn dɑɑ sɑɑri.

Womu Duro 1:16

nɛn kĩnɑsi, ɑ sɑ̃ɑwɑ durɔ burɔ, wunɑ ɑ mɑn wɛ̃re. Bɛsɛn kpin yeru tɑ ko n nɔɔ nɛ nɡe yɑkɑ bekusu.

Womu Duro 2:10

Mɑ u kɑ mɑn ɡɑri kuɑ u nɛɛ, ɑ seewo nɛn kĩnɑsi, kurɔ burɔ, ɑ nɑ.

Womu Duro 2:14

wunɛ wi ɑ sɑ̃ɑ nɡe sɑ̃kusɑ̃ ye yɑ wɑ̃ɑ kpee bɑɑ sɔɔ yɑ kukuɑ. A mɑn wunɛn wuswɑɑ sɔ̃ɔsio. A de n wunɛn nɔɔ nɔ. Domi wunɛn dɔkɔrɑ nɔɔbu do. Mɛyɑ mɑɑ wunɛn wuswɑɑ rɑ mɑn wɛ̃re.

Womu Duro 2:8

nɑ nɛn kĩnɑsin nɔɔ nɔɔmɔ. Wɔɔ u ɡuunu sɑrikirɑmɔ u wee.

Womu Duro 3:1

wɔ̃ku ɡirirɑ nɑ kpĩ nɛn kpin yeru wɔllɔ. Nɑ kɑsu wi nɛn ɡɔ̃ru ɡɑ kĩ. Adɑmɑ nɑ ǹ nùn wɑ.

Womu Duro 4:7

A sɑ̃ɑwɑ kurɔ burɔ, nɛn kĩnɑsi. A ǹ bɑu ɡɑɡu mɔ.

Womu Duro 4:9

Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ, wunɛn kĩrɑ rɑ nɛn ɡɔ̃ru kpuro mwɛwɑ, nɛn sesu, nɛn kurɔ.

Womu Duro 5:11

Win wuswɑɑ yɑ bɑllimɔ nɡe wurɑ ɡeɑ. Win seri yi tĩriwɑ nɡe ɡunɔ mɔrɑn sɑnsu.

Womu Duro 5:6

Nɑ nɛn kĩnɑsi kɛniɑ, ɑdɑmɑ nɑ deemɑ u doonɑ. Nɛn bwɛ̃rɑ rɑɑ wurɑ win mi, sɑnɑm mɛ nɑ win nɔɔ nuɑ. Nɑ nùn kɑsu kɑsu, nɑ ǹ nùn wɑ. Nɑ nùn sokɑ, u ǹ wure.

Womu Duro 6:9

Adɑmɑ nɛn kĩnɑsi wi, u ǹ bɑu mɔ, u sɑ̃ɑwɑ nɛnɛm be sɔɔ. U sɑ̃ɑwɑ win mɛron bii wɔndiɑ teereru te u kĩ too. Wɔndiɑ be bɑ nùn wɑ, bɑ nɛɛ, u sɑ̃ɑwɑ domɑruɡii. Sinɑnibu kɑ bɑn sinɑ kurɔbu bɑ mɑɑ nùn siɑrɑ bɑ nɛɛ,

Womu Duro 7:9

Nɑ nɛɛ, kon kpɑkpɑ yɔwɑ kpɑ n yen mɑrum nɛnɛ. Wunɛn bwɑ̃su su sɑ̃ɑwɑ nɡe resɛm swɑɑru. Wunɛn wɛ̃siɑru tɑ nuburu do nɡe dɑ̃ɑ mɑrum mɛ bɑ mɔ̀ pɔmu.

Womu Duro 8:7

Nim wɔ̃kun nim kɑ mɛn kpɑ̃ɑru mu ǹ kpɛ̃ mu kĩrun dɔ̃ɔ ɡo. Mɛyɑ mɑɑ dɑɑnun nim yiburu tɑ ǹ kpɛ̃ tu kĩi te wukiri. Tɔnu wi u win dukiɑ kpuro wɛ̃ bu kɑ nùn kĩɑn sɔ̃, u ǹ kĩi te wɑsi. Yen kɔkɔrɔ, bɑ koo nùn ɡɛmwɑ.

Esɑi 50:6

Nɑ be bɑ mɑn soomɔ nɛn biru deriɑ, mɑ nɑ mɑɑ be bɑ nɛn bɑɑ sɑnsu wukɑmɔ nɛn bɑɑnu deriɑ. Nɑ ǹ nɛn wuswɑɑ beruɑ sɑnɑm mɛ bɑ mɑn wɔmmɔ bɑ yɑ̃ɑtɑm siemɔ.

Esɑi 52:14

Nɡe mɛ u tɔn dɑbiru nɑndɑsiɑ yèn sɔ̃ win wuswɑɑ yɑ kɔsɑ wɑhɑlɑn sɔ̃, mɑ win wɑsi yi ǹ mɑɑ kɑ tɔnuɡii weenɛ,

Dɑniɛli 8:18

Sɑnɑm mɛ u kɑ mɑn ɡɑri mɔ̀, yerɑ biti bɑkɑ mɑn mwɑ. Mɑ nɑ siriru tem ɡirɑri. U mɑn bɑbɑ u seeyɑ u yɔ̃rɑsiɑ mi nɑ rɑɑ wɑ̃ɑ.

Sɑkɑri 4:1

Gusunɔn ɡɔrɑdo wi u kɑ Sɑkɑri ɡɑri mɔ̀ u nɑ u nùn yɑmiɑ nɡe mɛ bɑ rɑ tɔnu dom yɑmiɛ.

Mɑteu 7:8

Domi bɑɑwure wi u bikiɑmɔ bɑ koo nùn wɛ̃. Wi u kɑsu u koo wɑ. Wi u mɑɑ ɡɑmbo soomɔ bɑ koo yɛ̃ro kɛniɑ.

Mɑteu 8:17

U yeni kuɑ kpɑ Gusunɔn sɔmɔ Esɑin ɡɑri yi kɑ koorɑ, yi u nɛɛ, “Win tii u bɛsɛn wɑsin dɑm sɑriru suɑ, mɑ u kɑ bɛsɛn bɑrɑnu doonɑ.”

Mɑɑku 1:35

Yen sisiru buru buru yellu, sɑnɑm mɛ yɑm kun dɛɛrɑm kpɑ, Yesu u seewɑ u yɑrɑ. U doonɑ mi n dɛsire, u kɑnɑru mɔ̀.

Luku 22:44

Nuku sɑnkirɑ bɑkɑnu sɔɔ u kɑnɑru mɔ̀ kɑ dɑm, mɑ win wɛnyɑnu kuɑ nɡe yɛm nu dɑ̃ɑkumɔ temɔ.]

Luku 6:12

Sɔ̃ɔ mɛɛ te sɔɔ, Yesu u dɑ ɡuuru wɔllɔ u kɑ kɑnɑru ko. Mɑ u Gusunɔ kɑnɑ wɔ̃ku ɡiriru.

Luku 9:32

Piɛɛ kɑ win kpɑɑsibu ben wɑsi buniɑ kɑ dom, ɑdɑmɑ bɑ dom kpɑrurɑ mɑ bɑ Yesun yiikon ɡirimɑ wɑ kɑ tɔn be yiru be bɑ yɔ̃ kɑ wi.

Yohɑnu 10:4

Sɑnɑm mɛ u nu yɑrɑ tɔɔwɔ kpuro, u rɑ nu ɡbiiye kpɑ nu n nùn swĩi yèn sɔ̃ nu win nɔɔ yɛ̃.

Gɑlɑti 2:20

Yen sɔ̃nɑ n ǹ mɑɑ mɔ nɛnɑ nɑ wɑsi, Kirisiwɑ u wɑ̃ɑru dimɔ nɛ sɔɔ. Mɑ wɑ̃ɑ te nɑ dimɔ tɛ̃, nɑ tu dimɔwɑ kɑ nɑɑnɛ dokebu Gusunɔn Bii sɔɔ wi u mɑn kĩɑ mɑ u win wɑ̃ɑru wɛ̃ nɛn sɔ̃.

Efesu 5:14

Geemɑ ɡɑ̃ɑnu bɑɑnire ni nu sɔ̃ɔsirɑ kpɑsɑsɑ, nu rɑ kowɑ yɑm bururɑm. Yen sɔ̃nɑ Gusunɔn ɡɑri nɛɛ, “A yɑndo wunɛ wi ɑ do. A seewo ɡɔrin di. Kpɑ Kirisi u nun yɑm bururɑsiɑ.”

Kɑ̃siru 14:4

Tɔn be, bɑ sɑ̃ɑ be bɑ tii nɛnuɑ dɛɛrɑru sɔɔ, bɑ ǹ kurɔ dɑmɑru koore. Bɑ Yɑ̃ɑ kinɛ kpɛm te swĩiwɑ bɑɑmɑ kpuro mi tɑ dɔɔ. Bɑ bu yɑkiɑwɑ sɑɑ tɔmbun suunu sɔɔn di bɑ n kɑ sɑ̃ɑ nɡe yɑ̃ku ɡbiikii te bɑ Gusunɔ kɑ Yɑ̃ɑ kinɛ kpɛm te kuɑ.

Kɑ̃siru 3:20

Wee, nɑ yɔ̃ dii kɔnnɔwɔ nɑ tɑkɑ mɔ̀. Bɑɑwure wi u nɛn nɔɔ nɔɔmɔ mɑ u kɛniɑ, kon du win mi, kpɑ n kɑ nùn di kpɑ u mɑɑ kɑ mɑn di.

Kɑ̃siru 3:4

Kɑ mɛ, ɡɑbɑ wɑ̃ɑ Sɑɑduɔ be bɑ kun tii disinu tɛɛni, beyɑ bɑ koo kɑ mɑn sĩ kpɑ bɑ n yɑ̃ɑ kpikinu doke, domi beyɑ n kɑ weenɛ.