Womu Duro 4:9 - Bibeli Gusunɔn Gari

⁹ Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ, wunɛn kĩrɑ rɑ nɛn ɡɔ̃ru kpuro mwɛwɑ, nɛn sesu, nɛn kurɔ.

Womu Duro 4:9 ပူးပေါင်းရင်းမြစ်များ

Torubu 20:12

Adɑmɑ kɑ yen de kpuro u sɑ̃ɑwɑ nɛn sesu tundo turosi, sɑ ǹ sɑ̃ɑ mɛro turo. Mɑ nɑ nùn suɑ kurɔ.

Torubu 41:42

Yerɑ u win tɑɑbu ɡe ɡɑ win yĩreru mɔ potɑ win nɔmun di u Yosɛfu dokeɑ win nɔmuɔ. Mɑ u nùn yɑ̃ɑ burɑnu sebusiɑ. Yen biru u nùn yɔni wurɑɡii dokeɑ wĩirɔ.

Womusu 45:9

Wunɛn yɑ̃nu nu turɑre numɔ ye bɑ rɑ soku miru kɑ ɑloɛsi kɑ kɑsi. Bɑ mɔrɔkunu soomɔ ɑ kɑ nuku dobu wɑ wunɛn sinɑ ɡbɑburɔ te bɑ suunu donnu mɑni mɑni.

Mɔnnu 1:9

Yɑ koo de wunɛn dɑɑ yu wɛ̃rɑ nɡe mɛ furɔ burɔ kɑ wurɑ rɑ wɑsi burɑru kue.

Mɔnnu 6:25

A ku kurɔ win bweseru binɛ ko win burɑm sɔ̃. A ku de u nun kɔkiri kɑ win durɔ nɔni.

Womu Duro 1:10

Wunɛn burɑ yɑ̃nu nu rɑ de wunɛn bɑɑnu nu mɑn wɛ̃re. Wunɛn wĩirɑ kɑ ɡoonu wɑ̃.

Womu Duro 1:15

nɛn kĩnɑsi, ɑ sɑ̃ɑwɑ kurɔ burɔ. Wunɛn nɔni yi bɑllimɔ nɡe wɑɑ bɑkɑɡii.

Womu Duro 3:11

I yɑrimɑ bɛɛ Siɔnin wɔndiɑbɑ, i sinɑ boko Sɑlomɔɔ wɑ. U win furɔ doke ɡe win mɛro nùn dokeɑ sɑɑ ye u kurɔ kpɑɑru kuɑ. Dɔmɑ te, u wɑ̃ɑ nuku dobu sɔɔ.

Womu Duro 4:10

Wunɛn kĩru tɑ nuku dobu mɔ nɛn sesu, nɛn kurɔ. Wunɛn kĩru tɑ tɑm dobu kere. Mɛyɑ mɑɑ wunɛn turɑren nuburu tɑ do tɑ turɑre kpuro kere.

Womu Duro 4:12

A sɑ̃ɑwɑ nɡe dɑ̃ɑ ɡbɑɑru te bɑ kɑrɑ koosi, nɛn sesu, nɛn kurɔ. A sɑ̃ɑwɑ nɡe dɔkɔ ye bɑ kɛnuɑ, ǹ kun mɛ nɡe bwiɑ ye bɑ mɑrɑ.

Womu Duro 6:12

Nɑ ǹ kɑ bɑɑru nɛn bwɛ̃rɑ mɑn suɑ, yɑ mɑn doke nɛn tɔmbun tɑbu kɛkɛbɑn suunu sɔɔ yi dumi ɡɑwe.

Womu Duro 6:5

A ku mɑɑ mɑn mɛɛri. Domi wunɛn nɔni yi nɛn kĩru seeyɑmɔ. Wunɛn seri yi sɑ̃ɑ nɡe boo wuuru te tɑ sɑrɑmɑmɔ Gɑlɑdin ɡuurun wɔllun di.

Womu Duro 7:10

Nɑ̀ n nun sɔ̃su, nɑ rɑ n nuku dobu mɔ nɡe wi u tɑm durom nɔrɑ. tɑm mɛ, mu kokuo nɛn kĩnɑsin sɔ̃ mu du win nɔɔ sɔɔ ù n dweeyɑmɔ.

Esɑi 54:5

Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

Esɑi 62:5

Nɡe mɛ bii durɔbu ɡɑ koo kɑ ɡen kurɔ ɡbinnɑ, nɡe mɛyɑ wunɛn bibu bɑ koo kɑ nun ɡbinnɑ. Nɡe mɛ ɑluwɑɑsi u rɑ n nuku dobu mɔ win kurɔ kɛ̃ɛron sɔ̃, nɡe mɛyɑ ko nɑ n nuku dobu mɔ wunɛn sɔ̃.

Esekiɛli 16:11

Mɑ nɑ nun burɑ yɑ̃nu dokeɑ kɑ sumi nɔmɑɔ kɑ sɑbɑ wĩirɔ.

Esekiɛli 16:8

Mɑ nɑ sɑrɑ wunɛn bɔkuɔ nɑ nun mɛɛrɑ mɑ nɑ wɑ sɑɑ yɑ turɑ su kɑ kĩru ko. Mɑ nɑ nɛn yɑberun soo suɑ nɑ kɑ wunɛn tereru wukiri. Mɑ nɑ kɑ nun ɑrukɑwɑni bɔkuɑ kɑ bɔ̃ri nɑ nɛɛ, ɑ kuɑ nɛɡii. Nɛ, Yinni Gusunɔwɑ nɑ yeni ɡeruɑ.

Dɑniɛli 5:7

Yerɑ u nɔɔɡiru suɑ kɑ dɑm u nɛɛ, bu nùn sɔrobu kɑ Bɑbilonin bwisiɡibu kɑ bũu sinɑmbu sokuɑmɑ. Ye bɑ nɑ, yerɑ u nɛɛ, wi u kpĩɑ u yorɑ yeni ɡɑrɑ u ye tubusiɑ u koo yɛ̃ro wurɑn sɑbɑ dokeɑ kpɑ u nùn ɡurumusuru sebusiɑ u nùn win bɑndun dɑm sukum wɛ̃ u n kɑ sɑ̃ɑ tɔnu itɑse win bɑndu sɔɔ.

Sofoni 3:17

Gusunɔ bɛɛn Yinni u wɑ̃ɑ bɛɛn suunu sɔɔ. U sɑ̃ɑwɑ nɡe tɑbu durɔ wi u rɑ fɑɑbɑ ko. U koo nuku doo bɑkɑbu ko bɛɛn sɔ̃. U ǹ mɑɑ ɡɑ̃ɑnu ɡerumɔ yèn sɔ̃ u bɛɛ kĩ. U ko n nuku doo bɑkɑbu mɔ.

Mɑteu 12:50

Domi bɑɑwure wi u nɛn Bɑɑbɑ wɔrukoon kĩru mɔ̀, wiyɑ nɛn wɔnɔ kɑ nɛn sesu kɑ nɛn mɛro.

Yohɑnu 3:29

I ǹ yɛ̃ mɑ wi u kurɔ kpɑo mɔ, wiyɑ kurɔ kpɑon durɔ? Durɔ win bɔrɔ wi u nùn yɔ̃re u win nɔɔ nɔɔmɔ, wiyɑ nuku dobu mɔ. Yen sɔ̃nɑ nɛn tiin nuku dobu yibɑ.

Korinti I 9:5

Sɑ ǹ yiiko mɔ sɑ n kɑ kurɔ nɑɑnɛ dokeo mɔ wi u koo sun yɔ̃siri nɡe mɛ ɡɔrobu ɡɑbu bɑ mɔ kɑ Yinnin wɔnɔbu, kɑ Sefɑ?

Korinti II 11:2

Nɑ nisinu mɔ bɛɛn sɔ̃ ni nu wee Gusunɔn min di, domi i sɑ̃ɑ nɡe wɔndiɑ wi u kun durɔ yɛ̃, wi nɑ durɔ turo kɑ̃. Durɔ wiyɑ Kirisi.

Kɑ̃siru 21:2

Mɑ nɑ wuu dɛɛrɔ wɑ, ɡe ɡɑ sɑ̃ɑ Yerusɑlɛmu kpɑɑ, ɡɑ sɑrɑm wee Gusunɔ wɔllun di, ɡɑ sɔɔru sɑ̃ɑ nɡe kurɔ kpɑo wi u burɑru sɑ̃ɑ u win durɔ mɑrɑ.