Womusu 97:4 - Bibeli Gusunɔn Gari

⁴ U rɑ de ɡuru mɑɑkinu nu hɑnduniɑ yɑm bururɑsiɑ. Tem mù n nu wɑ, mu rɑ diiriwɑ.

Womusu 97:4 ပူးပေါင်းရင်းမြစ်များ

Yoobu 37:3

Gɑ nɔɔrɑ bɑɑmɑ wɔllɔ. Mɑ ɡuru mɑɑkinu nu bɑllimɔ hɑnduniɑn ɡoonu nnɛ sɔɔ.

Yoobu 9:6

U rɑ de tem mu yĩiri sere mɛn sɔɔwɔ, kpɑ mɛn ɡberebɑ bu wɔruku.

Womusu 104:32

À n tem mɛɛrɑ, mu rɑ yĩiriwɑ. À n mɑɑ ɡuunu bɑbɑ, wiisɑ su rɑ yɑri.

Womusu 114:7

Hɑnduniɑɡibu, i diirio Gusunɔ Yɑkɔbun Yinnin wuswɑɑɔ,

Womusu 77:18

Mɑ ɡurɑ nɛmɔ nɡe dɑɑ surundu. Mɑ ɡuru ɡbɑ̃sukubu nɔɔrɑmɔ. Mɑ ɡuru mɑɑkinu dɑɑmɔ wɔllun bɑɑmɑ.

Womusu 77:19

Gurɑ yɑ ɡbɑ̃rɑ mɑ ɡuru mɑɑkinu nu hɑnduniɑ kpuro yɑm bururɑsiɑ, mɑ tem mu diirɑ bɛrum sɔ̃.

Womusu 96:9

I nɑ i nùn kpunɑ kɑ bɛɛn sɑ̃ɑ yɑ̃nu. Bɛɛ hɑnduniɑɡibu kpuro, i diirio.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Kɑ̃siru 11:19

Yerɑ bɑ sɑ̃ɑ yee te tɑ wɑ̃ɑ Gusunɔ wɔllɔ kɛniɑ mɑ woodɑn kpɑkororɑ terɑ win sɑ̃ɑ yee te sɔɔ. Mɑ ɡuru mɑɑkinu wɑ̃ɑ mi, kɑ wurenu, kɑ ɡuru ɡbɑ̃sukunu kɑ tem yĩirubu, kɑ mɑɑ ɡuru kpee bɑkɑnu.

Kɑ̃siru 19:11

Nɑ mɑɑ wɑ Gusunɔ wɔllɑ wukiɑrɑ mɑ dum kɑɑ ɡɑɑ kurɑmɑ. Wi u ye sɔni win yĩsirɑ Gemɡii kɑ Bɔrɔkini. Gem sɔɔrɑ u rɑ siri, mɛyɑ u rɑ mɑɑ kɑ tɑbu ko.