Womusu 97:11 - Bibeli Gusunɔn Gari

¹¹ Yɑm bururɑm mu wɑ̃ɑwɑ ɡemɡiin sɔ̃. Nuku dobu bu wɑ̃ɑwɑ bèn ɡɔ̃ru ɡɑ dɛɛren sɔ̃.

Womusu 97:11 ပူးပေါင်းရင်းမြစ်များ

Ɛsitɛɛ 8:16

Yen dɔmɑ te, Yuubɑ bɑ nuku dobu mɔ too, bɑ kuuki mɔ̀, bɑ yɔ̃ɔkumɔ.

Yoobu 11:17

Wunɛn wɑ̃ɑrɑ koo wurɑmɑwɑ nɡe sɔ̃ɔ wii wɔllun sɔ̃ɔ. Kpɑ yɑm wɔ̃ku te tɑ rɑɑ nun wɑ̃ɑsi, tu ɡɔsiɑ yɑm bururɑm.

Yoobu 22:28

Ye ɑ niɑ kuɑ kpuro, yɑ koo koorɑwɑ. Wunɛn swɛɛ yi ɑ swĩi kpuro, yi ko n dɛɛrewɑ.

Womusu 112:4

Tɔn ɡeo wi u wɔnwɔndu mɔ, u rɑ kɑ tɔnu duure, u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

Womusu 18:28

Yinni Gusunɔ, wunɛn tiiwɑ ɑ rɑ tɔn be bɑ tii kɑwe fɑɑbɑ ko. Wunɛn tiiwɑ ɑ rɑ be bɑ tii sue kɑwe.

Womusu 68:4

Adɑmɑ ɡemɡibu bɑ rɑ n nuku dobu kɑ nɑsɑrɑ mɔwɑ wunɛn mi kpɑ bɑ n yɛ̃ɛrimɔ.

Mɔnnu 4:18

Gemɡibun kookoosu su rɑ n sɑ̃ɑwɑ nɡe bururun sɔ̃ɔ yɑnɑ ye yɑ rɑ n dɛɛrɑmɔ sere sɔ̃ɔ u kɑ ye mɑm mɑm.

Esɑi 58:8

Sɑɑ yerɑ nɛn durom mu koo bɛɛ nɑɑwɑ nɡe buruku sɔ̃ɔ, kpɑ mi i mɛɛrɑ mɔ yu bɛkurɑ fuuku. Mɛyɑ mɑɑ ɡem mu ko n dɑ n bɛɛ swɑɑ ɡbiiye. Nɛ, Yinni Gusunɔ, nɑ kon kɑ bɛɛ wɑ̃ɑ nɑ n bɛɛ kɔ̃su.

Esɑi 62:1

Yinni Gusunɔ u nɛɛ, wunɛ Yerusɑlɛmu, wunɛn kĩrun sɔ̃ nɑ ǹ mɑrimɔ. Nɑ ǹ mɑɑ wɛ̃rɑmɔ sere n kɑ nun fɑɑbɑ ko, kpɑ yu sɔ̃ɔsirɑ nɡe bururun sɔ̃ɔ, ǹ kun mɛ, nɡe wii bɔn te tɑ dɔ̃ɔ yɑbure,

Misee 7:9

Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Yohɑnu 12:46

Nɛ nɑ nɑ hɑnduniɑɔ nɡe yɑm bururɑm, kpɑ bɑɑwure wi u mɑn nɑɑnɛ doke u kun kɑ wɑ̃ɑ yɑm wɔ̃kuru sɔɔ.

Gɑlɑti 6:8

Ù n duurumɔ ye win tii tiin dɑɑ yɑ kĩ, kɑm kobɑ yɑ koo nùn mɑruɑ. Ù n mɑɑ duurumɔ ye Gusunɔn Hunde u kĩ, wɑ̃ɑru te tɑ ku rɑ kpewɑ Gusunɔn Hunde koo nùn mɑruɑ.

Kɑ̃siru 21:23

Wuu ɡe, ɡɑ ǹ mɑɑ sɔ̃ɔ ǹ kun mɛ surun bukɑtɑ mɔ ɡɑ n kɑ yɑm dɛɛre, yèn sɔ̃ Gusunɔn yiikon ɡirimɑ bɑllimɔ ɡe sɔɔ, mɑ Yɑ̃ɑ kinɛ kpɛm te, tɑ sɑ̃ɑ ɡen fitilɑ.

Kɑ̃siru 22:5

Wɔ̃kurɑ kun ko n mɑɑ wɑ̃ɑ mi. Bɑ ǹ ko bɑ n fitilɑn yɑm bururɑm bukɑtɑ mɔ ǹ kun mɛ sɔ̃ɔɡim, domi Yinni Gusunɔwɑ u ko n sɑ̃ɑ ben yɑm bururɑm. Bɑ koo mɑɑ bɑndu di sere kɑ bɑɑdommɑɔ.