Womusu 96:2 - Bibeli Gusunɔn Gari

² I Yinni Gusunɔ womu kuo. I nùn bɛɛrɛ wɛ̃ɛyɔ. I win fɑɑbɑn lɑbɑɑri kpɑro tɔ̃ɔ bɑɑtere.

Womusu 96:2 ပူးပေါင်းရင်းမြစ်များ

Bɑndun Gɑri I 29:20

Dɑfidi u mɑɑ tɔn be bɑ mɛnnɛ mi kpuro sɔ̃ɔwɑ u nɛɛ, i Gusunɔ bɛɛn Yinni siɑro. Mɑ be kpuro bɑ Gusunɔ ben sikɑdobɑn Yinni siɑrɑ, bɑ yiirɑ win wuswɑɑɔ kɑ mɑɑ sinɑ bokon wuswɑɑɔ.

Womusu 103:20

Bɛɛ Yinni Gusunɔn ɡɔrɑdobɑ, bɛɛ be i dɑm mɔ i rɑ win ɡɑri mɛm nɔɔwɛ, i nùn siɑro.

Womusu 145:1

Womu ɡe Dɑfidi u kuɑ u kɑ Gusunɔ siɑrɑ. Ge wee. Gusunɔ nɛn sinɑ boko, kon nun wɔlle suɑ. Kon wunɛn yĩsiru tɔmɑ sere kɑ bɑɑdommɑɔ.

Womusu 145:10

Yinni Gusunɔ, wunɛn tɑkɑ koorɑ kpuro yɑ koo nun bɛɛrɛ wɛ̃, kpɑ be bɑ sɑ̃ɑ wunɛɡibu bu nun siɑrɑ.

Womusu 145:2

Tɔ̃ɔ bɑɑtere kon nun siɑrɑ. Mɛyɑ kon wunɛn yĩsiru tɔmɑ sere kɑ bɑɑdommɑɔ.

Womusu 40:10

Tɔn wɔrun suunu sɔɔ, nɑ rɑ wunɛn fɑɑbɑn lɑbɑɑri ɡeɑ kpɑre. Yinni Gusunɔ, ɑ yɛ̃ mɑ nɑ ku rɑ nɛn nɔɔ mɑri.

Womusu 71:15

Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Mɑɑku 16:15

Mɑ u bu sɔ̃ɔwɑ u nɛɛ, i doo hɑnduniɑn bɑɑmɑ kpuro kpɑ i bweseru bɑɑtere Lɑbɑɑri ɡeɑ wɑɑsu kuɑ.

Gɔrobun Kookoosu 13:26

Tɛ̃, mɛro bisibu, bɛɛ Aburɑhɑmun bweserun bibu, kɑ bɛɛ be i Gusunɔ nɑsie, bɛsɛrɑ bɑ fɑɑbɑ yen ɡɑri ɡɔriɑmɑ.

Efesu 1:3

I de su Gusunɔ siɑrɑ bɛsɛn Yinni Yesu Kirisin Bɑɑbɑ. Bɛsɛ kɑ Kirisin ɡbinnɑɑn sɑɑbu u sun wɔllun domɑ bwese bwesekɑ kuɑ sɑɑ win Hunden min di.

Kɑ̃siru 5:13

Mɑ nɑ nuɑ tɑkɑ koorɑ kpuro, ye yɑ wɑ̃ɑ wɔllɔ kɑ temɔ, kɑ tem sɔɔwɔ, kɑ nim wɔ̃ku sɔɔ, ye yɑ wɑ̃ɑ hɑnduniɑ sɔɔ kpuro ɡesi yɑ nɔɔɡiru sue yɑ mɔ̀, wi u sɔ̃ sinɑ kitɑrɔ kɑ Yɑ̃ɑ kinɛ kpɛm te, beyɑ bɑ siɑrɑbu kɑ bɛɛrɛ kɑ yiiko kɑ sinɑndu mɔ sere kɑ bɑɑdommɑɔ.