2 I de su dɑ win wuswɑɑɔ su nùn siɑrɑ. Su nùn bɛɛrɛ wɛ̃ kɑ siɑrɑbun womusu kɑ nuku dobu.
I nùn sɑ̃ɑwɔ kɑ ɡɔ̃ru dobu. I nɑ win mi, i n womusu mɔ̀ kɑ yɛ̃ɛribu.
I duo win sɑ̃ɑ yerɔ i nùn siɑrɑ. I duo mi, i nùn tɔmɑ. I nùn wɔlle suo. I win yĩsiru bɛɛrɛ wɛ̃ɛyɔ.
I nùn womu kuo. I win sɔm mɑɑmɑɑkiɡinu kpɑro.
Yinni Gusunɔ, ɑ seewo ɑ bu wɔri, ɑ ben dɑm buo. A mɑn wɔro ben nɔmɑn di. A bu ɡoowo kɑ wunɛn tɑkobi.
Yinni Gusunɔ, ɑ nɛn yibɛrɛ wɔrio kɑ mɔru. Be bɑ kɔ̃ruɑ, ɑ bu sɛɛyɑsio kɑ mɔru. A de ɑ n wɑ̃ɑ nɛn bɔkuɔ. A de ɑ mɑn siriɑ.
Yinni Gusunɔwɑ u sɑ̃ɑ bɛsɛn dɑm. I nùn womu kuo kɑ nuku dobu. I Gusunɔ Yɑkɔbun Yinni tɑkɑru koowo kɑ nuku dobu.
Bɛɛ hɑnduniɑɡibu kpuro, i nɔɔɡiru suo kɑ nuku dobu. I nuku dobun kuuki koowo i kɑ nùn siɑrɑ i nùn tɔmɑ kɑ womusu.
Kɛ̃ɛ terɑ̀ kon kɑ Yinni Gusunɔ wi, wi u kpuro kere dɑɑwɑ nɑ̀ n dɔɔ win sɑ̃ɑ yerɔ. Kɛ̃ɛ terɑ̀ ko nɑ n nɛni n kɑ nùn yiirɑ. Nɑɑ wɔ̃ɔ tiɑɡiɑ kon kɑ nùn yɑ̃ku dɔ̃ɔ mwɑɑrɑruɡiru kuɑ?
I de womu si i kɑ Gusunɔ siɑrɑmɔ su n wɑ̃ɑ bɛɛn fɑɑɡi sɔɔ, i n Yinni tɔmɑmɔ kɑ siɑrɑbun womusu bɛɛn ɡɔ̃ruɔ.
Nɔni swɑ̃ɑrɑ bɛɛn ɡoo deemɑwɑ? U kɑnɑru koowo. Goon nukurɑ tɑ do? U Gusunɔ siɑro kɑ womusu.