Womusu 94:3 - Bibeli Gusunɔn Gari

³ Sere sɑɑ yerɑ̀ kɑɑ n derɑ tɔn kɔ̃sobu bɑ n wɑ̃ɑ. Sere sɑɑ yerɑ̀ kɑɑ n derɑ bɑ n nuku dobu mɔ.

Womusu 94:3 ပူးပေါင်းရင်းမြစ်များ

Ɛsitɛɛ 7:10

Mɑ bɑ Hɑmɑni suɑ bɑ kɑ dɑ bɑ bwɛ̃ dɑ̃ɑ ten wɔllɔ, te u rɑɑ sɔɔru kuɑ Mɑɑdosen sɔ̃. Sɑɑ yerɑ sinɑ bokon mɔru yɑ sure.

Ɛsitɛɛ 7:6

Ɛsitɛɛ u wisɑ u nɛɛ, bɛsɛn yibɛrɛ wi u sun nɔni sɔ̃ɔmɔ, wiyɑ Hɑmɑni tɔn kɔ̃so wini. Yerɑ Hɑmɑni u nɑndɑ sinɑ boko kɑ Ɛsitɛɛn wuswɑɑɔ.

Yoobu 20:5

ɑ ǹ yɛ̃ mɑ kɔ̃sɑn kowon nɑsɑrɑ ku rɑ tɛ? Mɛyɑ mɑɑ win nuku dobu kun tɛɛmɔ.

Womusu 43:2

Gusunɔ, wunɛ wi ɑ mɑn kɔ̃su, mbɑn sɔ̃nɑ ɑ mɑn yinɑmɔ. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

Womusu 73:8

Bɑ rɑ n tɔnu yɛ̃ɛmɔwɑ bɑ n mɔ̀, bɑ koo nùn dɑm dɔre kɑ nuku kɔ̃suru. Kpɑ bɑ n tii suɑ ɡɑri ɡerumɔ,

Womusu 79:5

Yinni Gusunɔ, sere sɑɑ yerɑ̀ wunɛn mɔru ko n seewɑ. Sere sɑɑ yerɑ̀ kɑɑ n nisinu seewɑ nɡe dɔ̃ɔ.

Womusu 80:4

Yinni Gusunɔ, ɑ sun wɔro. A kɑ sun nɔnu ɡeu mɛɛrio, kpɑ ɑ sun fɑɑbɑ ko.

Womusu 89:46

A derɑ u tɔkɔ kuɑ fuuku, mɑ ɑ nùn sekuru doke.

Yeremi 47:6

Wee, i ɡerumɔ i mɔ̀, Yinni Gusunɔn tɑkobi, dommɑ kɑɑ wɛ̃rɑ. A wuro wunɛn kɑrɑrɔ, kpɑ ɑ n wɑ̃ɑ mi sɛ̃ɛ.

Hɑbɑkuku 1:2

Yinni Gusunɔ, sere sɑɑ yerɑ̀ ko nɑ n nun somiru kɑnɑmɔ. Sere sɑɑ yerɑ̀ kɑɑ n mɑn mɑɑri. Sere sɑɑ yerɑ̀ kɑɑ de nɑ n nun sɔ̃ɔmɔ mɑ tɔmbɑ dɑm dɔrenɑmɔ. Nɡe sere sɑɑ yerɑ̀ kɑɑ nɑ ɑ sun wɔrɑ.

Kɑ̃siru 6:10

Tɔmbun hunde beyɑ bɑ ɡbɑ̃rɑ bɑ nɛɛ, Yinni dɛɛro, ɡemɡii, sere sɑɑ yerɑ̀ ɑ mɑrɑ ɑ kɑ hɑnduniɑn tɔmbu siri kpɑ ɑ bu sɛɛyɑsiɑ yèn sɔ̃ bɑ sun ɡo.