Womusu 94:14 - Bibeli Gusunɔn Gari

¹⁴ Yinni Gusunɔ kun win tɔmbu derimɔ. U ǹ bu biru kisimɔ, be, be bɑ sɑ̃ɑ win ɑrumɑni.

Womusu 94:14 ပူးပေါင်းရင်းမြစ်များ

Womusu 34:12

Bɛɛ nɛn bibu, i susimɑ i nɔ, kpɑ n bɛɛ sɔ̃ɔsi nɡe mɛ i ko kɑ Yinni Gusunɔ nɑsiɑ.

Womusu 37:28

Yinni Gusunɔ u ɡem kĩ. U ǹ win tɔmbu derimɔ, u rɑ n bu kɔ̃su. Adɑmɑ bɑ koo tɔn kɔ̃sobun bweseru kpeerɑsiɑ.

Womusu 74:2

A bɛsɛ wunɛn tɔmbu yɑɑyo, bɛsɛ be ɑ yɑkiɑ sɑɑ yellun di. A bɛsɛn bwese kɛri yɑɑyo yi yi kuɑ wunɛɡii. A Siɔnin ɡuu te yɑɑyo tèn mi wunɛn wɑ̃ɑ yerɑ rɑɑ wɑ̃ɑ.

Womusu 94:5

Yinni Gusunɔ, bɑ wunɛn tɔmbu dɑm dɔremɔ be, be bɑ sɑ̃ɑ wunɛn ɑrumɑni.

Esɑi 41:17

Sɑnɑm mɛ bɛɛ nɛn tɔmbu i wɔnwɔndu soore i nim kɑsu i ǹ wɑ, mɑ bɛɛn yɑri yi ɡbere nim nɔrun sɔ̃, nɛ, Gusunɔ bɛɛn Yinni, kon bɛɛ nɔɔri. Nɑ ǹ bɛɛ derimɔ.

Yeremi 10:16

Gusunɔ, Isirelibɑn Yinni u ǹ sɑ̃ɑ nɡe ni. Domi wiyɑ u kpuro tɑkɑ kuɑ. Wiyɑ u sɑ̃ɑ win tɔmbun ɑrumɑni. Win yĩsirɑ Gusunɔ, wɔllu kɑ tem Yinni.

Sɑ̃ɑrun Woodɑ 26:44

Adɑmɑ bɑɑ bɑ̀ n wɑ̃ɑ tem tukumɔ ben yibɛrɛbɑn mi, nɑ ǹ bu derimɔ mɑm mɑm. Nɑ ǹ bu biru kisimɔ, nɑ ǹ mɑɑ bu kpeerɑsiɑmɔ. Nɑ ǹ nɛn ɑrukɑwɑni ye kusiɑmɔ. Domi nɑ sɑ̃ɑwɑ Gusunɔ ben Yinni.

Romu 8:30

Nɡe mɛyɑ be u ɡɔsɑ u yi, u mɑɑ bu sokɑ. Be u sokɑ mi, u mɑɑ bu ɡem wɛ̃. Be u ɡem wɛ̃ u mɑɑ kɑ bu win yiiko bɔnu kuɑ.

Efesu 1:18

Nɑ mɑɑ nùn bikiɑmɔ u bɛɛn ɡɔ̃run nɔni wukiɑ kpɑ i kɑ win yɑm bururɑm wɑ, kpɑ i n kɑ yɛ̃ ye i yĩiyɔ yèn sɔ̃ u bɛɛ sokɑ, kɑ nɡe mɛ win tubi ɡeɑn kpɑ̃ɑrɑ nɛ ye u nɑɑnɛ dokeobu yiiye,

Sɔ̃ɔsiru 31:6

Yen sɔ̃, i tii dɑm kɛ̃ɛyɔ kpɑ i n wɔruɡɔru mɔ. I ku nɑndɑ, i ku mɑɑ diiri ben wuswɑɑɔ. Domi Gusunɔ bɛsɛn Yinnin tiiwɑ u koo bɛɛ swɑɑ ɡbiiyɑ. U ǹ bɛɛ derimɔ, u ǹ mɑɑ bɛɛ biru kisimɔ.

Sɔ̃ɔsiru 31:8

Win tiiwɑ u koo nun swɑɑ ɡbiiyɑ kpɑ u n kɑ nun wɑ̃ɑ. U ǹ nun biru kisimɔ, u ǹ mɑɑ nun derimɔ. Yen sɔ̃, ɑ ku nɑndɑ, ɑ ku mɑɑ de wunɛn tororu tu kɑrɑ.

Sɔ̃ɔsiru 32:9

Adɑmɑ u tii Isirelibɑ yiiyɑ, be bɑ sɑ̃ɑ Yɑkɔbun bweseru.

Heberu 13:5

I ku de ɡobin kĩru tɑ n bɛɛ nɛni. I de ye i mɔ yu kɑ bɛɛ nɛrenɑ domi Gusunɔ u nɛɛ, “Nɑ ǹ nun derimɔ pɑi, mɛyɑ nɑ ǹ mɑɑ nun biru kisimɔ kɑ bɑɑdommɑɔ.”

Sɑmuɛli I 12:22

Yinni Gusunɔ u ɡɔ̃ru doke u bɛɛ ko win tɔmbu, u ǹ mɑɑ bɛɛ yinɑmɔ win yĩsi bɑkɑrun bɛɛrɛn sɔ̃.