Womusu 94:13 - Bibeli Gusunɔn Gari

¹³ Wɑhɑlɑn sɑɑ sɔɔ, u ko n wɑ̃ɑwɑ bɔri yɛndu sɔɔ sere bu kɑ tɔn kɔ̃so suurɑ ɡbeɑ.

Womusu 94:13 ပူးပေါင်းရင်းမြစ်များ

Yoobu 34:29

Gusunɔ ù n nɛɛ, u ǹ ɡoo ɡɑ̃ɑnu kuɑmmɛ, wɑrɑ koo nùn tɑɑrɛ wɛ̃. Ù n tii beruɑ wɑrɑ u koo kpĩ u nùn wɑ.

Womusu 49:5

Nɑ bwisiɡibun mɔnnu swɑɑ dɑki, nɑ kon mɑɑ bɛɛ nu tubusiɑ kɑ mɔrɔku.

Womusu 55:23

A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Womusu 9:15

kpɑ n kpĩ nɑ n wɑ̃ɑ Siɔnin tɔmbun suunu sɔɔ, nɑ n tɑkɑru mɔ̀ ye ɑ mɑn kuɑn sɔ̃, nɑ n nuku dobu mɔ̀ fɑɑbɑ ye ɑ mɑn kuɑn sɔ̃.

Yeremi 18:20

Kɑɑ de ɡeɑ yu ɡɔsirɑ kɔ̃sɑ? Wee bɑ dɔkɔ kpiriru ɡbɑ bu kɑ mɑn kpɛ̃ɛ sɔɔ. A yɑɑyo mɑ nɑ yɔ̃rɑ wunɛn wuswɑɑɔ ben sɔ̃, nɑ kɑ nun ɡɑri kuɑ kpɑ ɑ ku mɑɑ kɑ bu mɔru ko.

Yeremi 18:22

A de tɑbu kowo wuunu nu bu wɔri. Kpɑ wuri yi nɔɔrɑ ben yɛnusɔ. Domi bɑ dɔkɔ kpiriru ɡbɑ bu kɑ mɑn kpɛ̃ɛ te sɔɔ. Bɑ mɑn yinɑ bɛriɑ nɛn swɑɑ sɔɔ.

Hɑbɑkuku 3:16

Nɑ ɡen wɔkinu nɔɔmɔ too. Mɑ nɑ nɑndɑ ɡem ɡem, nɛn nɔɔ ɡɑ diirimɔ bɛrum sɔ̃. Mɑ nɛn wɑsi yi wɔkɔnu wɔrimɔ, nɑ yɔ̃ sɛ̃ɛ nɑ nuku sɑnkirɑnun tɔ̃ru mɑrɑ te tɑ wee bwese ni nu koo sun dɑm dɔren sɔ̃.

Heberu 4:9

Ǹ n mɛn nɑ, wɛ̃rɑ te tɑ kɑ Gusunɔn sɔ̃ɔ nɔɔbɑ yiruseɡiru weenɛ, tɑ wɑ̃ɑ Gusunɔn tɔmbun sɔ̃.

Piɛɛ II 2:9

Ǹ n mɛn nɑ Gusunɔ u yɛ̃ mɛ u koo kɑ be bɑ win bɛɛrɛ yɛ̃ yɑrɑ sɑɑ lɑɑkɑri mɛɛribun di. U mɑɑ yɛ̃ mɛ u koo tɔn kɔ̃sobu yi u kɑ bu wɑhɑlɑ ko siribun sɑnɑm,

Kɑ̃siru 11:18

Hɑnduniɑɡibu bɑ mɔru bɛsirɑ. Mɑ wunɛn mɔru yɑ tunumɑ. Sɑɑ yɑ turɑ bu kɑ ɡɔribu siri. Sɑɑ mɑɑ turɑ bu kɑ wunɛn sɔmɔbu ɑre wɛ̃, kɑ be bɑ nun nɑɑnɛ doke kɑ be bɑ wunɛn yĩsiru nɑsie, bɑkɑ kɑ buu. Sɑɑ mɑɑ turɑ bu kɑ bu kɑm koosiɑ be bɑ hɑnduniɑ kɑm mɔ̀.

Kɑ̃siru 14:13

Yen biru nɑ kpɑm nɔɔ ɡɑɡu nuɑ wɔllun di ɡɑ nɛɛ, n yeni yoruo, doo nɔɔruɡibɑ be bɑ ɡbimɔ sɑɑ tɛ̃n di Yinnin nɑɑnɛ dokebu sɔɔ. Gusunɔn Hunde ɡerumɔ u mɔ̀, mɛyɑ ni, bɑ koo wɛ̃rɑ, domi ben sɔm ɡeerun ɑre koo bu swĩi.