Womusu 93:5 - Bibeli Gusunɔn Gari

⁵ Yinni Gusunɔ, wunɛn ɡɑri yi sɑ̃ɑwɑ ɡem. Wunɛn sɑ̃ɑ yeru tɑ ko n sɑ̃ɑwɑ dɛɛrɑru sere kɑ bɑɑdommɑɔ.

Womusu 93:5 ပူးပေါင်းရင်းမြစ်များ

Bɑndun Gɑri II 29:5

Mɑ u bu sɔ̃ɔwɑ u nɛɛ, bɛɛ Lefibɑ i swɑɑ dɑkio i nɔ. I tii dɛɛrɑsio, kpɑ i mɑɑ Gusunɔ bɛɛn bɑɑbɑbɑn Yinnin sɑ̃ɑ yeru dɛɛrɑsiɑ. I ye yɑ disi mɔ kpuro yɑro sɑ̃ɑ yee ten min di.

Womusu 119:111

Wunɛn ɡɑri sɑ̃ɑwɑ nɛn tubi kɑ bɑɑdommɑɔ, domi yi sɔɔrɑ nɛn ɡɔ̃ru dobu wɑ̃ɑ.

Womusu 119:129

Wunɛn yiirebu bu rɑ n wɑ̃, yen sɔ̃nɑ nɑ bu nɛni.

Womusu 119:138

A wunɛn woodɑ yiiwɑ ɡem sɔɔ. Yɑ mɑɑ nɑɑnɛ mɔ.

Womusu 119:144

Wunɛn yiirebu bu sɑ̃ɑwɑ dee dee sere kɑ bɑɑdommɑɔ. A mɑn bwisi kɛ̃ɛyɔ yi yi koo de nɑ n wɑ̃ɑ.

Womusu 29:2

I win yĩsiru wɔlle suo, kpɑ i yiirɑ win wuswɑɑɔ win dɛɛrɑrun sɔ̃.

Womusu 99:5

Yinni Gusunɔ u dɛɛre. I nùn wɔlle suo. I nɑ i yiirɑ win sinɑ kitɑrun nuurɔ.

Womusu 99:9

I Gusunɔ bɛsɛn Yinni siɑro. I yiiro win ɡuu dɛɛrɑrɔ i nùn bɛɛrɛ wɛ̃. Domi u sɑ̃ɑwɑ Dɛɛro.

Yɑribu 28:36

Kpɑ ɑ mɑɑ wurɑn bɑtɑni ko ɑ yore ye sɔɔ, wini sɑ̃ɑwɑ Yinni Gusunɔɡii. Kɑɑ ye yorewɑ nɡe mɛ bɑ rɑ yore sisɔ.

Esɑi 52:11

Bɛɛ be i Yinni Gusunɔn sɑ̃ɑ yerun dendi yɑ̃nu sɔɔwɑ i kɑ wee, i tii dɛɛrɑsio. Kpɑ i se i yɑri Bɑbilonin di. I ku ɡɑ̃ɑnu ɡɑnu bɑbɑ ni nu disi mɔ.

Esɑi 8:20

Adɑmɑ bɛɛ, i bu wisio i nɛɛ, bu doo bu Yinni Gusunɔn woodɑn tireru ɡɑri. Wìn ɡɑri yi ǹ kɑ woodɑ nɔɔ tiɑ sɑ̃ɑ, i ku yi swɑɑ dɑki. Yi ǹ bɛɛ ɑrufɑɑni ɡɑɑ mɔ̀.

Esekiɛli 43:12

Guuru wɔllɔ bɑtumɑ ye yɑ kɑ bu sikerenɛ, bɑ koo ye ɡɑrisiwɑ dɛɛrɑ. Yeniwɑ yɑ sɑ̃ɑ dii ten woodɑ.

Sɑ̃ɑrun Woodɑ 10:3

Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

Sɑ̃ɑrun Woodɑ 19:2

ɑ Isirelibɑ kpuro sɔ̃ɔwɔ ɑ nɛɛ, i de i n dɛɛre, domi nɛ Gusunɔ bɛɛn Yinni nɑ dɛɛre.

Mɑteu 24:35

Wɔllu kɑ tem bɑɑ yɑ koo doonɑ, ɑdɑmɑ nɛn ɡɑri kun dɔɔnɔ pɑi.

Yohɑnu 4:24

Gusunɔ u sɑ̃ɑwɑ hunde, be bɑ mɑɑ nùn sɑ̃ɑmɔ, bɑ koo nùn sɑ̃wɑ hunde sɔɔ kɑ ɡem sɔɔ.

Heberu 12:14

I hɑniɑ koowo i n kɑ nɔɔ tiɑ sɑ̃ɑ kɑ tɔmbu kpuro kpɑ i n wɑ̃ɑru dimɔ te tɑ dɛɛre, domi ɡoo sɑri wi u koo Yinni wɑ, win wɑ̃ɑru tɑ̀ kun dɛɛre.

Kɑ̃siru 21:27

Adɑmɑ ɡɑ̃ɑ kɔ̃sunu kun duɔ wuu ɡe sɔɔ pɑi, mɛyɑ mɑɑ tɔnu wi u kom kɔ̃sum kɑ weesu mɔ̀. Be bɑ koo du mi, beyɑ bèn yĩsɑ bɑ yoruɑ Yɑ̃ɑ kinɛ kpɛm ten tireru sɔɔ te tɑ sɑ̃ɑ wɑ̃ɑrun tireru.