Womusu 91:3 - Bibeli Gusunɔn Gari

³ Domi wiyɑ u nun wɔrɑmɔ sɑɑ tɑɑn di. Wiyɑ mɑɑ nun wɔrɑmɔ sɑɑ kɛ̃si kɛ̃si ɡɔɔ kɑ win wɑhɑlɑn di.

Womusu 91:3 ပူးပေါင်းရင်းမြစ်များ

Sɑmuɛli II 24:15

Mɑ Yinni Gusunɔ u derɑ bɑrɑrɑ pusi sɑɑ dɔmɑ ten bururun di n kɑ ɡirɑri sɔ̃ɔ itɑ ye. Mɑ tɔmbu nɔrɔbun subɑ wɑtɑ kɑ wɔkuru (70.000) bɑ ɡbisukɑ Isirelin tem kpuro sɔɔ.

Sinɑmbu I 8:37

Gɔ̃ɔru tɑ̀ n duɑ tem mɛ sɔɔ, ǹ kun mɛ kɛ̃si kɛ̃si bɑrɑru, ǹ kun mɛ dĩɑnun ɡɔɔ, ǹ kun mɛ twee, ǹ kun mɛ kɔkɔnu ɡɑnu ni nu rɑ dĩɑnu sɑnku, ǹ kun mɛ yibɛrɛbɑ bɑ̀ n tem mɛn wusu tɑrusi, ǹ kun mɛ bɑrɑ bwese bwesekɑ yɑ̀ n wunɛn tɔmbu deemɑ, ǹ kun mɛ wɑhɑlɑ ɡɑɑ,

Womusu 124:7

U derɑ bɛsɛn hunde yɑ kisirɑ sɑɑ tɑɑn di nɡe ɡunɔ. Tɑɑ yɑ kɑsikirɑ mɑ sɑ yɑrɑ.

Womusu 141:9

A mɑn ɡbɑro tɔn kɔ̃sobun yinɑ ye bɑ mɑn bɛrien di. A mɑn ɡbɑro ben tɑɑ ye bɑ mɑn bɛrien di.

Womusu 68:21

Wiyɑ u rɑ tɔnu fɑɑbɑ ko. Wi turowɑ u koo kpĩ u nùn yɑkiɑ sɑɑ ɡɔɔn di.

Womusu 91:6

Kɛ̃si kɛ̃si ɡɔɔ wi u bɔsu wɔ̃kuru, ǹ kun mɛ bɑrɑ te tɑ tɔmbu ɡoomɔ sɔ̃ɔ sɔɔ ɡbɑ̃ɑrɑ, yen ɡɑɑ kun nun bɛrum mɔ̀.

Mɔnnu 6:5

A tii yɑkio kpɑ ɑ n tii mɔ nɡe mɛ nɛm tɑɑkɔ kɑ ɡunɔ nu rɑ kisire tɑɑson yinɑn di.

Mɔnnu 7:23

ǹ kun mɛ ɡunɔ ɡe ɡɑ wɔriɔ tɑɑ sɔɔ. Gɑ ǹ yɛ̃ ɡɔɔwɑ ɡɑ dɔɔ, sere sɑɑ ye sɛ̃u ɡɑ ɡen sɔndu sɔkɑ.

Wɑɑsu kowo 9:12

Nɡe mɛ swɛ̃ɛ yi ku rɑ n yɛ̃ sɑɑ ye bɑ koo yi mwɑ subɑru sɔɔ kɑ yɑ̃ɑkororu, ǹ kun mɛ nɡe mɛ ɡunɔ ɡɑ ku rɑ n yɛ̃ sɑɑ ye bɑ koo ɡe mwɑ kɑ tɑɑ, nɡe mɛyɑ tɔnu ku rɑ n win ɡɔɔn kɔbɑ yɛ̃. Nɔni swɑ̃ɑru tɑ rɑ tɔnun bii deemɛ subɑru sɔɔ nɡe mɛ bɑ rɑ yɛɛ yi mwɛɛri.

Osee 9:8

Adɑmɑ sɔmɔ wi u bɛɛ kirɔ mɔ̀, u wɑ̃ɑ kɑ Gusunɔ. Kɑ mɛ, i nùn yinɑ bɛriɑmmɛ mi u dɔɔ kpuro. I rɑ mɑm nùn seesiwɑ Gusunɔ win Yinnin sɑ̃ɑ yerɔ.

Amɔsu 3:5

Gunɔ ɡɑ koo tɑɑ mwɑɑrɑ temɔ bɑ kun ye bɛri? Tɑɑ yɑ koo se wɔllɔ ɡɑ̃ɑnu kun ye kɛsie?

Timɔte I 6:9

Adɑmɑ be bɑ kĩ bɑ n sɑ̃ɑ ɑrumɑniɡibu, beyɑ bɑ rɑ wɔri kɔkiribu sɔɔ, kpɑ wiirɑrun kĩru kɑ kĩi ɡɔburu tu bu yinɑ mwɑ bɑ n kɑ dɔɔ kɑm kobu kɑ kpeerɑsiɑbu sɔɔ.

Timɔte II 2:26

Sɑnɑm mɛyɑ ben lɑɑkɑri koo wurɑmɑ kpɑ bu kisirɑ Setɑm yinɑn di wi u rɑɑ bu nɛni u toorimɔ win ɡɔ̃ru kĩru sɔɔ.