Womusu 91:2 - Bibeli Gusunɔn Gari

² Kon Yinni Gusunɔ sɔ̃ mɑ wiyɑ nɛn kuku yeru kɑ nɛn kɑ̀rì. Wiyɑ nɛn Yinni wi nɑ nɑɑnɛ sɑ̃ɑ.

Womusu 91:2 ပူးပေါင်းရင်းမြစ်များ

Torubu 17:7

Kon wure n kɑ bɛɛ nɛn ɑrukɑwɑni bɔke, wunɛ kɑ wunɛn bibu kɑ ben bweseru kpuro kpɑ nɑ n sɑ̃ɑ wunɛn Yinni kɑ wunɛn bweserun Yinni sere kɑ bɑɑdommɑɔ.

Womusu 14:6

Bɛɛ kɔ̃sɑn kowobu, i sɑ̃ɑrobun himbɑ sɑnkumɔ, i bu sekuru dokemɔ. Adɑmɑ Yinni Gusunɔ u bu kɔ̃su.

Womusu 142:5

A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃. Nɑ ǹ kuku yeru mɔ. Goo sɑri wi u mɑɑ nɛn bwisikunu mɔ̀.

Womusu 142:6

Yinni Gusunɔ, wunɑ nɑ sokumɔ. Nɑ nɛɛ, wunɑ ɑ sɑ̃ɑ nɛn kuku yeru. Wunɛ turowɑ ɑ sɑ̃ɑ nɛɡii duniɑ ye sɔɔ.

Womusu 18:2

Yinni Gusunɔ, wunɑ ɑ sɑ̃ɑ nɛn dɑm. Wunɑ nɑ kĩ.

Womusu 18:3

A sɑ̃ɑwɑ nɡe kpee bɑɑ yè sɔɔ kon kuke. A sɑ̃ɑwɑ nɛn kuku yee nɑɑnɛɡiru. Wunɑ ɑ sɑ̃ɑ nɛn Yinni wi u mɑn yɑkiɑ. Wunɑ ɑ sɑ̃ɑ nɛn tɛrɛru. Wunɛn dɑmɑ mu mɑn wɔrɑ. Wunɑ ɑ sɑ̃ɑ nɛn kɑ̀rì.

Womusu 25:2

Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

Womusu 31:15

Adɑmɑ Yinni Gusunɔ, wunɑ nɑ nɑɑnɛ sɑ̃ɑ. Domi wunɑ ɑ sɑ̃ɑ nɛn Yinni.

Womusu 43:4

kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Womusu 46:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,

Womusu 46:2

Gusunɔwɑ u sɑ̃ɑ bɛsɛn kuku yee nɑɑnɛɡiru kɑ bɛsɛn tɑ̃si yeru. Bɑɑ nuku sɑnkirɑnu sɔɔ, u rɑ n sɔɔru sɑ̃ɑwɑ u kɑ tɔnu somi.

Womusu 48:14

I yen ɡbɑ̃rɑ te mɛɛrio, kpɑ i yen sinɑ kpɑɑnu mɛɛri i rɑ kɑ bɛɛn bibu yen fɑɑɡi kuɑ,

Womusu 61:5

Nɑ kĩ nɑ n wɑ̃ɑ wunɛn kuu bekuruɡirɔ sere kɑ bɑɑdommɑɔ, nɑ n kukuɑ wunɛn kɑserun kɔkɔrɔ.

Womusu 71:3

A de ɑ n sɑ̃ɑ nɛn kpee bɑɑ mi kon kuke. Kpɑ nɑ n wɑ̃ɑ mi bɑɑdommɑ. Wunɑ ɑ ɡɔ̃ru doke ɑ mɑn fɑɑbɑ ko. Domi ɑ sɑ̃ɑwɑ nɛn kuku yeru nɡe kpee bɑɑ dɑmɡiɑ.

Womusu 91:9

Yèn sɔ̃ Yinni Gusunɔ u kuɑ wunɛn kuku yeru, mɑ wi, Wɔrukoo u kuɑ wunɛn wɑ̃ɑ yeru,

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Yeremi 31:1

Yinni Gusunɔ u nɛɛ, sɑɑ ɡɑɑ sisi yè sɔɔ kon mɑɑ ko Isirelibɑn bwesenu kpuron Yinni, kpɑ be, bɑ n mɑɑ sɑ̃ɑ nɛn tɔmbu.

Luku 20:38

Gusunɔ kun sɑ̃ɑ ɡɔribun Yinni. U sɑ̃ɑwɑ wɑsobuɡii, domi win mi kpuro bɑ sɑ̃ɑwɑ wɑsobu.

Heberu 11:16

Adɑmɑ tɛ̃ bɑ tem kɑsu mɛ mu burɑm bo, tem mɛyɑ tem wɔlluɡim. Yen sɔ̃nɑ sekurɑ kun Gusunɔ mɔ̀ bu kɑ nùn soku ben Yinni domi u bu wuu ɡɑɡu sɔɔru kuɑ.