Womusu 91:15 - Bibeli Gusunɔn Gari

¹⁵ Ù n mɑn sokɑ kon nùn wurɑri. Ko nɑ n wɑ̃ɑ kɑ wi nɔni swɑ̃ɑrun sɑɑ. Kon nùn yɑkiɑ kpɑ n nùn bɛɛrɛ wɛ̃.

Womusu 91:15 ပူးပေါင်းရင်းမြစ်များ

Yoobu 12:4

Bɑɑ mɛ nɑ Gusunɔ kɑnɑ, u mɑn wisɑ, nɛn kpɑɑsibɑ mɑn yɑɑkoru mɔ̀. Bɑɑ mɛ nɑ ǹ tɑɑrɛ ɡɑɑ mɔ, nɛn bɔrɔbɑ bɑ mɑn yɛ̃ɛmɔ.

Yoobu 5:19

Nɔn dɑbinu u koo nun yɑrɑ nuku sɑnkirɑrun di, kpɑ kɔ̃sɑ ɡɑɑ yu ku mɑɑ nun deemɑ.

Womusu 10:17

Yinni Gusunɔ, ɑ kɑnɑ nini swɑɑ dɑkio. Wɔnwɔndo ù n nun kɑnɑ, ɑ nùn dɑm kɛ̃ɛyɔ. Be bɑ dɑm dɔremɔ, bɑ̀ n nun sokɑ, ɑ bu wɔro. Be bɑ ɡobekubɑ dɑm dɔremɔ, ɑ bu sirio, kpɑ ɡoo u ku mɑɑ de bɑ n win bɛrum mɔ.

Womusu 138:7

Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

Womusu 18:15

U nɛn yibɛrɛbɑ yɑrinɑsiɑ kɑ ɡuru kpenu ni nu sɑ̃ɑ nɡe sɛ̃ɛnu. U bu ɡirɑ bɑɑmɑ kɑ ɡuru mɑɑkinu.

Womusu 23:4

Nɑ̀ n sĩimɔ yɑm wɔ̃ku bɑkɑru sɔɔ, nɑ ǹ kɔ̃sɑ nɑsie, yèn sɔ̃, ɑ kɑ mɑn wɑ̃ɑ. Wunɛn dɛkɑ yɑ rɑ mɑn kpɑre. Wunɛn bokurɑ tɑ rɑ mɑn ɡbɑre. Yeniwɑ yɑ rɑ mɑn dɑm kɛ̃.

Womusu 37:40

U bu somimɔ, u bu wɔrɑmɔ tɔn kɔ̃sobun nɔmɑn di, u bu fɑɑbɑ mɔ̀, domi win miyɑ bɑ ben kuku yeru kɑsu.

Womusu 50:15

A mɑn sokuo sɑnɑm mɛ ɑ nuki sɑnkire. Sɑɑ ye sɔɔ, kon nun wurɑri, kpɑ ɑ mɑn bɛɛrɛ wɛ̃.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 58:9

Sɑnɑm mɛyɑ ì n mɑn sokɑ, kon bɛɛ wisi n nɛɛ, nɛ wee. Ì n bɛɛn yobu kɑrɑ, mɑ i murɑfitiru kɑ ɡɑri kɔ̃si deri,

Esɑi 65:24

Bu sere kɑnɑru ko bu kpe, ko nɑ n dɑ bu wisiwɑ.

Yeremi 33:3

ɑ mɑn sokuo, kon nun wurɑri. Kon nun ɡɑ̃ɑ bɑkɑ ɑsiriɡinu sɔ̃ɔsi ni ɑ ǹ yɛ̃.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.

Yohɑnu 12:26

Goo ù n nɛn wɑ̃ɑru wɑ̃ɑ, yɛ̃ro u mɑn swĩiyɔ. Mi nɑ wɑ̃ɑ kpɑ u n mɑɑ wɑ̃ɑ mi. Goo ù n nɛn wɑ̃ɑru wɑ̃ɑ, nɛn Bɑɑbɑ koo yɛ̃ro bɛɛrɛ wɛ̃.

Yohɑnu 12:43

Domi bɑ tɔnun siɑrɑbu kĩ n kere Gusunɔn siɑrɑbu.

Yohɑnu 16:32

I lɑɑkɑri koowo, sɑɑ yɑ sisi yɑ mɑm tunumɑ kɔ ye bɑ koo kɑ bɛɛ kpuro yɑrinɑsiɑ, bɑɑwure u kɑ dɑ win yɛnuɔ. I ko mɑn deri nɛ turo, ɑdɑmɑ nɑ ǹ wɑ̃ɑ nɛ turo yèn sɔ̃ Bɑɑbɑ u wɑ̃ɑ kɑ nɛ.

Yohɑnu 5:44

Bɛɛ i rɑ kɑ̃ i bɛɛrɛ kuɑnɑ, ɑdɑmɑ i ku rɑ Gusunɔ turon bɛɛrɛ kɑsu. Ǹ n mɛn nɑ, ɑmɔnɑ i ko kɑ nɑɑnɛ doke.

Timɔte II 4:17

Adɑmɑ, Yinni kɑ mɑn yɔ̃rɑ u mɑn dɑm kɑ̃ nɑ kɑ kpĩɑ nɑ Lɑbɑɑri ɡeɑ wɑɑsu kuɑ tɔn tukobu kpuron wuswɑɑɔ. Nɑ mɑɑ yɑrɑ ɡbee sunɔn nɔɔn di.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Piɛɛ I 1:21

Sɑɑ win min diyɑ i Gusunɔ nɑɑnɛ doke wi u nùn seeyɑ ɡɔrin di mɑ u nùn yiiko wɛ̃. Nɡe mɛyɑ i bɛɛn nɑɑnɛ kɑ bɛɛn yĩiyɔbu doke Gusunɔ sɔɔ.

Piɛɛ I 3:22

wi u dɑ wɔllɔ mɑ u wɑ̃ɑ Gusunɔn nɔm ɡeuɔ. Miyɑ Gusunɔn ɡɔrɑdobɑ kɑ wɔllun yiikoɡibu kɑ dɑmɡibu bɑ nùn wiru kpĩiyɛ.

Piɛɛ I 5:4

Mɑ sɑnɑm mɛ kpɑrobun wiruɡii koo kurɑmɑ, i ko ɑre yiikoɡii mwɑ yìn burɑm kun kpeemɔ.

Kɑ̃siru 3:21

Wi u tɑbu di, wiyɑ kon de u kɑ mɑn sinɑ nɛn sinɑ ɡɔnɑɔ, nɡe mɛ nɑ tɑbu di mɑ nɑ sinɑ kɑ nɛn Bɑɑbɑ win sinɑ ɡɔnɑɔ.

Sɑmuɛli I 2:30

Yen sɔ̃, u nɛɛ, wiyɑ u rɑɑ ɡeruɑ mɑ wunɛn yɛnu kɑ wunɛn bɑɑbɑn yɛnuɡibu bɑ koo ko win yɑ̃ku kowobu sere kɑ bɑɑdommɑɔ. Adɑmɑ tɛ̃ u ɡeruɑ u nɛɛ, yɑ ǹ mɑɑ koorɔ mɛ, domi be bɑ nùn bɛɛrɛ wɛ̃ɛmɔ, beyɑ u koo bɛɛrɛ wɛ̃. Be bɑ kun nùn ɡɑrɑ, beyɑ u ǹ ɡɑrisimɔ.