Womusu 91:11 - Bibeli Gusunɔn Gari

¹¹ Domi u koo win ɡɔrɑdobɑ nɔɔ kɛ̃ wunɛn sɔ̃, bɑ n nun kɔ̃su wunɛn swɛɛ kpuro sɔɔ,

Womusu 91:11 ပူးပေါင်းရင်းမြစ်များ

Torubu 28:15

Wee nɑ wɑ̃ɑ kɑ wunɛ, ko nɑ n mɑɑ nun kɔ̃su yɑm kpuro mi ɑ dɔɔ kpɑ n mɑɑ kɑ nun wurɑmɑ tem mɛ sɔɔ. Domi nɑ ǹ nun derimɔ sere n kɑ ko nɡe mɛ nɑ nun sɔ̃ɔwɑ.

Womusu 34:7

Yinni Gusunɔ u rɑ wɔnwɔndon sokuru nɔ. Mɛyɑ u rɑ mɑɑ nùn yɑre nuku sɑnkirɑnu kpuron di.

Womusu 71:3

A de ɑ n sɑ̃ɑ nɛn kpee bɑɑ mi kon kuke. Kpɑ nɑ n wɑ̃ɑ mi bɑɑdommɑ. Wunɑ ɑ ɡɔ̃ru doke ɑ mɑn fɑɑbɑ ko. Domi ɑ sɑ̃ɑwɑ nɛn kuku yeru nɡe kpee bɑɑ dɑmɡiɑ.

Yɑribu 23:20

Yenibɑ kpuron biru Yinni Gusunɔ u Isirelibɑ sɔ̃ɔwɑ u nɛɛ, kon bɛɛ nɛn ɡɔrɑdo ɡɔriɑmɑ u kɑ bɛɛ kpɑrɑ kpɑ u n bɛɛ kɔ̃su bɛɛn sɑnum sɔɔ. U koo kɑ bɛɛ dɑ tem mɛ nɑ bɛɛ sɔɔru kuɑ sɔɔ.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Yeremi 2:18

Ì n dɑ i tii Asiriɡibu ǹ kun mɛ Eɡibitiɡibu wɛ̃, i ben dɑɑrun nim nɔrumɔ, mbɑ i ko wɑ.

Mɑteu 4:6

Mɑ u nɛɛ, ɑ̀ n sɑ̃ɑ Gusunɔn Biin nɑ, ɑ yɔ̃ɔwɔ ɑ surɑ temɔ domi Gusunɔn ɡɑri yi ɡeruɑ yi nɛɛ, “Gusunɔ u koo win ɡɔrɑdobɑ nɔɔ kɛ̃ wunɛn sɔ̃ bu nun nɛnɛ kɑ ben nɔmɑ, kpɑ ɑ ku rɑ kɑ wunɛn nɑɑsu kperu sokurɑ.”

Heberu 1:14

Ǹ n mɛn nɑ, mbɑ wɔllun ɡɔrɑdobɑ bɑ sɑ̃ɑ. Bɑ sɑ̃ɑwɑ hundebɑ be bɑ Gusunɔ sɑ̃ɑmɔ. Berɑ u rɑ mɑɑ ɡɔri bu dɑ bu be bɑ koo fɑɑbɑ wɑ somi.