Womusu 90:10 - Bibeli Gusunɔn Gari

¹⁰ Tɔnun wɑ̃ɑru tɑ rɑ turi sere wɔ̃ɔ wɑtɑ kɑ wɔkuru, wi u mɑɑ dɑm mɔ, wɔ̃ɔ wɛnɛ, ɑdɑmɑ kɑ mɛ, tɔnun wɑ̃ɑrɑ ku rɑ n ɑrufɑɑni ɡɑɑ mɔ sere wɑhɑlɑ kɑ nɔni swɑ̃ɑru. Domi tɑ rɑ doonɛwɑ fuuku ɡɔri ɡiɑ.

Womusu 90:10 ပူးပေါင်းရင်းမြစ်များ

Torubu 47:9

Yɑkɔbu u nùn wisɑ u nɛɛ, nɛn wɔ̃ɔ wunɑɑ teeru kɑ wɔkurɑ mi, mìn di nɑ hɑnduniɑ duɑ, nɑ mɑɑ sirenɛwɑ. Nɛn wɔ̃ɔ ɡɑ ǹ dɑbi, ɡɑ ǹ mɑɑ nuku dobu mɔ, mɛyɑ ɡɑ ǹ mɑɑ nɛn bɑɑbɑbɑɡuu turɑ ɡe bɑ kuɑ sɑnɑm mɛ bɑ wɑ̃ɑ hunde sɔɔ.

Torubu 6:3

Mɑ bɑ kɑ bu mɛnnɑ bɑ bibu mɑrɑ. Bii beyɑ bɑ kuɑ durɔ ɡbebunu hɑnduniɑ sɔɔ, ni nu rɑɑ yĩsiru yɑrɑ yellu. Mɑ Yinni Gusunɔ u nɛɛ, nɛn hunde kun ko n wɑ̃ɑ tɔmbu sɔɔ kɑ bɑɑdommɑɔ domi bɑ sɑ̃ɑwɑ be bɑ koo ɡbi. Kɑ mɛ, kon de bɑ n ɡinɑ wɑ̃ɑ wɔ̃ɔ wunɑɑ teeru.

Sɑmuɛli II 19:35

Adɑmɑ Bɑɑsilɑi u nùn wisɑ u nɛɛ, nɛn wɑ̃ɑrun tɔ̃rɑ kun mɑɑ dɛ̃u n sere kɑ nun swĩi su dɑ Yerusɑlɛmuɔ.

Sɑmuɛli II 19:36

Wee wɔ̃ɔ wɛnɛwɑ nɑ mɔ. Nɑ ǹ mɑɑ kpɛ̃ n ɡeɑ kɑ kɔ̃sɑ wunɑnɑ. Mɛyɑ bɑɑ dĩɑ ni nɑ dimɔ nɑ ǹ kpɛ̃ n mɑɑ ye yɑ do kɑ ye yɑ kun do wunɑnɑ. Yen biru, nɑ ǹ mɑɑ kpɛ̃ n tɔn durɔbu kɑ tɔn kurɔbun womusu nɔ. Ǹ n mɛn nɑ, yinni, mbɑn sɔ̃nɑ nɑ kon mɑɑ sɑ̃ɑ wunɛn sɔmunu.

Sinɑmbu I 1:1

Dɑfidi u tɔkɔ kuɑ u bukurɑ ɡem ɡem. Bɑɑ bɑ̀ n nùn bekɑ bubusi, kɑ mɛ, u rɑ n kurusinɛwɑ woorun sɔ̃.

Yoobu 14:10

Adɑmɑ tɔnu u rɑ ɡbiwɑ, kpɑ u kun mɑɑ wɑ̃ɑ. Ù n ɡu, mɑnɑ u rɑ n wɑ̃ɑ.

Yoobu 20:8

Bɑ koo nùn duɑriwɑ nɡe dosu. U koo doonɑwɑ nɡe wɔ̃kurun kɑ̃siru.

Yoobu 24:24

Bɑ̀ n kɑ tii yinɑ kpuro, subɑru sɔɔ, bɑ kpɑwɑ. Bɑ rɑ wɔrumɛwɑ mii mii bu ɡbi nɡe tɔn diro. Kpɑ bɑ n sɑ̃ɑ nɡe dobi yi bɑ burɑ.

Yoobu 5:7

Adɑmɑ wi bɑ mɑrɑ kpuro u koo wɑhɑlɑ kowɑ, nɡe mɛ bɑ̀ n dɔ̃ɔ wure, dɔ̃ɔ buri yi rɑ yɔ̃.

Womusu 78:39

U rɑ yɑɑye mɑ bɑ sɑ̃ɑwɑ tɔmbu. Bɑ sɑ̃ɑwɑ nɡe woo. Gɑ̀ n doonɑ, ɡɑ ku rɑ wurɑmɛ.

Esɑi 38:12

Wee, bɑ mɑn nɛn wɑ̃ɑru mwɑɑri, bɑ tu swɛnyɑsiɑ bɑ kɑ tondɑ nɡe yɑ̃ɑ kpɑron kuu bekuruɡiru. Bɑ nɛn wɑ̃ɑrun wɛ̃ɛ burɑ. Mɑ bɑ mɑn kuruɑ nɡe mɛ weso u rɑ beku yɑsɑ kure. Sɔ̃ɔ u sere kpe bɑ koo nɛn wɑ̃ɑru kpeerɑsiɑ.

Sɑ̃ɑrun Woodɑ 27:7

Goo ù n mɑɑ wɔ̃ɔ wɑtɑ mɔ ǹ kun mɛ ù n kere mɛ, sii ɡeesun ɡobi wɔkurɑ nɔɔbuwɑ u koo kɔsiɑ. Ǹ n mɑɑ tɔn kurɔn nɑ, sii ɡeesun ɡobi wɔkurɑ u koo kɔsiɑ.

Luku 12:20

Adɑmɑ Gusunɔ u nùn sɔ̃ɔwɑ u nɛɛ, ɡɑri bɔkɔ, wɔ̃ku teni bɑ koo nun wunɛn hunde bikiɑ. Ye u sɔɔru kuɑ mi, wereɡiɑ yɑ ko n sɑ̃ɑ.

Sɔ̃ɔsiru 34:7

Sɑnɑm mɛ Mɔwisi u ɡu, u mɔwɑ wɔ̃ɔ wunɑɑ teeru. Adɑmɑ win dɑm tie. Mɛyɑ win nɔni kun mɑɑ dɑm dwiiye.

Yɑkɔbu 4:14

Domi i ǹ yɛ̃ ye bɛɛn wɑ̃ɑrɑ ko n sɑ̃ɑ siɑ. I sɑ̃ɑwɑ nɡe bukɔ ɡe ɡɑ rɑ wɔrumɛ sɑɑ fiiko sɔɔ, yen biru kpɑ ɡu yɑrinɑ.

Yosue 14:11

Kɑ mɛ, nɑ dɑm mɔ sere kɑ ɡisɔ n kɑ tɑbu dɑ, ǹ kun mɛ n kɑ sɔmburu ɡɑru ko, nɡe mɛ nɑ rɑɑ mɔ sɑnɑm mɛ Mɔwisi u mɑn ɡɔrimɑ n tem mɛn sɑriɑ mɛɛri.