Womusu 9:8 - Bibeli Gusunɔn Gari

^8-9 Yinni Gusunɔ, ɑ sɔ̃ wunɛn sinɑ ɡɔnɑɔ. Kɑɑ n sɑ̃ɑwɑ sunɔ sere kɑ bɑɑdommɑɔ. Wunɑ ɑ hɑnduniɑ kpɑre ɡem sɔɔ. Wunɑ ɑ tɔmbu sirimɔ dee dee.

Womusu 9:8 ပူးပေါင်းရင်းမြစ်များ

Torubu 18:25

N ǹ weenɛ ɑ tɔn ɡeobu kɑ tɔn kɔ̃sobu kpeerɑsiɑ sɑnnu kpɑ be kpuro bu ɑre tee wɑ. Yen bweserɑ kun kɑ nun weenɛ. Wunɛ wi kɑɑ hɑnduniɑ kpuro siri, ɑ ǹ kɑɑ ko ye n wɑ̃?

Womusu 10:16

Yinni Gusunɔ, wunɑ ɑ sɑ̃ɑ sinɑ boko sere kɑ bɑɑdommɑɔ. Kɑɑ be bɑ ǹ nun sɑ̃ɑmɔ ɡirɑ wunɛn tem di.

Womusu 29:10

Wiyɑ u dɑm mɔ nim wɔllɔ. Wiyɑ u ko n sɑ̃ɑ sunɔ sere kɑ bɑɑdommɑɔ.

Womusu 50:6

Wɔllu kpuro tɑ koo win ɡem ɡɑri kpɑrɑ. Domi wiyɑ u sɑ̃ɑ siri kowo.

Womusu 94:15

Domi ɡemɡiiwɑ u koo siribu di. Bèn ɡɔ̃ru ɡɑ dɛɛre kpɑ bu siri bi wurɑ.

Womusu 98:9

Domi u wee u hɑnduniɑɡibu siri. U koo bu siriwɑ ɡem sɔɔ.

Womusu 99:4

I Yinni Gusunɔn dɑm wɔlle suo. Domi u sɑ̃ɑwɑ sinɑ boko wi u rɑ ɡem kɑ̃. Yinni Gusunɔ, wunɑ ɑ sun sɔ̃ɔsi nɡe mɛ sɑ ko kɑ bɛsɛn wɑ̃ɑru diisinɑ. Wunɑ ɑ Yɑkɔbun bweseru woodɑ wɛ̃ Isireliɔ.

Yɑribu 15:18

Wunɛ Yinni Gusunɔ, kɑɑ n bɑndu diiwɑ kɑ bɑɑdommɑɔ.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Gɔrobun Kookoosu 17:31

Domi u tɔ̃ru yi tè sɔɔ u koo hɑnduniɑɡibu kpuro siri dee dee kɑ durɔ win sɑɑbu wi u ɡɔsɑ, mɑ u nùn bɑɑwure sɔ̃ɔsi ye u nùn seeyɑ ɡɔrin di.

Romu 2:16

Mɛyɑ n ko n sɑ̃ɑ tɔ̃ɔ te Gusunɔ u koo tɔmbun bwisiku ɑsiriɡinu kpuro siri Kirisi Yesun min di, nɡe mɛ nɛn Lɑbɑɑri ɡeɑ yɑ ɡerumɔ.