Womusu 9:20 - Bibeli Gusunɔn Gari

²⁰ Yinni Gusunɔ, ɑ seewo. A ku de bu nɛɛ, tɔnuwɑ u kɑ nun kinɛnu mɔ̀. A ku de bwese tukunu nu nun ɑtɑfiiru ko. A bu sɛɛyɑsio nɡe mɛ n weenɛ,

Womusu 9:20 ပူးပေါင်းရင်းမြစ်များ

Bɑndun Gɑri II 14:10

Mɑ Asɑ u Gusunɔ win Yinni kɑnɑ u nɛɛ, Yinni Gusunɔ, wunɛ turowɑ kɑɑ kpĩ ɑ dɑmɡii ǹ kun mɛ dɑm sɑriruɡii somiru nɑ. Yen sɔ̃, ɑ nɑ ɑ sun somi. Domi wunɛ sɔɔrɑ sɑ tɑ̃sɑ. Mɛyɑ kɑ wunɛn yĩsirɑ sɑ kɑ tɔn dɑbi teni wɔrim nɑ. Gusunɔ bɛsɛn Yinni, ɑ ku de tɔnu u nɑsɑrɑ wɑ wunɛn wɔllɔ.

Womusu 3:8

Gusunɔ nɛn Yinni, ɑ seewo ɑ mɑn fɑɑbɑ ko. A seewo ɑ nɛn yibɛrɛbɑ wiru kɔsuku. A seewo ɑ ben nɔsu kɔsuku.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Womusu 76:12

I Gusunɔ bɛɛn Yinni nɔɔ mwɛɛnu kuo kpɑ i nu yibiɑ. Bɛɛ be i kɑ nùn sikerenɛ i nùn nɑsie, i kɑ nùn kɛ̃nu nɑɑwɔ.

Yɑribu 15:16

Bɛrum kɑ nɑndɑbu koo bu deemɑ subɑru sɔɔ. Wunɛn dɑm sɑɑbu bɑ koo mɑri sɔ̃ɔ sɔ̃ɔ nɡe kperu. Sere wunɛn tɔn be ɑ yɑkiɑ yorun di bu kɑ nim wɔ̃ku tɔburɑ, Yinni Gusunɔ.

Yɑribu 23:27

Ye kon mɑɑ wure n ko wee. Be bɑ nuɑ i duɔ ben temɔ kpuro, kon de bu nɑndɑ, kpɑ bu yɑri bu doonɑ bɛɛn sɔ̃.

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Yeremi 32:40

Kon kɑ bu ɑrukɑwɑni bɔke ye yɑ kun kpeemɔ. Nɑ ǹ bu biru kisimɔ, kon bu ɡeɑ kuɑwɑ, kpɑ n de bɑ n mɑn nɑsie ben ɡɔ̃ruɔ kpɑ bu ku rɑɑ mɑɑ ɡɛrɑ nɛn swɑɑn di.

Esekiɛli 28:2

tɔnun bii, ɑ Tirin sunɔ sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡerumɔ. Nɑ nɛɛ, wee u tii suɑ sere u ɡerumɔ u mɔ̀, wiyɑ u sɑ̃ɑ Gusunɔ. Mɑ u sɔ̃ Gusunɔn sinɑ kitɑru wɔllɔ nim wɔ̃kun suunu sɔɔ. Adɑmɑ u n yɛ̃ mɑ u sɑ̃ɑwɑ tɔnu, n ǹ mɔ Gusunɔ, bɑɑ mɛ u tɑmɑɑ win bwisikunu sɑ̃ɑwɑ teenu kɑ nɛ Gusunɔɡinu.

Esekiɛli 28:9

Sɑɑ ye sɔɔ, bɑ̀ n nùn ɡoobu (200) nɑ, u koo kpĩ u mɑɑ nɛɛ, u sɑ̃ɑwɑ Gusunɔ? Aɑwo, u ko n sɑ̃ɑwɑ tɔnu, n ǹ mɔ Gusunɔ, wi u nùn ɡoomɔn nɔmɑɔ.

Esekiɛli 30:13

Nɛ, Yinni Gusunɔ nɑ mɑɑ ɡeruɑ nɑ nɛɛ, kon Nɔfun bũu turɑnun bwɑ̃ɑrokunu kpuro kɔsuku. Goo kun mɑɑ bɑndu dimɔ Eɡibitiɔ. Kon dewɑ tem mɛ, mu bɛrum duurɑ.

Sɔ̃ɔsiru 2:25

Sɑɑ ɡisɔn di u koo de nɑndɑbu bu n wɑ̃ɑ hɑnduniɑn bwesenu kpuro sɔɔ bɛsɛn sɔ̃. Bɑ̀ n bɛsɛn dɑmu nuɑ, kpɑ bu diiri bɛrum sɔ̃.