Womusu 9:11 - Bibeli Gusunɔn Gari

¹¹ Yinni Gusunɔ, be bɑ wunɛn yĩsirun bɛɛrɛ yɛ̃, bɑ rɑ n nun nɑɑnɛ sɑ̃ɑ. Be bɑ nun kɑsu, ɑ ku rɑ bu biru kisi.

Womusu 9:11 ပူးပေါင်းရင်းမြစ်များ

Womusu 107:22

Bu nùn siɑrɑbun yɑ̃kunu kuo. Kpɑ bu win sɔm mɑɑmɑɑkiɡii nin ɡɑri kpɑrɑ kɑ nuku dobu.

Womusu 118:17

Nɑ ǹ mɑɑ ɡbimɔ, ko nɑ n wɑ̃ɑwɑ, kpɑ n win sɔmɑ ye u kuɑn ɡɑri kpɑrɑ.

Womusu 66:2

I womu koowo win yĩsirun yiikon sɔ̃. I win yĩsiru wɔlle suo kɑ womusu,

Womusu 66:5

I nɑ i Gusunɔn sɔmɑ mɛɛri ye u kuɑ. U nɑnum mɔ ù n sɔmburu mɔ̀ tɔmbun suunu sɔɔ.

Womusu 76:2

Bɑ Gusunɔ tubɑ Yudɑɔ, mɑ u yĩsiru yɑrɑ Isireliɔ.

Womusu 78:68

Yudɑn bweseru kɑ Siɔnin ɡuurɑ u kĩɑ u ɡɔsɑ.

Womusu 91:14

Yinni Gusunɔ u nɛɛ, yèn sɔ̃ u mɑn kĩ, kon nùn yɑkiɑ kpɑ n nùn kɔ̃su domi u nɛn yĩsiru yɛ̃.

Womusu 96:10

I bwesenu kpuro sɔ̃ɔwɔ i nɛɛ, Yinni Gusunɔ u bɑndu di. U tem swĩi mu dɑm mɔ, mu ǹ mɑɑ yĩirimɔ. U rɑ tɔmbu siriwɑ dee dee.

Esɑi 14:32

Esɑi u nɛɛ, mbɑ sɑ ko Filisitibɑn ɡɔrobu wisi. Sɑ ko nɛɛ, Yinni Gusunɔwɑ u Siɔni swĩi. Miyɑ win tɔn be bɑ sɑ̃ɑ wɔnwɔndobu bɑ koo kuke kɑ bɔri yɛndu.

Yohɑnu 17:26

Nɑ bu wunɛn yĩsiru ɡiɑsiɑ, mɛyɑ kon kpɑm bu tu ɡiɑsiɑm sosi, kĩi te ɑ mɑn kĩɑ tɑ n kɑ wɑ̃ɑ be sɔɔ, kpɑ nɑ n mɑɑ wɑ̃ɑ be sɔɔ.

Heberu 12:22

Adɑmɑ bɛɛ, Siɔnin ɡuurɑ i susi kɑ Gusunɔ Yinni wɑson wuu ɡe ɡɑ sɑ̃ɑ Yerusɑlɛmu wɔrukɑɑ, kɑ ɡen ɡɔrɑdo dɑbi dɑbiru te tɑ ǹ ɡɑrirɔ te tɑ mɛnnɛ kɑ nuku dobu.

Kɑ̃siru 14:1

Yen biruwɑ nɑ mɛɛrɑ mɑ nɑ Yɑ̃ɑ kinɛ kpɛm te wɑ tɑ yɔ̃ Siɔnin ɡuuru wɔllɔ. Tɔnu nɔrɔbun subɑ wunɑɑ weeru kɑ nnɛ (144.000) bɑ kɑ nùn wɑ̃ɑ mi, be bɑ win yĩsiru kɑ win Bɑɑbɑn yĩsiru yoruɑ ben sirinɔ.