Womusu 89:7 - Bibeli Gusunɔn Gari

⁷ Yinni Gusunɔ, ɑ ǹ sɑɑrɑ mɔ wɔllɔ. Wunɛn ɡɔrɑdobɑ sɔɔ, ɡoo sɑri wi u kɑ nun nɛ.

Womusu 89:7 ပူးပေါင်းရင်းမြစ်များ

Womusu 113:5

Gusunɔ bɛsɛn Yinnin wɑ̃ɑ yerɑ wɑ̃ɑ wɔllɔ. Wɑrɑ u kɑ nùn weenɛ.

Womusu 29:1

Dɑfidin womu. Bɛɛ be i wɑ̃ɑ wɔllɔ, i Yinni Gusunɔ siɑro win yiiko kɑ win dɑm sɔ̃.

Womusu 47:2

Bɛɛ hɑnduniɑn bwesenu, i tɑki koowo, kpɑ i kuuki ko kɑ nuku dobu Yinni Gusunɔn mi.

Womusu 86:8

Gɑ̃ɑnu sɑri ni nu kɑ nun weenɛ ye bɑ rɑ sɑ̃ kpuro sɔɔ. Gɑ̃ɑnu mɑɑ sɑri ni nu kɑ wunɛn sɔmɑ weenɛ.

Esɑi 40:18

Wɑrɑ i ko kɑ Gusunɔ weesinɑ. Mbɑ i ko nɛɛ, u kɑ weenɛ.

Esɑi 40:25

Gusunɔ Dɛɛro u nɛɛ, wɑrɑ tɔmbɑ kɑ nùn weesinɑmɔ.

Esɑi 66:2

Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Sɑ̃ɑrun Woodɑ 10:3

Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

Mɑteu 10:28

I ku bu nɑsiɑ be bɑ koo wɑsi tɔnɑ ɡo, be bɑ ǹ kpɛ̃ bu hunde ɡo. Adɑmɑ i yɛ̃ro nɑsio wi u koo kpĩ u wɑsi kɑ hunde ɡo sɑnnu dɔ̃ɔ wi u ku rɑ ɡbi sɔɔ.

Gɔrobun Kookoosu 5:11

Bɛrum bɑkɑm Yesun yiɡbɛru kpuro mwɑ, kɑ mɑɑ bɑɑwure wi u ɡɑri yi nuɑ.