Womusu 89:52 - Bibeli Gusunɔn Gari

⁵² Yinni Gusunɔ, yibɛrɛbɑ bɑ wunɛn tɔmbu sekuru dokemɔ, mɑ bɑ wi ɑ ɡɔsɑ wɔmmɔ mi u dɔɔ kpuro.

Womusu 89:52 ပူးပေါင်းရင်းမြစ်များ

Nɛɛmi 9:5

Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ. Bɑɑwure u nùn siɑro win yĩsi bɛɛrɛɡirun sɔ̃, bɑɑ mɛ i ǹ ɡɑri yɛ̃ yi i ko i kɑ nùn siɑrɑ.

Womusu 106:48

Gusunɔ bɛsɛ Isirelibɑn Yinni, sɑ ko n nun siɑrɑmɔwɑ sere kɑ bɑɑdommɑɔ. Kpɑ tɔmbu kpuro bu nɛɛ, ɑmi! I Yinni Gusunɔ siɑro.

Womusu 31:12

Nɛn yibɛrɛbɑ bɑ mɑn sekuru doke, mɑ be bɑ sɑ̃ɑ nɛɡibu bɑ tu sosimɔ. Be bɑ mɑn yɛ̃, beyɑ bɑ nɛn bɛrum mɔ̀. Bɑ̀ n kɑ mɑn yinnɑ swɑɑɔ, bɑ rɑ duki suwɑ.

Womusu 41:13

A mɑn kɔ̃su nɛn mɛm nɔɔbun sɔ̃. Mɑ ɑ derɑ nɑ wɑ̃ɑ wunɛn mi sere kɑ bɑɑdommɑɔ.

Womusu 69:8

Domi wunɛn sɔ̃nɑ nɑ seku bɑkɑru sɔɔwɑ tɑ derɑ nɑ nɛn wuswɑɑ wukiri.

Womusu 79:12

Yinni, bwese ni nu kɑ nun sikerenɛ nu nun wɔnwɑ, ɑ nu nin durum kɔsieyo sere nɔn nɔɔbɑ yiru.

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Timɔte I 1:17

Tɛ̃, Gusunɔ turo wi, sinɑ boko wi u ko n wɑ̃ɑ kɑ bɑɑdommɑɔ, wi u kun ɡbimɔ, wi bɑ ǹ kɑ nɔni wɑɑre, wiɡiɑ bɛɛrɛ kɑ yiiko sere kɑ bɑɑdommɑɔ. Ami.