Womusu 89:36 - Bibeli Gusunɔn Gari

³⁶ A bɔ̃ruɑ kɑ wunɛn yĩsi dɛɛrɑru mɑ ɑ ǹ Dɑfidi weesu kuɑmmɛ.

Womusu 89:36 ပူးပေါင်းရင်းမြစ်များ

Sɑmuɛli II 3:9

Ǹ n mɛn nɑ, Gusunɔ u mɑn kuɑ ye u kĩ nɑ̀ kun kɑ Dɑfidi yɔ̃re kpɑ n de Gusunɔ u win nɔɔ mwɛɛru yibiɑ te u nùn kuɑ,

Sɑmuɛli II 7:16

Win bweseru tɑ ǹ ɡbimɔ. Win bɑndu tɑ ko n mɑɑ wɑ̃ɑwɑ win bibun bweseru sɔɔ, kpɑ n ten dɑm sire sere kɑ bɑɑdommɑɔ.

Womusu 72:17

Kpɑ nɛ sinɑ bokon yĩsiru tɑ n yɑrɑ sere kɑ bɑɑdommɑɔ, bɑ n tu soku mɛ̀n nɔɔ sɔ̃ɔ yɑrimɔ. Tɔmbu bɑ̀ n ben winsim domɑru kuɑmmɛ, bɑ n dɑ nɛn yĩsiru soku, kpɑ bwesenu kpuro nu nɛɛ, doo nɔɔruɡiiwɑ nɛ sinɑ boko.

Womusu 72:5

Mɛ̀n nɔɔ sɔ̃ɔ kɑ suru yɑrimɔ, mɛyɑ bɑ ko n mɑɑ nun nɑsie sere kɑ bɑɑdommɑɔ.

Womusu 89:29

Kɑɑ de wunɛn tɔn ɡeeru tɑ n nùn wɑ̃ɑsi. Kpɑ ɑ kɑ nùn ɑrukɑwɑni bɔke ye yɑ ǹ nɔru mɔ.

Womusu 89:4

Yinni Gusunɔ, ɑ nɛɛ, ɑ kɑ Dɑfidi wi ɑ ɡɔsɑ ɑrukɑwɑni bɔkuɑ. A wi, wunɛn sɔm kowo nɔɔ mwɛɛru kuɑ kɑ bɔ̃ri

Esɑi 53:10

Adɑmɑ Gusunɔn kĩrɑ wɑhɑlɑ ye, yɑ kɑ nùn wɔri. Mɑ u duɑ nuku sɑnkirɑru sɔɔ. U tii kuɑ yɑ̃kuru tɔmbun durum sɔ̃. Yen sɔ̃, u koo bii dɑbinu wɑ, kpɑ win wɑ̃ɑrun tɔ̃ru tu dɛnyɑ. Kpɑ Yinni Gusunɔn himbɑ yu koorɑ sɑɑ win min di.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Esɑi 9:7

Yinni Gusunɔ u Isireli be bɑ sɑ̃ɑ Yɑkɔbun bweseru siri. Mɑ siri bi, bu bu di.

Yeremi 33:20

nɛnɑ nɑ kɑ sɔ̃ɔ sɔɔ kɑ wɔ̃kuru ɑrukɑwɑni bɔkuɑ. Ì n ko i kpĩ i yen ɡɑɑ yɔ̃rɑsiɑ yu ku mɑɑ sɔmburu ko yen sɑɑ sɔɔ, kpɑ yu nɛn ɑrukɑwɑni ye kusiɑ,

Yeremi 33:21

sɑɑ yerɑ nɛn tii, kon mɑɑ nɛn ɑrukɑwɑni kusiɑ ye nɑ kɑ Dɑfidi nɛn sɔm kowo bɔkuɑ, kpɑ u kɔsire biɑ win bweseru sɔɔ wi u koo bɑndu di. Kon mɑɑ nɛn ɑrukɑwɑni kusiɑ ye nɑ kɑ yɑ̃ku kowobu Lefin bweseru bɔkuɑ be bɑ rɑ sɔmburu ko nɛn sɑ̃ɑ yerɔ.

Amɔsu 4:2

Nɛ, Yinni Gusunɔ nɑ bɔ̃rumɔ kɑ nɛn tiin yĩsi dɛɛrɑru nɑ mɔ̀, wee sɑɑ yɑ sisi yè sɔɔ bɑ koo bɛɛ kɑ bɛɛn bibun bweseru kɔkɔnu sɔre bu ɡɑwɑ nɡe swɛ̃ɛ.

Luku 1:33

U ko n bɑndu dii Yɑkɔbun yɛnuɔ sere kɑ bɑɑdommɑɔ. Win bɑndu tɑ ǹ ko n nɔru mɔ.

Yohɑnu 12:34

Tɔn wɔru ɡe, ɡɑ nùn sɔ̃ɔwɑ ɡɑ nɛɛ, sɑ nuɑ bɛsɛn woodɑn tireru sɔɔ mɑ Kirisi u ko n wɑ̃ɑwɑ sere kɑ bɑɑdommɑɔ. Amɔnɑ ɑ kɑ ɡerumɔ mɑ bɑ ǹ koo ko bɑ kun Tɔnun Bii sue tem di. Wɑrɑ Tɔnu Bii wi.