Womusu 89:26 - Bibeli Gusunɔn Gari

²⁶ Kɑɑ de win bɑndun dɑm mu tɛriɑ sɑɑ nim wɔ̃ku ɡe bɑ mɔ̀ Mɛditerɑnɛn di sere kɑ dɑɑ te bɑ mɔ̀ Efɑrɑtiɔ.

Womusu 89:26 ပူးပေါင်းရင်းမြစ်များ

Sɑmuɛli II 22:47

Yinni Gusunɔ u wɑ̃ɑ. I nùn siɑro. Wiyɑ u sɑ̃ɑ nɡe kperu mi nɑ rɑ kuke. I nùn bɛɛrɛ wɛ̃ɛyɔ. Wiyɑ u mɑn fɑɑbɑ kuɑ.

Sɑmuɛli II 7:14

Nɑ kon sɑ̃ɑ win tundo, kpɑ u n mɑɑ sɑ̃ɑ nɛn bii. Ù n torɑru ɡɑru kuɑ, tɔmbɑ kon de bu nùn so bu sɛɛyɑsiɑ.

Bɑndun Gɑri I 22:10

Wiyɑ u koo nùn sɑ̃ɑ yeru bɑniɑ. U ko n sɑ̃ɑwɑ win bii, kpɑ wi, u n mɑɑ sɑ̃ɑ win tundo. Kpɑ u win bɑndun dɑm sire Isirelibɑn suunu sɔɔ sere kɑ bɑɑdommɑɔ.

Womusu 18:46

Bɑ̀ n mɑn wɑ, bɑ rɑ nɑndewɑ. Bɑ̀ n mɑn wɑ, bɑ rɑ yɑrimɛwɑ ben kuku yerun di bɑ n diirimɔ.

Womusu 43:4

kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Womusu 62:2

Kɑ ɡeemɑ, Gusunɔ wunɛ sɔɔrɑ nɛn nɑɑnɛ wɑ̃ɑ. Wunɑ ɑ rɑ mɑn fɑɑbɑ ko.

Womusu 95:1

I nɑ su Yinni Gusunɔ womu kuɑ. Su nùn nɔɔɡiru sue kɑ nuku dobu wi, wi u sɑ̃ɑ fɑɑbɑ kowo dɑmɡii nɡe kpee bɑkɑru.

Sɑkɑri 9:10

Kon de tɑbu kɛkɛ yi kpe Efɑrɑimun temɔ kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ. Sunɔ wi, u koo kɑ bwesenu bɔri yɛndu nɑɑwɑ. U ko n bɑndu diiwɑ nim wɔ̃ku ɡeen di sere kɑ nim wɔ̃ku ɡiɔ, sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn ɡoonu nnɛ sɔɔ.

Mɑteu 26:39

U kɑ bu tondinɑ mɑ u kpunɑ u kibɑri u kɑnɑru kuɑ u nɛɛ, nɛn Bɑɑbɑ, ǹ n ko n koorɑ, ɑ de wɑhɑlɑ ye, yu mɑn doonɑri. Adɑmɑ n ǹ mɔ nɡe mɛ nɑ kĩ mɑ n kun mɔ nɡe mɛ ɑ kĩ.

Mɑteu 26:42

U kpɑm kɑ bu tondinɑ nɔn yiruse u kɑnɑru kuɑ u nɛɛ, nɛn Bɑɑbɑ, wɑhɑlɑ yeni yɑ̀ kun koo mɑn doonɑri nɑ kun ye wɑ, ɑ de wunɛn kĩru tu koorɑ.

Mɑɑku 15:34

Kɔbɑ itɑ yen sɑkɑwɑ Yesu u ɡbɑ̃rɑ kɑ dɑm, u nɛɛ, “Eloi, Eloi, lemɑ sɑbɑtɑni.” Yen tubusiɑnɑ, Gusunɔ nɛn Yinni, mbɑ n kuɑ ɑ kɑ mɑn deri.

Luku 23:46

Yesu u ɡbɑ̃rɑ kɑ dɑm u nɛɛ, Bɑɑbɑ, nɑ nun nɛn hunde nɔmu sɔndiɑ. Ye u ɡɑri yi ɡeruɑ u kpɑ, mɑ u sɑriru kuɑ.

Yohɑnu 11:41

Mɑ bɑ kpee te bimiɑ min di. Mɑ Yesu u win nɔni suɑ wɔllɔ u nɛɛ, nɛn Bɑɑbɑ, nɑ nun siɑrɑ yèn sɔ̃ ɑ nɛn ɡɑri swɑɑ dɑki.

Yohɑnu 20:17

Mɑ Yesu u nùn sɔ̃ɔwɑ u nɛɛ, ɑ ku mɑn bɑbɑ, domi nɑ ǹ ɡinɑ de nɛn Bɑɑbɑn mi wɔllɔ. Adɑmɑ ɑ doo nɛn bwɑ̃ɑbun mi, ɑ bu sɔ̃ mɑ nɑ dɔɔ Gusunɔn mi, wi u sɑ̃ɑ nɛ kɑ bɛɛn Bɑɑbɑ, u mɑɑ sɑ̃ɑ nɛ kɑ bɛɛn Yinni.

Heberu 1:5

Kɑ ɡem, Gusunɔ u ǹ win ɡɔrɑdobɑn ɡoo sɔ̃ɔre u nɛɛ, “Wunɑ ɑ sɑ̃ɑ nɛn Bii. Gisɔrɑ nɑ kuɑ wunɛn tundo.” N ǹ mɑɑ mɔ win ɡɔrɑdo ɡoo u kɑ yɑ̃ ye u nɛɛ, “Kon ko win tundo, u koo mɑɑ ko nɛn bii.”