Womusu 87:4 - Bibeli Gusunɔn Gari

⁴ Nɛ, Yinni Gusunɔ, nɑ̀ n bwesenun yĩsinu yorumɔ ni nu mɑn yɛ̃, kon Eɡibitiɡibu kɑ Bɑbiloniɡibu kɑ Filisitibɑ kɑ Tiriɡibu kɑ Etiopiɡibun yĩsinu yore. Domi bɑ bu mɑrɑwɑ Yerusɑlɛmu mini.

Womusu 87:4 ပူးပေါင်းရင်းမြစ်များ

Yoobu 9:13

Gusunɔ ù n win mɔru seewɑ u ku rɑ ye yɔ̃rɑsie. Win nɑɑsun temɔwɑ u rɑ yɑɑ ɡɔbɑ ye bɑ mɔ̀ Rɑhɑbun dɑm tɑɑre.

Womusu 137:1

Sɑ sɔ̃wɑ Bɑbilonin dɑɑrun ɡoorɔ mɑ sɑ sumɔ sɑ kɑ Siɔni yɑɑyɑmɔ.

Womusu 45:12

Wunɛn burɑm mu kɑ sinɑ boko nɑɑwɑ ɡem ɡem. A nùn bɛɛrɛ wɛ̃ɛyɔ yèn sɔ̃ u sɑ̃ɑ wunɛn yinni.

Womusu 68:31

Yinni Gusunɔ, ɑ Eɡibiti yɑm swĩɛyɔ, ye yɑ nun sɑ̃ɑmɔ kɑ sii ɡeesu, ye, ye yɑ sɑ̃ɑ nɡe kɑrɑku ɡe ɡɑ wɑ̃ɑ dɑɑrun bɔkuɔ, ǹ kun mɛ nɡe nɑɑ kinɛ ni nu wɑ̃ɑ ɡɔ̃sɔ, ye, ye yɑ bwesenu dɑm dɔremɔ. A be bɑ rɑ n tɑbu kĩ yɑrinɑsio.

Womusu 89:10

Wunɑ ɑ rɑ nim wɔ̃kun tii suɑbu yɔ̃rɑsie. Gen nim kurenu nù n seewɑ, ɑ rɑ nu suresie.

Esɑi 19:11

Soɑnin wiruɡibu bɑ sɑ̃ɑwɑ ɡɑri bɑkɑsu. Eɡibitin sunɔn bwisi kɛ̃ɔbu bɑ̀ n mɛnnɑ, ɡɑri bɑkɑ ɡɑriyɑ bɑ rɑ ɡere. Bwisi kɛ̃ɔbu bɛɛ, ɑmɔnɑ i ko i kɑ̃ku i ɡere i nɛɛ, i sɑ̃ɑwɑ bwisiɡibu kɑ sinɑ bibu.

Esɑi 51:9

A dom yɑndo kpɑ ɑ wunɛn nɔmun dɑm sɔ̃ɔsi, nɡe yellu sɑnɑm mɛ ɑ Eɡibitiɡibu tɑbu di, mɑ ɑ ben sunɔ wi u sɑ̃ɑ nɡe yɑɑ ɡɔbɑ ɡo.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Esekiɛli 28:2

tɔnun bii, ɑ Tirin sunɔ sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡerumɔ. Nɑ nɛɛ, wee u tii suɑ sere u ɡerumɔ u mɔ̀, wiyɑ u sɑ̃ɑ Gusunɔ. Mɑ u sɔ̃ Gusunɔn sinɑ kitɑru wɔllɔ nim wɔ̃kun suunu sɔɔ. Adɑmɑ u n yɛ̃ mɑ u sɑ̃ɑwɑ tɔnu, n ǹ mɔ Gusunɔ, bɑɑ mɛ u tɑmɑɑ win bwisikunu sɑ̃ɑwɑ teenu kɑ nɛ Gusunɔɡinu.

Dɑniɛli 4:30

Yɑnde ɡɑri yi, yi Nɛbukɑnɛsɑɑ deemɑ. Bɑ nùn ɡirɑ tɔmbun suunu sɔɔn di. Mɑ u yɑkɑsu dim wɔri nɡe nɑɑ u dirum soore. Mɑ win seri dɛnyɑ nɡe ɡunɔ bɑkerun sɑnsu. Mɑ win nii kɔkɔsu su dɛnyɑ nɡe ɡunɔɡisu.

Gɔrobun Kookoosu 8:27

Mɑ u seewɑ u dɑ. Miyɑ u Etiopin tɔn kurɔ sunɔn dukiɑn wunɑnɔsun wiruɡii wɑ wi bɑ mɑɑtɑm kuɑ. Durɔ wi, u dɑ Yerusɑlɛmuɔ u kɑ Gusunɔ sɑ̃.

Kɑ̃siru 17:5

Win sirirɔ yĩsiru ɡɑrɑ yoruɑ tèn tubusiɑnu sɑ̃ɑ ɑsiri. Yĩsi te wee, Bɑbiloni bɑkɑ, hɑnduniɑn kurɔ tɑnɔbu kɑ dɑɑ bɛrɛtɛkɛ kpuron mɛro.

Kɑ̃siru 18:2

U nɔɔɡiru suɑ u nɛɛ, yɑ wɔrumɑ, Bɑbiloni bɑkɑ ye, yɑ wɔrumɑ. Yɑ tɛ̃ kuɑ Setɑm bwɑ̃ɑbun wɑ̃ɑ yeru kɑ wɛrɛku kɔ̃su bɑɑɡeren kuku yeru kɑ ɡunɔ bɔrɔnuɡisu kɑ si su ɡɔbun wɑ̃ɑ yeru.

Sɑmuɛli I 17:8

Goliɑti wi, u yɔ̃rɑ u ɡbɑ̃rɑ u Isirelibɑn tɑbu kowobu sɔ̃ɔwɑ u nɛɛ, mbɑn sɔ̃nɑ i yɑrimɑ i tɑbu sĩɑ kpĩ. I ǹ yɛ̃ mɑ nɛ Filisitiwɑ, bɛɛ mɑɑ Sɔɔlun yobu? I ɡoo ɡɔsio bɛɛn suunu sɔɔ u nɑ u kɑ mɑn sɑnnɑ.