Womusu 86:4 - Bibeli Gusunɔn Gari

⁴ Yinni, ɑ mɑn nuku dobu wɛ̃ɛyɔ. Wunɑ nɑ rɑ n kɑnɑmɔ kɑ nɛn ɡɔ̃ru kpuro.

Womusu 86:4 ပူးပေါင်းရင်းမြစ်များ

Womusu 143:8

A mɑn wunɛn tɔn ɡeeru sɔ̃ɔsio bururu kɑ yokɑ, wunɑ nɑ nɑɑnɛ sɑ̃ɑ. A mɑn swɑɑ sɔ̃ɔsio ye kon swĩi, wunɑ nɑ nɛn hunde nɔmu sɔndiɑ.

Womusu 25:1

Dɑfidin womu. Yinni Gusunɔ, wunɑ nɑ soku. Wee nɑ yiire nɑ nun kɑnɑmɔ.

Womusu 51:12

Gusunɔ, ɑ mɑn ɡɔ̃ru wɛ̃ɛyɔ ɡe ɡɑ dɛɛre, kpɑ ɑ mɑn hunde kpɑɑ wɛ̃ ye yɑ koo yɔ̃rɑ sim sim.

Womusu 62:8

Gusunɔ, wunɑ ɑ rɑ mɑn fɑɑbɑ ko, kpɑ ɑ de nɑ n bɛɛrɛ mɔ. Wunɑ nɛn kuku yee dɑmɡiru.

Esɑi 61:3

Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Esɑi 65:18

I yɛ̃ɛrio, kpɑ i n wɑ̃ɑ nuku dobu sɔɔ sere kɑ bɑɑdommɑɔ ye kon tɑkɑ kon sɔ̃. Wee, nɑ Yerusɑlɛmu kpɑɑ bɑnimɔ yè sɔɔ nuku dobu ko n wɑ̃ɑ, kpɑ yen tɔmbu bu yɛ̃ɛri.