Womusu 86:3 - Bibeli Gusunɔn Gari

³ Yinni, wunɑ nɑ rɑ nɔɔɡiru sue bɑɑdommɑ. A mɑn wɔnwɔndu kuo.

Womusu 86:3 ပူးပေါင်းရင်းမြစ်များ

Womusu 25:5

Nɛn Fɑɑbɑ kowo, ɑ mɑn kpɑro ɡem swɑɑ sɔɔ. A mɑn keu koowo. Domi wunɑ nɑ nɑɑnɛ sɑ̃ɑ bɑɑdommɑ.

Womusu 4:1

Dɑfidin womu ɡe u wom kowobun wiruɡii kuɑ kɑ mɔrɔku. Ge wee.

Womusu 41:5

Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Womusu 55:17

Adɑmɑ Yinni Gusunɔ, wunɑ nɑ fɑɑbɑ kɑnɑmɔ. Kɑɑ mɑɑ mɑn fɑɑbɑ ko.

Womusu 56:1

Womu ɡe Dɑfidi u wom kowobun wiruɡii kuɑ. Bɑ ɡu kuɑwɑ kɑ dɔkɔ te tɑ sɑ̃ɑre nɡe kpɑrukoɡiru ɡe ɡɑ sumɔ dɑ̃ɑ bɑkɑru ɡɑrun wɔllɔ. Dɑfidi u womu ɡe kuɑwɑ sɑnɑm mɛ Filisitibɑ bɑ nùn mwɑ bɑ nɛni Gɑtiɔ. Ge wee.

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Womusu 88:10

Nɛn nɔni dɑm dwiiyɑ nɔni swɑ̃ɑrun sɔ̃. Yinni Gusunɔ, tɔ̃ru bɑɑtere nɑ rɑ nɔmɑ yiiyewɑ wunɛn mi ɡiɑ nɑ n nun somiru kɑnɑmɔ.

Womusu 88:2

Yinni Gusunɔ nɛn fɑɑbɑ koowo, nɑ rɑ n nɔɔɡiru suewɑ wunɛn wuswɑɑɔ wɔ̃kuru kɑ sɔ̃ɔ sɔɔ.

Womusu 88:9

A derɑ nɛn kpɑɑsibu bɑ mɑn deri. A derɑ bɑ mɑn tusɑ, mɑ nɑ tɑɑrere nɑ ǹ kpɛ̃ n nundɑ nɛn wɑhɑlɑn di.

Luku 18:7

Kɑɑ sere ɡere Gusunɔ? U ǹ koo win tiin tɔmbu siriɑ be bɑ nùn wuri koosimɔ bururu kɑ yokɑ? U koo tɛ u sere bu nɔɔri?

Luku 2:37

Mɑ u ɡɔminiru sinɑ wɔ̃ɔ wɛnɛ kɑ nnɛ. U ku rɑ kpe sɑ̃ɑ yerɔ, u rɑ n Gusunɔ sɑ̃ɑmɔ bururu kɑ yokɑ kɑ nɔɔ bɔkuru kɑ kɑnɑru.

Efesu 6:18

I n kɑnɑru mɔ̀ sɑɑ bɑɑyere kpɑ i n Gusunɔn somiru bikiɑmɔ nɡe mɛ Hunde Dɛɛro u bɛɛ sɔ̃ɔsimɔ. I seewo i yɔ̃rɑ kpɑ i n tɛmɑnɛ, kpɑ i n kɑnɑru mɔ̀ nɑɑnɛ dokeobu kpuron sɔ̃.