Womusu 86:16 - Bibeli Gusunɔn Gari

¹⁶ A mɑn mɛɛrimɑ kpɑ ɑ nɛn wɔnwɔndu wɑ. A nɛ, wunɛn sɔm kowo dɑm kɛ̃ɛyɔ, kpɑ ɑ mɑn fɑɑbɑ ko nɛ, wunɛn sɔm kowon bii.

Womusu 86:16 ပူးပေါင်းရင်းမြစ်များ

Womusu 116:16

Yinni Gusunɔ, ɑ nɛ, wunɛn sɔm kowo swɑɑ dɑkio. Nɑ sɑ̃ɑwɑ wunɛn sɔm kowo tɔn kurɔn bii. Wunɑ ɑ nɛn yorun wɛ̃ɛ burɑ.

Womusu 119:132

Yinni Gusunɔ ɑ mɑn mɛɛrimɑ, kpɑ ɑ mɑn durom kuɑ nɡe mɛ ɑ rɑ be bɑ nun kĩ kue.

Womusu 119:94

Nɑ sɑ̃ɑwɑ wunɛɡii, ɑ mɑn fɑɑbɑ koowo. Wunɛn woodɑbɑrɑ nɑ kĩ n swĩi.

Womusu 138:3

Sɑɑ ye nɑ nun sokɑ, ɑ mɑn wurɑri. A mɑn dɑm kɑ̃, ɑ mɑn toro sindu wɛ̃.

Womusu 25:16

Yinni Gusunɔ, ɑ nɛn wɔnwɔndu wɑɑwo. Wee, bɑ mɑn deri, nɑ wɑ̃ɑ nuku sɑnkirɑnu sɔɔ.

Womusu 41:5

Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Womusu 69:16

A ku de nim yiburu tu mɑn wukiri, kpɑ nim bweru tu mɑn di. A ku de wɔru bɔkɔ ɡu mɑn kɔrusi.

Womusu 84:5

Doo nɔɔruɡibɑ be bɑ wɑ̃ɑ wunɛn sɑ̃ɑ yerɔ bɑ nun tɔmɑmɔ bɑɑdommɑ.

Womusu 90:13

Yinni Gusunɔ, sere dommɑ kɑɑ ɡɔ̃ru ɡɔsiɑ ɑ wunɛn mɔru deri. A bɛsɛ wunɛn sɔm kowobun wɔnwɔndu wɑɑwo.

Esɑi 45:24

Bɑ koo ɡere bu nɛɛ, nɛ turon miyɑ ɡem kɑ dɑm mu wɑ̃ɑ. Be bɑ mɑn seesi kpuro bɑ koo sekuru wɑ.

Sɑkɑri 10:12

Kon nɛn tɔmbu tɑ̃sisiɑ. Kpɑ bɑ n sĩimɔ kɑ nɛn yĩsiru. Nɛ, Yinni Gusunɔwɑ nɑ yeni ɡeruɑ.

Luku 1:38

Mɑɑri nɛɛ, nɛnɑ Yinnin yoo. N mɑn kuo nɡe mɛ ɑ ɡeruɑ. Mɑ ɡɔrɑdo wi, u doonɑ.

Efesu 3:16

Nɑ nùn kɑnɑmɔ u de win Hunde u bɛɛ dɑm kɛ̃ bɛɛn ɡɔ̃ruɔ nɡe mɛ win yiikon kpɑ̃ɑrɑ nɛ,

Efesu 6:10

Ye yɑ tie nɑ kĩ n bɛɛ sɔ̃ wee. Bɛɛ kɑ Yinnin ɡbinnɑɑ sɔɔ i de win dɑm bɑkɑm mu bɛɛ dɑm kɛ̃.

Filipi 4:13

Kon ye kpuro kpĩ sɑɑ Kirisin min di wi u mɑn dɑm kɛ̃mɔ.

Kolose 1:11

Sɑ Gusunɔ kɑnɑmɔ u bɛɛ tɑ̃sisiɑ kpuro sɔɔ kɑ win dɑm yiikoɡim, kpɑ i kpĩ i n kɑ yɑbu bɑɑyere tɛmɑnɛ kɑ suuru nuku dobu sɔɔ.