Womusu 85:9 - Bibeli Gusunɔn Gari

⁹ Yinni Gusunɔ, kon swɑɑ dɑki n nɔ ye ɑ ɡerumɔ. Domi bɔri yɛndun ɡɑriyɑ ɑ rɑ n wunɛn tɔmbu sɔ̃ɔmɔ be bɑ nun nɑɑnɛ sɑ̃ɑ mɑ bɑ kun wure wiirɑ ɡɑri sɔɔ.

Womusu 85:9 ပူးပေါင်းရင်းမြစ်များ

Womusu 119:155

Tɔn kɔ̃sobɑ kun fɑɑbɑ wɑsi, domi bɑ ku rɑ wunɛn sɔ̃ɔsiru kɑsu.

Womusu 50:23

Wìn yɑ̃kuru tɑ sɑ̃ɑ siɑrɑbu, yɛ̃rowɑ u mɑn bɛɛrɛ wɛ̃ɛmɔ. Wi u mɑɑ win tii nɛni dee dee yɛ̃rowɑ u koo nɛn fɑɑbɑ wɑ.

Esɑi 4:5

Yen biru u koo de dɔ̃ɔ wii bɑkɑru tu Siɔnin ɡuuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru ɡuu ten wɔllɔ, kpɑ win yiikon ɡirimɑ yu wuu ɡe wukiri,

Esɑi 46:13

Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.

Yeremi 23:35

Ye bɑɑwure u koo kpĩ u win winsim bikiɑ, yerɑ, u nɛɛ, mbɑ Yinni Gusunɔ u ɡeruɑ, mbɑ u wisɑ.

Yeremi 23:37

Kɑɑ mɑɑ sɔmɔ be bikiɑ ɑ nɛɛ, mbɑ nɛ, Yinni Gusunɔ nɑ bu sɔ̃ɔwɑ. Mbɑ nɑ bu wisɑ.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Esekiɛli 26:20

U koo de yu dɑ sere tem sɔɔwɔ mi yeruku tɔmbɑ wɑ̃ɑ kpɑ yɑ n kɔ̃ɔre mi. U koo de yɑ n wɑ̃ɑ mi kɑ ɡɔribu. Goo kun mɑɑ sinɑmɔ ye sɔɔ. Yɑ ǹ mɑɑ ɑyeru wɑsi wɑsobun suunu sɔɔ.

Esekiɛli 3:10

Mɑ u mɑɑ kpɑm nɛɛ, Esekiɛli, ɑ swɑɑ dɑkio ɑ nɔ kpɑ ɑ ɡɑri yi kon nun sɔ̃ nɛnɛ wunɛn ɡɔ̃ruɔ.

Hɑbɑkuku 2:1

Adɑmɑ nɛ, Hɑbɑkuku nɑ yɔ̃wɑ ɡbɑ̃rɑru wɔllɔ nɛn kɔ̃su yerɔ nɡe wi u yɔɔru bwɛ̃ɛ, kpɑ n kɑ nɔ ye Gusunɔ u koo mɑn sɔ̃, kɑ nɡe mɛ u koo mɑn wisi nɛn weeweenun sɔ̃.

Sɑkɑri 2:5

Ye Sɑkɑri u mɑɑ mɛɛrɑ, yerɑ u durɔ ɡoo wɑ u wɛ̃ɛ yĩirutii nɛni.

Sɑkɑri 2:8

Mɑ u nùn sɔ̃ɔwɑ u nɛɛ, ɑ dukɑ doo ɑ ɑluwɑɑsi wi sɔ̃ ɑ nɛɛ, Yerusɑlɛmu yɑ koo ko wuu ɡè bɑ ǹ mɑɑ ɡbɑ̃rɑru toosimɔ. Domi ɡen tɔmbu kɑ ɡen yɑɑ sɑbenu koo dɑbiɑ.

Luku 2:32

Yeyɑ yɑm bururɑm mɛ mu koo tɔn tukobu wunɛn swɑɑ sɔ̃ɔsi. Mu koo mɑɑ wunɛn tɔmbu Isirelibɑ bɛɛrɛ doke.

Yohɑnu 1:14

Tɛ̃, Gɑri yi, yi kuɑ tɔnu wi u durom kɑ ɡem yibɑ, mɑ u kɑ sun sinɑ. Sɑ win yiikon ɡirimɑ mɛɛrɑ, yiiko yèn bweseru Gusunɔ Bɑɑbɑ u win Bii teereru wɛ̃.

Yohɑnu 7:17

Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Gɔrobun Kookoosu 13:16

Pɔlu u seewɑ u yɔ̃rɑ u kɑ bu nɔmu mɑrisiɑ. U nɛɛ, bɛɛ Isirelibɑ, kɑ bɛɛ be i Gusunɔ nɑsie, i swɑɑ dɑkio.

Sɑmuɛli I 3:9

Yen sɔ̃nɑ u nùn sɔ̃ɔwɑ u nɛɛ, ɑ doo ɑ kpunɑ. Bɑ̀ n kpɑm nun sokɑ ɑ ɡeruo ɑ nɛɛ, wunɛ win sɔm kowo ɑ nɔɔmɔ, u ɡeruo. Mɑ Sɑmuɛli u dɑ u kpunɑ win kpin yerɔ.