Womusu 82:5 - Bibeli Gusunɔn Gari

⁵ Adɑmɑ bɛɛ, i ǹ ɡɑ̃ɑnu ɡɑnu yɛ̃. I ǹ mɑɑ bwisi ɡɛɛ mɔ. I kom kɔ̃sum mɔ̀wɑ, mɑ yɑ derɑ ɡem mu doonɑ hɑnduniɑn di.

Womusu 82:5 ပူးပေါင်းရင်းမြစ်များ

Yoobu 8:9

Bɛsɛ, sɑ sɑ̃ɑwɑ be bɑ mɑrɑ ɡin tee te, sɑ ǹ ɡɑ̃ɑnu yɛ̃. Bɛsɛn wɑ̃ɑru tɑ sɑ̃ɑwɑ nɡe sɑɑru hɑnduniɑ yeni sɔɔ.

Womusu 11:3

Sɑnɑm mɛ duniɑ kpuro sɑnkirɑ, mbɑ ɡemɡii u koo mɑɑ kpĩ u ko.

Womusu 14:4

Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ, ben ɡoo kun mɑn sɑ̃ɑmɔ.

Womusu 53:4

Adɑmɑ u wɑ be kpurowɑ bɑ kɔ̃ɔre. Be kpurowɑ bɑ sɑnkire. Be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

Womusu 75:3

Wunɛ, Yinni Gusunɔ, ɑ nɛɛ, sɑɑ ye ɑ yi yɑ̀ n tunumɑ, kɑɑ tɔmbu siri ɡem sɔɔ.

Womusu 99:1

Yinni Gusunɔ u bɑndu dii mɑ tɔmbɑ diirimɔ. U sɔ̃ wɔllun kɔ̃sobun suunu sɔɔ mɑ tem mu yĩirimɔ.

Mɔnnu 1:29

Domi i yɛ̃ru tusɑ, i ǹ kĩ i Yinni Gusunɔ nɑsiɑ.

Mɔnnu 2:13

kɑ sere mɑɑ be bɑ swɑɑ ɡeɑ derin min di, bɑ swɑɑ kɔ̃sɑ swĩi.

Mɔnnu 4:19

Adɑmɑ tɔn kɔ̃sobun kookoosu su sɑ̃ɑwɑ nɡe yɑm wɔ̃kuru. Bɑ ǹ yɛ̃ yèn sɔ̃ bɑ sokurɑmɔ.

Wɑɑsu kowo 2:14

Bwisiɡii u rɑ n yɛ̃ mi u dɔɔ, ɑdɑmɑ ɡɑri bɔkɔ ɡɑ rɑ n bɑbiwɑ yɑm wɔ̃kuru sɔɔ. Kɑ yen de, nɑ yɛ̃ mɑ ɡɑ̃ɑ teenu nu be kpuro mɑrɑ.

Wɑɑsu kowo 3:16

Yen biru, nɑ wɑ siri ɡbɑburɔ mɑ kɔ̃sɑ kowo u ɡemɡii siribu di hɑnduniɑ ye sɔɔ.

Esɑi 5:7

Isirelibɑrɑ bɑ sɑ̃ɑ Gusunɔ, wɔllu kɑ tem Yinnin resɛm ɡbɑɑ te. Mɑ Yudɑbɑ bɑ sɑ̃ɑ resɛm dorɑ ye u duurɑ. U kĩɑ bu ɡeɑ ko ɑdɑmɑ kɔ̃sɑ bɑ kuɑ. Bɑ tɔmbu ɡo bɑ yɛm yɑri. U mɑɑ kĩɑ bu ɡem swĩi, mɑ bɑ yinɑ. Yen sɔ̃nɑ tɔmbɑ wuri mɔ̀.

Esɑi 59:9

Isirelibɑ bɑ nɛɛ, bɛsɛn torɑnun sɔ̃nɑ wunɛ Yinni Gusunɔn fɑɑbɑ yɑ tɛɛmɔ yèn nɔɔ mwɛɛru ɑ sun kuɑ. Sɑ yɑm bururɑm mɑrɑ, ɑdɑmɑ yɑm wɔ̃kuru sɔɔrɑ sɑ sĩimɔ kɑ tɛ̃. Sɑ mɑrɑ sɔ̃ɔ u yɑri, ɑdɑmɑ yɑm mu tĩriwɑ sere kɑ ɡisɔ.

Misee 3:1

Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃. N ǹ bɛɛyɑ n weenɛ i n woodɑbɑ yɛ̃?

Yohɑnu 12:35

Yesu u bu wisɑ u nɛɛ, sɑɑ fiiko sɔɔrɑ yɑm bururɑm mu wɑ̃ɑ bɛɛn suunu sɔɔ. I n sĩimɔ sɑɑ ye i yɑm bururɑm mɔ kpɑ yɑm mu ku rɑɑ bɛɛ tĩre. Domi wi u sĩimɔ yɑm wɔ̃kuru sɔɔ u ku rɑ n yɛ̃ mi u dɔɔ.

Yohɑnu 3:19

N wee mìn di tɑɑrɛ wɛ̃ɛbu nɑ. Yɑm bururɑm mu nɑ hɑnduniɑɔ, ɑdɑmɑ tɔmbɑ yɑm wɔ̃kuru kĩɑ n yɑm bururɑm kere yèn sɔ̃ ben kookoosu kun wɑ̃ si bɑ mɔ̀.

Romu 1:28

Gusunɔ u bu deri ben bwisiku kɔ̃sunu sɔɔ bu kɑ ko ye n kun weenɛ yèn sɔ̃ bɑ ǹ wure bu nùn ɡiɑ.

Timɔte II 2:19

Adɑmɑ kpɛɛkpɛɛku dɑmɡuu ɡe Gusunɔ u surɑ ɡɑ ǹ yĩirurɔ. Gɑri wee yi bɑ yoruɑ ɡen wɔllɔ. Yinni u wiɡibu yɛ̃. Yen biru mɑɑ, bɑɑwure wi u Yinnin yĩsiru soku, u kom kɔ̃sum kpuro derio.

Yohɑnu I 2:11

Adɑmɑ wi u win beruse tusɑ, u wɑ̃ɑwɑ yɑm wɔ̃kuru sɔɔ, u mɑɑ sĩimɔ yɑm wɔ̃kurɔ. U ǹ yɛ̃ mi u dɔɔ yèn sɔ̃ yɑm wɔ̃kurɑ nùn wɔ̃ko kuɑ.