Womusu 79:4 - Bibeli Gusunɔn Gari

⁴ Be bɑ kɑ sun sikerenɛ bɑ sun wɔmmɔ. Bɛsɛn berusebu bɑ sun yɑɑkoru mɔ̀.

Womusu 79:4 ပူးပေါင်းရင်းမြစ်များ

Sinɑmbu I 9:7

kon bɛɛ wunɑ tem mɛ nɑ rɑɑ bɛɛ wɛ̃ kpuron di. Kpɑ n mɑɑ dii te nɑ wunɑ nɛnɛm nɛn sɔ̃ mi yinɑ mɑm mɑm kpɑ i sekuru wɑ bwese tukunun wuswɑɑɔ nu bɛɛ yɛ̃ɛ.

Nɛɛmi 1:3

Mɑ bɑ mɑn wisɑ bɑ nɛɛ, be bɑ ǹ yoru mwɛɛrɑ mi, bɑ wɑ̃ɑ Yudɑɔ yɑ̃ɑ bɑkɑru kɑ seku bɑkɑru sɔɔ. Mɑ Yerusɑlɛmun ɡbɑ̃rɑnu nu kurunu mɔ mɑ nin ɡɑmbobɑ bɑ dɔ̃ɔ mwɑɑkirɑ.

Nɛɛmi 2:19

Adɑmɑ Sɑmbɑlɑ wi u sɑ̃ɑ Horoni kɑ win sɔm kowo Tobiyɑ wi u sɑ̃ɑ Amɔni kɑ Gesɛmu wi u sɑ̃ɑ Dɑɑrubu bɑ yen lɑbɑɑri nuɑ. Yerɑ bɑ sun yɑɑkoru toruɑ. Mɑ bɑ sun bikiɑ kɑ ɡɛndu mbɑ sɑ mɔ̀ mi. Sɑ kɑsuwɑ su sinɑ boko seesi?

Womusu 80:6

Wee ɑ derɑ nuku sɑnkirɑnu nu kuɑ bɛsɛn dĩɑnu, mɑ ɑ derɑ bɛsɛn nɔni yĩresu kuɑ bɛsɛn nim.

Womusu 89:41

A win ɡbɑ̃rɑnu kpuro kɔsukɑ, mɑ ɑ win kuku yenu sururɑ.

Esɑi 43:28

Yen sɔ̃nɑ nɑ yɑ̃ku kowobu yɑrɑ nɛn sɑ̃ɑ yerun di, mɑ nɑ bɛɛ Isirelibɑ, Yɑkɔbun bweseru kɑm koosiɑ, nɑ bɛɛ sekuru doke.

Yeremi 24:9

Tɔmbu bɑ̀ n bu wɑ bɑ koo biti soorɑ. Gee kon bu yɑrinɑsiɑ kpuro, bɑ koo bu yɛ̃ɛwɑ bu bu yɑɑkoru koosi kpɑ bɑ n wɑ̃ɑ sekuru sɔɔ kpɑ bɑ n dɑ kɑ ben yĩsiru tɔmbu bɔ̃rusi.

Yeremi 25:18

Nɑ toruɑ nɑ ye Yerusɑlɛmuɡibu nɔrusiɑ, kɑ Yudɑn wusu kpuron tɔmbu kɑ ben sinɑmbu kɑ ben sinɑ ɑsɑkpɔbu, kpɑ Gusunɔ u wɑ u ben tem kɑm koosiɑ kpɑ wi u sɑrɔ mi, u biti soorɑ sere u wiɑ ko. Kpɑ bɑ n dɑ kɑ ye tɔmbu bɔ̃rusi nɡe mɛ yɑ koorɑ tɛ̃.

Yeremi 42:18

Yeremi u nɛɛ, wee ye Gusunɔ, Isirelibɑn Yinni wi u wɔllu kɑ tem mɔ u ɡeruɑ. U nɛɛ, nɡe mɛ u Yerusɑlɛmuɡibu win mɔru seesi, nɡe mɛyɑ u koo mɑɑ bɛɛ ye seesi, ì n dɑ Eɡibitiɔ. Sɑɑ ye sɔɔrɑ bɑ ko n dɑ kɑ bɛɛn yĩsiru tɔmbu bɔ̃rusi, ǹ kun mɛ, bu kɑ ɡoo ɡɑ̃ɑ kɔ̃sunu sie, kpɑ bu bɛɛ ɡɛm i seku bɑkɑru wɑ kpɑ i kun mɑɑ sinɛ tem mɛ sɔɔ.

Yeremi 51:51

Mɑ Isirelibɑ bɑ nɛɛ, sɑnɑm mɛ sɑ nuɑ bɑ sun wɔmmɔ, sekurɑ rɑ sun mwɛwɑ. Sɑnɑm mɛ yibɛrɛbɑ bɑ Yinni Gusunɔn sɑ̃ɑ yeru wɔri bɑ kɔsukɑ, sekurɑ sun mwɑwɑ.

Swĩi 1:11

Wee, Yerusɑlɛmuɡibu kpuro bɑ wɑsire bɑ dĩɑnu kɑsu ni bɑ koo di. Mɑ bɑ kɑ ben ɡɑ̃ɑ ɡeenu dĩɑ ni kɔsinɑ bu wɑ bɑ n kɑ wɑ̃ɑ. Yerusɑlɛmu yɑ nɛɛ, Yinni Gusunɔ, ɑ mɛɛrio nɡe mɛ nɑ wɔnwɔndu soore.

Swĩi 5:1

Yinni Gusunɔ, ɑ yɑɑyo ye n sun deemɑ. A mɛɛrio ɑ wɑ nɡe mɛ sɑ wɑ̃ɑ sekuru sɔɔ.

Esekiɛli 22:5

Be bɑ tomɑ kɑ be bɑ wɑ̃ɑ turuku bɑ koo bu yɛ̃ɛ yèn sɔ̃ ben wuu Yerusɑlɛmun yĩsirɑ bɛɛrɛ biɑ, mɑ yɑ burisire.

Esekiɛli 35:12

Sɑɑ ye sɔɔ, yɑ koo ɡiɑ mɑ nɛ, Yinni Gusunɔ nɑ nuɑ wɔmɑ ye yɑ Isirelibɑn ɡuunu wɔnwɑ. Yɑ nɛɛ, wee nu kɑm kuɑ. Wee bɑ ye nu nɔmu sɔndiɑ nɡe ɡbeeku yɛɛ.

Esekiɛli 36:15

U ǹ mɑɑ derimɔ i bwese tukunun wɔmɑ nɔ. Bɑ ǹ mɑɑ bɛɛ sekuru dokemɔ. Mɛyɑ i ǹ mɑɑ derimɔ bɛɛn tɔmbu bu kɑm ko. Wi, Yinni Gusunɔwɑ u yeni ɡeruɑ.

Esekiɛli 36:3

Yen sɔ̃, ɑmɛniwɑ wi, Yinni Gusunɔ u nɛɛ, n bɛɛ sɔ̃. U nɛɛ, u wɑ mɑ bɑ kĩɑ bu bɛɛ kpeerɑsiɑ beri berikɑ kpuro, bu bɛɛ mwɛ. Kpɑ bwese ni nu tie nu n bɛɛ mɔ. Mɛyɑ nu rɑ n bɛɛ yɛ̃ɛmɔ nu n kɑ fɑɑɡi mɔ̀ yɑm kpuro.

Dɑniɛli 9:16

Tɛ̃ Yinni, nɑ nun kɑnɑmɔ wunɛn durom sɔ̃, ɑ de wunɛn mɔru yu doonɑ wunɛn wuu Yerusɑlɛmun min di, ɡe ɡɑ wɑ̃ɑ wunɛn ɡuu te ɑ ɡɔsɑn wɔllɔ. Domi be bɑ sun sikerenɛ bɑ Yerusɑlɛmu kɑ bɛsɛ wunɛn tɔmbu ɡɛmɑ bɛsɛn torɑnu kɑ bɛsɛn bɑɑbɑbɑn dɑɑ kɔ̃sɑn sɔ̃.

Sofoni 3:18

Be bɑ wɑ̃ɑ nuku sɑnkirɑnu sɔɔ yèn sɔ̃ bɑ kɑ Yerusɑlɛmu tondɑ, bɑ wɑ̃ɑ sekuru sɔɔ te tɑ bu buniɛmɔ nɡe sɔmunu, mɑ bɑ ku rɑ mɑɑ win tɔ̃ɔ bɑkɑnu di, beyɑ u koo mɛnnɑmɑ.

Sɑkɑri 8:13

Bɛɛ Yudɑbɑ kɑ Isirelibɑ, wee i kuɑ bwese te nɑ bɔ̃rusi bwesenun suunu sɔɔ. Adɑmɑ tɛ̃, kon bɛɛ fɑɑbɑ ko kpɑ i n sɑ̃ɑ domɑruɡibu tɔmbun suunu sɔɔ. Yen sɔ̃, i ku bɛrum ko. I de i n wɔruɡɔru mɔ.

Sɔ̃ɔsiru 28:37

Bwesenu kpuro nìn mi Yinni Gusunɔ u koo de i dɑ, nu ko n biti sɑ̃ɑwɑ ye yɑ bɛɛ deemɑ min sɔ̃. Sɑɑ yerɑ bɑ koo bɛɛ funɛ wunɑ kpɑ bu bɛɛ yɑɑkoru ko.