Womusu 79:10 - Bibeli Gusunɔn Gari

¹⁰ Mbɑn sɔ̃nɑ kɑɑ de bwesenu nu n mɔ̀, mɑnɑ bɛsɛn Yinni u wɑ̃ɑ. A be bɑ wunɛn tɔmbun yɛm yɑri mɔru kɔsieyo bwesenun suunu sɔɔ bɛsɛn wuswɑɑɔ.

Womusu 79:10 ပူးပေါင်းရင်းမြစ်များ

Womusu 115:2

Mbɑn sɔ̃nɑ tɔn tukobu bɑ koo nɛɛ, mɑnɑ Gusunɔ bɛsɛn Yinni u wɑ̃ɑ.

Womusu 42:10

Gusunɔ, nɛn Yinni, ɑ sɑ̃ɑwɑ nɛn kpee sɑɑrɑ. Mbɑn sɔ̃nɑ ɑ mɑn duɑri. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

Womusu 42:11

Nɛn kukunu bɛsikirɑmɔ sɑnɑm mɛ bɑ mɑn nɔni sɔ̃ɔmɔ, bɑ mɑn wɔmmɔ, bɑ ɡerumɔ bɑ mɔ̀, mɑnɑ Gusunɔ nɛn Yinni wi.

Womusu 42:3

Nɛn ɡɔ̃ru ɡɑ wunɛn bɛkɛ bɑrɔ, Yinni Gusunɔ, wunɛ wi ɑ wɑ̃ɑ. Sɑɑ yerɑ̀ nɑ kon tii sɔ̃ɔsi wunɛn wuswɑɑɔ Yinni.

Womusu 42:4

Nɛn nɔni yĩresu su kuɑ nɛn nim nɔrurɑm wɔ̃kuru kɑ sɔ̃ɔ sɔɔ, sɑnɑm mɛ bɑ mɑn bikiɑmɔ bɑ mɔ̀, mɑnɑ Gusunɔ nɛn Yinni u wɑ̃ɑ.

Womusu 58:11

Adɑmɑ ɡemɡii u ko n nuku dobu mɔwɑ ù n wɑ bɑ nùn mɔru bɑrɑ. U koo win nɑɑsu kpɑkiɑ tɔn kɔ̃sobun yɛm sɔɔ,

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Womusu 94:1

Yinni Gusunɔ, wunɛ wi ɑ rɑ tɔnu mɔru kɔsie, ɑ wunɛn yiiko sɔ̃ɔsio.

Yɑribu 6:7

Kon bu mwɑ bu ko nɛn tɔmbu, kpɑ n ko ben Yinni, kpɑ bu ɡiɑ mɑ nɛnɑ Wi u rɑ n wɑ̃ɑ, nɑ mɑɑ sɑ̃ɑwɑ ben Yinni nɛ wi nɑ bu yɑkiɑmɔ ben yoo sɔmɑ ye Eɡibitiɡibɑ bu koosiɑmɔn di.

Yɑribu 7:5

Sɑnɑm mɛ nɑ nɛn dɑm sɔ̃ɔsi tem mi, mɑ nɑ Isirelibɑ yɑrɑ min di, sɑnɑm mɛyɑ Eɡibitiɡibɑ koo ɡiɑ mɑ nɛnɑ Yinni Gusunɔ.

Esɑi 64:1

Kɑɑ n sɑ̃ɑ nɡe dɔ̃ɔ wi u dɑ̃ɑ ɡbebɑ mwɑɑmɔ, ǹ kun mɛ wi u nim ɡbisisiɑmɔ, kpɑ wunɛn yibɛrɛbɑ bu ɡiɑ nɡe mɛ ɑ sɑ̃ɑ, kpɑ bu diiri wunɛn wuswɑɑɔ.

Yeremi 51:24

Adɑmɑ nɛ, Yinni Gusunɔ nɑ nɛɛ, kon wunɛ Bɑbiloni kɑ wunɛn tem tɔmbu kɔsie wunɛn nɔni biru kɔ̃sɑ ye i kuɑ Siɔniɔ.

Yeremi 51:35

Yen sɔ̃, Bɑbiloniɡii be, bu nɔni sɔ̃ɔro dɑm mɛ bɑ mɑn dɔren sɔ̃, kpɑ yɛm mɛ bɑ yɑri mi, mu wɔri ben wiru wɔllɔ.

Swĩi 1:22

A ben nuku kɔ̃suru mɛɛrio, kpɑ ɑ bu kuɑ nɡe mɛ ɑ mɑn kuɑ nɛn durum kpɑ̃ɑrun sɔ̃. A mɛɛrio nɡe mɛ nɑ weeweenu mɔ̀, nɛn nuki sɑnkire.

Esekiɛli 36:23

Kon nɛn yĩsi bɑkɑ te bɛɛrɛ wesiɑ te bɑ sɑnkɑ bwesenun suunu sɔɔ mi. Bwese ni, nù n wɑ bɑ mɑn bɛɛrɛ wɛ̃ɛmɔ, nu koo ɡiɑ mɑ nɛnɑ nɑ sɑ̃ɑ Yinni Gusunɔ.

Yoɛli 2:17

Kpɑ yɑ̃ku kowo be bɑ mɑn sɑ̃ɑmɔ bu du nɛn sɑ̃ɑ yerɔ kɑ swĩi, yɑ̃ku yeru kɑ kɔnnɔn bɑɑ sɔɔ, bu nɛ ben Yinni kɑnɑ bu nɛɛ, n ben wɔnwɔndu wɑɑwo, be, nɛn tɔmbu. N ku bu sekuru doke. N ku de tɔn tukobu bu bu yɛ̃ɛ bu nɛɛ, mɑnɑ nɛ, ben Yinni nɑ wɑ̃ɑ.

Misee 7:10

Bɛsɛn yibɛrɛbɑ bɑ koo ye wɑ. Sɑɑ ye sɔɔrɑ bɑ koo sekuru wɑ, be, be bɑ rɑ rɑɑ bikie bu nɛɛ, mɑnɑ Gusunɔ bɛsɛn Yinni u wɑ̃ɑ. Bɑ koo bu tɑɑku nɡe pɔtɔkɔ, kpɑ su bu yɛ̃ɛ.

Romu 12:19

Kĩnɑsibu, i ku mɑɑ mɔru kɔsiɑ bɛɛn tii, ɑdɑmɑ i de Gusunɔ u bɛɛ mɔru kɔsiɑ, domi bɑ yoruɑ, Gusunɔ u nɛɛ, “Wiyɑ u koo bu mɔru kɔsie. Kpɑ u bu sɛɛyɑsiɑ.”

Sɔ̃ɔsiru 32:43

Bɛɛ bwese tukunu, i Yinni Gusunɔn tɔmbu tɔmɔ, domi u koo bu mɔru bɑrɑ, kpɑ u bu ben torɑnu suuru kuɑ u ben tem dɛɛrɑsiɑ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.