Womusu 78:61 - Bibeli Gusunɔn Gari

⁶¹ Mɑ u derɑ yibɛrɛbɑ bɑ win woodɑn kpɑkororu mwɑ, tè sɔɔ u rɑ win dɑm kɑ win yiiko sɔ̃ɔsi. U derɑ bɑ kɑ tu doonɑ tem tukumɔ.

Womusu 78:61 ပူးပေါင်းရင်းမြစ်များ

Bɑndun Gɑri II 6:41

Yinni Gusunɔ, ɑ seewo ɑ nɑ mi ɑ rɑ wɛ̃re, wunɛ kɑ wunɛn woodɑn kpɑkororu, mi wunɛn dɑm mu rɑ sɔ̃ɔsire. A de wunɛn yɑ̃ku kowobu bɑ n fɑɑbɑ mɔ. Kpɑ be bɑ nun mɛm nɔɔwɑmmɛ bɑ n nuku dobu mɔ̀ doo nɔɔru sɔ.

Womusu 132:8

Yinni Gusunɔ, ɑ seewo kpɑ ɑ nɑ mi ɑ rɑ wɛ̃re wunɛ kɑ wunɛn woodɑn kpɑkororu tèn wɔllɔ ɑ rɑ wunɛn yiiko sɔ̃ɔsi.

Womusu 24:7

Bɛɛ wuun kɔ̃sobu, i kɔnnɔ ɡunum sosio. I Yinni Gusunɔn sɑ̃ɑ yerun kɔnnɔ kɛniɔ. I de sinɑ boko bɛɛrɛɡii u du.

Womusu 63:2

Gusunɔ, ɑ sɑ̃ɑwɑ nɛn Yinni. Wunɑ nɑ soku. Nɑ wunɛn bɛkɛ bɑrɔ. Mɑ nɛn wɑsi kpuro bɛsikirɑmɔ wunɛn sɑrirun sɔ̃ nɡe mɛ tem ɡbebum mu rɑ n bɛsikirɑmɔ nim sɑrirun sɔ̃.

Yɑribu 40:34

Sɑnɑm mɛyɑ ɡuru wii wuro te, tɑ kuu te wukiri mɑ Yinni Gusunɔn yiikon ɡirimɑ yɑ tu yibɑ.

Kpɑrobu 18:30

Yerɑ Dɑnu be, bɑ bwɑ̃ɑroku ɡe ɡirɑ bu kɑ sɑ̃. Mɑ Yonɑtɑm, Gɛɛsɔmun bii, Mɔwisin debubu, kɑ win bibu bɑ kuɑ ben yɑ̃ku kowobu sere bɑ rɑ kɑ Isirelibɑ ɡurɑ bɑ kɑ doonɑ tem tukumɔ.

Sɑmuɛli I 4:17

Mɑ u wisɑ u nɛɛ, Isirelibɑ bɑ duki suɑ Filisitibɑn wuswɑɑn di. Tɔn be bɑ ɡo mi bɑ dɑbi. Mɛyɑ mɑɑ wunɛn bibu yiru ye, Hofini kɑ Finɛɛsi, bɑ ɡu. Mɑ Filisitibɑ bɑ Yinni Gusunɔn woodɑn kpɑkororu mwɑ.

Sɑmuɛli I 4:21

Mɑ u bii wi yĩsiru kɑ̃ Ikɑbɔdu. Yĩsi ten tubusiɑnɑ, Gusunɔ kun mɑɑ wɑ̃ɑ Isirelibɑn suunu sɔɔ. U nùn sokɑ mɛ, yèn sɔ̃ bɑ bu Yinni Gusunɔn woodɑn kpɑkororu mwɑɑri kɑ mɑɑ win dwɑɑ tundo kɑ win durɔn ɡɔɔn sɔ̃.

Sɑmuɛli I 6:1

Yinni Gusunɔn woodɑn kpɑkororɑ wɑ̃ɑwɑ Filisitibɑn temɔ suru nɔɔbɑ yiru.