Womusu 78:49 - Bibeli Gusunɔn Gari

⁴⁹ Mɑ u kɑ Eɡibitiɡii be mɔru seewɑ kɑ dɑm u bu nɔni sɔ̃ɔwɑ. U derɑ ɡɔɔn ɡɔrɑdobɑ bɑ nɑ dɑbi dɑbinu bɑ bu wɔri.

Womusu 78:49 ပူးပေါင်းရင်းမြစ်များ

Sɑmuɛli II 24:16

Sɑɑ ye Yinni Gusunɔn ɡɔrɑdo u sɔɔru kpɑ u kɑ Yerusɑlɛmu kpeerɑsiɑ, yerɑ Yinni Gusunɔ u ɡɔ̃ru ɡɔsiɑ u wɑhɑlɑ bɑkɑ ye yɔ̃rɑsiɑ. Mɑ u ɡɔrɑdo wi sɔ̃ɔwɑ u nɛɛ, yɑ turɑ mɛ. A wunɛn nɔmɑ wĩɔ minin di. Sɑɑ ye sɔɔ, ɡɔrɑdo wi, u wɑ̃ɑwɑ Arɑfunɑ Yebusin doo soo yerun bɔkuɔ.

Yoobu 1:12

Mɑ Yinni Gusunɔ u Setɑm wisɑ u nɛɛ, ye Yoobu u mɔ kpuro, nɑ nun ye nɔmu bɛriɑ. Adɑmɑ ɑ ku win tii bɑbɑ. Yen biru Setɑm u doonɑ Yinni Gusunɔn wuswɑɑn di.

Yoobu 20:23

Wee sɑnɑm mɛ u win nukuru yibiɑmɔ, Gusunɔ u koo nùn wɔri kɑ mɔru bɑkɑ. Kpɑ u de sɛ̃ɛnu nu nùn wisi nɡe ɡurɑ.

Womusu 11:6

Ben ɑre wee. U rɑ bu sɛɛyɑsie kɑ dɔ̃ɔ kɑ sɔ̃ɔ bisu kɑ woo bɔkɔ.

Yɑribu 12:13

Yɛm mɛyɑ mu koo ko yĩreru te tɑ yɛnusu sɔ̃ɔsimɔ mi i wɑ̃ɑ. Nɑ̀ n yɛm mɛ wɑ, kon bɛɛ sɑrɑriwɑ. Kɛ̃si te, tɑ ǹ bɛɛ bɑbɑmɔ te kon kɑ Eɡibitiɡibu wɑhɑlɑ ko.

Yɑribu 15:7

Wunɛn sinɑndun kpɑ̃ɑru tɑ rɑ wunɛn wɛrɔbu tɑɑre. Wunɛn mɔru yɑ̀ n seewɑ, ɑ rɑ de bu dɔ̃ɔ mwɑɑrewɑ nɡe wĩi.

Esɑi 42:25

Yen sɔ̃nɑ u kɑ sun mɔru bɑrɑ too. U derɑ bɑ sun tɑbu wɔri kɑ dɑm. Tɑbu sun sikerenɛ nɡe dɔ̃ɔ. Bu sun di, ɑdɑmɑ sɑ ǹ tubɑ. Sɑ ǹ mɑm lɑɑkɑri kue.

Swĩi 4:11

Yinni Gusunɔ u win mɔru kpuro sɔ̃ɔsi, u Yerusɑlɛmu dɔ̃ɔ sɔ̃re mɑ yɑ dɔ̃ɔ mwɑɑrɑ sere kɑ yen kpɛɛkpɛɛkuɔ.

Sofoni 3:8

Yen sɔ̃, wi, Yinni Gusunɔ u nɛɛ, i nùn mɑruo tɔ̃ɔ tè sɔɔ u koo se u bɛɛ wɔrimɑ. Domi u ɡɔ̃ru doke u bwesenu kɑ nin sinɑmbu mɛnnɑ u bu win mɔru sɔ̃ɔsi kɑ yen dɑm. Kpɑ n sɑ̃ɑre nɡe bɑ tem mɛ kpuro dɔ̃ɔ doke win mɔrun sɔ̃.