Womusu 78:38 - Bibeli Gusunɔn Gari

³⁸ Adɑmɑ kɑ mɛ, Yinni Gusunɔ u rɑ tii nɛnɛ u kun win mɔru kpuro yɔ̃su. U rɑ bu wɔnwɔndu kue, kpɑ u bu ben durum wɔkɑ u kun bu ɡo.

Womusu 78:38 ပူးပေါင်းရင်းမြစ်များ

Sɑmuɛli II 24:16

Sɑɑ ye Yinni Gusunɔn ɡɔrɑdo u sɔɔru kpɑ u kɑ Yerusɑlɛmu kpeerɑsiɑ, yerɑ Yinni Gusunɔ u ɡɔ̃ru ɡɔsiɑ u wɑhɑlɑ bɑkɑ ye yɔ̃rɑsiɑ. Mɑ u ɡɔrɑdo wi sɔ̃ɔwɑ u nɛɛ, yɑ turɑ mɛ. A wunɛn nɔmɑ wĩɔ minin di. Sɑɑ ye sɔɔ, ɡɔrɑdo wi, u wɑ̃ɑwɑ Arɑfunɑ Yebusin doo soo yerun bɔkuɔ.

Sinɑmbu II 13:23

Adɑmɑ Yinni Gusunɔ u bu mɛɛrimɑ, mɑ u ben wɔnwɔndu wɑ, ɑrukɑwɑni ye u kɑ Aburɑhɑmu kɑ Isɑki kɑ Yɑkɔbu bɔkuɑn sɔ̃. U ǹ wure u bu biru kisi, bu kɑm ko.

Sinɑmbu II 21:20

Amɔɔ wi, u mɑɑ kuɑ ye yɑ kun Yinni Gusunɔ dore, nɡe mɛ win tundo Mɑnɑse u kuɑ.

Womusu 99:8

Gusunɔ bɛsɛn Yinni, wunɑ ɑ bu wisɑ. Mɑ ɑ kuɑ ben Yinni wi u rɑ bu torɑru suuru kue. Adɑmɑ ɑ bu sɛɛyɑsiɑ ben kɔ̃sɑn sɔ̃.

Esɑi 48:9

Adɑmɑ yèn sɔ̃ nɑ sɑ̃ɑ Gusunɔ, yen sɔ̃nɑ nɑ nɛn mɔru suresiɑ. Mɑ nɑ nɛn tii nɛnuɑ nɛn yiikon sɔ̃, kpɑ n ku rɑ kɑ bɛɛ kpeerɑsiɑ.

Esekiɛli 20:17

Kɑ mɛ, nɑ ben wɔnwɔndu wɑ nɑ ǹ bu ɡo ɡbɑburɔ.

Osee 11:9

Nɑ ǹ mɑɑ bɛɛ kpeerɑsiɑmɔ kɑ nɛn mɔru bɑkɑ ye. Nɑ ǹ mɑɑ wee n bɛɛ kɑm koosiɑ. Domi nɑ sɑ̃ɑwɑ Gusunɔ n ǹ mɔ tɔnu. Nɑ sɑ̃ɑwɑ Dɛɛro bɛɛn suunu sɔɔ. Nɑ ǹ bɛɛ wɔrim wee kɑ mɔru.

Amɔsu 7:3

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di. U nɛɛ, yeni yɑ ǹ mɑɑ koorɑmɔ.

Amɔsu 7:6

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di u nɛɛ, yenin tii yɑ ǹ mɑɑ koorɑmɔ.