Womusu 78:37 - Bibeli Gusunɔn Gari

³⁷ Ben ɡɔ̃ru ɡɑ ǹ kɑ nùn wɑ̃ɑ. Bɑ ǹ mɑɑ ben ɑrukɑwɑni yibie.

Womusu 78:37 ပူးပေါင်းရင်းမြစ်များ

Sinɑmbu I 19:10

Mɑ u nùn wisɑ u nɛɛ, wunɛ wɔllu kɑ tem Yinniwɑ nɑ sɑnnɑmmɛ, domi Isirelibɑ bɑ wunɛn woodɑbɑ deri mɑ bɑ wunɛn yɑ̃ku yɛnu kɔsukɑ. Mɛyɑ bɑ wunɛn sɔmɔbu ɡo ɡo kɑ tɑkobi. Nɛ turowɑ nɑ tie. Yerɑ bɑ mɑɑ mɑn kɑsu bu hunde wunɑ.

Womusu 119:80

A de nɑ n wunɛn yiirebu mɛm nɔɔwɑmmɛ mɑm mɑm, kpɑ n ku rɑ sekuru wɑ.

Womusu 51:10

A mɑn nuku dobu wɛ̃ɛyɔ kpɑ nɑ n dɛsinu kɑrɑmɔ. Bɑɑ mɛ ɑ nɛn ɡɔmɑ dwiiyɑsiɑ, kon kpɑm yɛ̃ɛri.

Womusu 78:8

Bɑ ǹ mɑɑ mɔ̀ nɡe ben bɑɑbɑbɑ. Domi bɑɑbɑ be, bɑ kuɑ mɛm nɔɔ sɑribɑ, mɑ ben ɡɔ̃ru ɡɑ ǹ kɑ Gusunɔ turo yɔ̃re. Mɑ bɑ kuɑ nɑɑnɛ sɑribɑ Gusunɔn mi.

Yeremi 31:32

Adɑmɑ yɑ ǹ ko n sɑ̃ɑ yèn bweseru nɑ rɑɑ kɑ ben bɑɑbɑbɑ bɔkuɑ sɑnɑm mɛ nɑ bu nɔmu nɛnuɑ nɑ yɑrɑmɑ Eɡibitin di. Bɑ ǹ ye mɛm nɔɔwɛ, bɑɑ mɛ nɛ, Yinni Gusunɔ nɑ sɑ̃ɑ ben Yinni.

Esekiɛli 16:30

Annɑ ɑ dɑm sɑriru wɑ mi. A tii kuɑwɑ nɡe sɑkɑrɑ kowobun yinni.

Osee 10:2

Tɔn be, bɑ sɑ̃ɑwɑ ɡɔ̃rusu yiruɡibu. Bɑ koo yen ɑre sɔbe. Yinni Gusunɔ u koo ben bũu yee ni kɑ nin kpee ɡeenu kɔsuku.

Osee 7:14

Bɑ̀ n mɑn somiru kɑnɑmɔ, bɑ ku rɑ tu ko ɡɔ̃ruɔ. Adɑmɑ bɑ rɑ sinɛwɑ bɑ n tii muririmɔ. Kpɑ bɑ n yĩiyɔ yeyɑ yɑ koo de ben ɡbeɑ yu ɑlikɑmɑ kɑ resɛm ɡeɑ mɑ. Nɡe mɛyɑ bɑ rɑ n mɔ̀ bu kɑ mɑn seesi.

Osee 7:16

Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Gɔrobun Kookoosu 8:21

A ǹ kpɛ̃ ɑ n nɔmɑ mɔ sɔmbu te sɔɔ, domi wunɛn ɡɔ̃ru ɡɑ ǹ dee dee sɑ̃ɑ Gusunɔn wuswɑɑɔ.

Sɔ̃ɔsiru 31:20

Domi kon de bu du tem mɛ nɑ ɡeruɑ kɑ bɔ̃ri nɑ nɛɛ, kon ben bɑɑbɑbɑ wɛ̃ sɔɔ, mi tim kɑ bom mu kokumɔ. Bɑ koo di bu debu bu bɔriɑ. Adɑmɑ bɑ koo mɑn torɑri bu nɛn ɑrukɑwɑni kusiɑ bu ben ɡɔ̃ru ɡɔsie bũnu ɡɑnun mi bu nu sɑ̃.