Womusu 78:35 - Bibeli Gusunɔn Gari

³⁵ Kpɑ bu yɑɑyɑ mɑ wi, Wɔrukoowɑ u sɑ̃ɑ ben kpee bɑɑ mì bɑ rɑ kuke. Wiyɑ u rɑ mɑɑ bu wɔre.

Womusu 78:35 ပူးပေါင်းရင်းမြစ်များ

Womusu 106:13

Adɑmɑ mii mii, bɑ wunɛn sɔm mɑɑmɑɑkiɡii ni duɑri. Bɑ ǹ mɑɑ mɑrɑ ɑ wunɛn himbɑ yibiɑ.

Womusu 106:21

Bɑ wunɛ Gusunɔ ben fɑɑbɑ kowo duɑri, wunɛ wi ɑ bu ɡɑ̃ɑ bɑkɑnu kuɑ Eɡibitiɔ Kɑmun temɔ. A sɔm mɑɑmɑɑkiɡinu kuɑ mi. A sɔm mɑɑmɑɑkiɡinu kuɑ nim wɔ̃kuɔ ɡe bɑ mɔ̀ Nɑɑ yɑri.

Womusu 74:2

A bɛsɛ wunɛn tɔmbu yɑɑyo, bɛsɛ be ɑ yɑkiɑ sɑɑ yellun di. A bɛsɛn bwese kɛri yɑɑyo yi yi kuɑ wunɛɡii. A Siɔnin ɡuu te yɑɑyo tèn mi wunɛn wɑ̃ɑ yerɑ rɑɑ wɑ̃ɑ.

Womusu 78:11

Tɑ win sɔm mɑɑmɑɑkiɡii ni duɑri ni u tu sɔ̃ɔsi.

Womusu 78:42

Bɑ ǹ tɔ̃ɔ te yɑɑye tè sɔɔ u bu wɔrɑ yibɛrɛbɑn nɔmɑn di kɑ win dɑm.

Womusu 78:7

Sɑɑ yerɑ bɑ koo Yinni Gusunɔ nɑɑnɛ ko. Bɑ ǹ mɑɑ duɑrimɔ ye u kuɑ. Kpɑ bu win woodɑbɑ mɛm nɔɔwɑ.

Yɑribu 15:13

Wunɛn wɔnwɔndu sɔɔrɑ ɑ wunɛn tɔmbu swɑɑ sɔ̃ɔsi be ɑ yɑkiɑ. A mɑɑ bu kpɑrɑmɑ kɑ wunɛn dɑm ɑ kɑ dɔɔ sere wɑ̃ɑ yee te ɑ bu nɔɔ mwɛɛru kuɑ sɔɔ.

Yɑribu 6:6

Yen sɔ̃, ɑ Isirelibɑ sɔ̃ɔwɔ ɑ nɛɛ, nɛnɑ Wi u rɑ n wɑ̃ɑ, nɑ kon mɑɑ bu wɔrɑ sɑɑ wɑhɑlɑ ye Eɡibitiɡibɑ bu koosiɑmɔn di. Kon bu yɑkiɑ ben yorun di, kpɑ n nɛn dɑm sɔ̃ɔsi n Eɡibitiɡibu wɑhɑlɑ doke, kpɑ n nɛn tɔmbu fɑɑbɑ ko.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 44:6

Nɛ, Yinni Gusunɔ Dɑm kpuroɡii, nɛ wi nɑ Isirelibɑ yɑkiɑ nɑ sɑ̃ɑ ben sinɑ boko nɑ nɛɛ, nɛnɑ nɑ sɑ̃ɑ ɡbiikoo kɑ dɑ̃ɑko. Goo mɑɑ sɑri wi u sɑ̃ɑ Gusunɔ nɛ bɑɑsi.

Esɑi 48:17

Wi u sɑ̃ɑ bɛɛ Isirelibɑn Yinni Dɛɛro, mɑ u bɛɛ yɑkiɑ u nɛɛ, u rɑ bɛɛ sɔ̃ɔsi ye n ko n bɛɛ ɑrufɑɑni ko, kpɑ u bɛɛ swɑɑ sɔ̃ɔsi ye yɑ weenɛ i swĩi.

Sɔ̃ɔsiru 15:15

I yɑɑyo mɑ i rɑɑ yoru di Eɡibitiɔ, mɑ Gusunɔ bɛsɛn Yinni u bɛɛ yɑkiɑ. Yen sɔ̃nɑ nɑ bɛɛ woodɑ yeni wɛ̃ɛmɔ ɡisɔ.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.

Sɔ̃ɔsiru 7:8

Adɑmɑ Yinni Gusunɔ u bɛɛ kĩwɑ mɑ u kĩ u win nɔɔ mwɛɛru yibiɑ te u bɛɛn bɑɑbɑbɑ kuɑ. Yen sɔ̃nɑ u bɛɛ yɑrɑmɑ kɑ win dɑm bɑkɑm Eɡibiti sunɔn yorun di.

Sɔ̃ɔsiru 9:26

Mɑ nɑ nùn kɑnɑ nɑ nɛɛ, Gusunɔ nɛn Yinni, ɑ ku wunɛn tɔmbu kpeerɑsiɑ be bɑ sɑ̃ɑ wunɛn ɑrumɑni, be, be ɑ yɑkiɑ wunɛn kpɑ̃ɑrun sɑɑbu, mɑ ɑ bu yɑrɑmɑ Eɡibitin di kɑ wunɛn dɑm bɑkɑm.

Titu 2:14

Yesu Kirisi wi, u win tii wɛ̃ bɛsɛn sɔ̃ u kɑ sun yɑkiɑ sɑɑ kom kɔ̃sum kpuron di, kpɑ u kɑ sun ko tɔn dɛɛrobu be bɑ sɑ̃ɑ wi tɔnɑɡibu be bɑ mɑɑ hɑniɑ mɔ bu kɑ sɔm ɡeenu ko.