Womusu 77:19 - Bibeli Gusunɔn Gari

¹⁹ Gurɑ yɑ ɡbɑ̃rɑ mɑ ɡuru mɑɑkinu nu hɑnduniɑ kpuro yɑm bururɑsiɑ, mɑ tem mu diirɑ bɛrum sɔ̃.

Womusu 77:19 ပူးပေါင်းရင်းမြစ်များ

Sɑmuɛli II 22:8

Tem mu yĩirɑ, mɑ ɡuunu diirɑ, yèn sɔ̃ Yinni Gusunɔ u mɔru bɛsirɑ.

Nɛɛmi 9:11

A derɑ nim mu burɑnɑ bɛsɛn bɑɑbɑ ben wuswɑɑɔ. Mɑ bɑ tɔburɑ tem ɡbebum sɔɔ. Adɑmɑ Eɡibitiɡii be bɑ bu nɑɑ ɡire, ɑ bu sure nim bwerɔ. Mɑ bɑ numɑ nɡe kpee te bɑ kɑre nim sɔɔ.

Yoobu 23:14

Ǹ n mɛn nɑ, u koo ko ye u yi kpuro nɛn sɔ̃, kpɑ u mɑɑ mɑn himbɑ kpɑɑ yiiyɑ.

Yoobu 36:29

Wɑrɑ yɛ̃ nɡe mɛ ɡuru winu nu kɑ sĩisinɑmɔ. Wɑrɑ yɛ̃ nɡe mɛ ɡurɑ rɑ kɑ ɡbɑ̃re.

Womusu 104:32

À n tem mɛɛrɑ, mu rɑ yĩiriwɑ. À n mɑɑ ɡuunu bɑbɑ, wiisɑ su rɑ yɑri.

Womusu 29:10

Wiyɑ u dɑm mɔ nim wɔllɔ. Wiyɑ u ko n sɑ̃ɑ sunɔ sere kɑ bɑɑdommɑɔ.

Womusu 97:2

Guru wii wuroru kɑ yɑm wɔ̃kurɑ rɑ n kɑ nùn sikerenɛwɑ. Gem wɔllɔwɑ u win sinɑ ɡɔnɑ tɛrie.

Womusu 97:4

U rɑ de ɡuru mɑɑkinu nu hɑnduniɑ yɑm bururɑsiɑ. Tem mù n nu wɑ, mu rɑ diiriwɑ.

Yɑribu 14:28

Nim mɛ, mu wurɑmɑ mu Eɡibiti sunɔn tɑbu kɛkɛbɑ kɑ win mɑɑsɔbu kɑ tɑbu kowobu kpuro wukiri be bɑ Isirelibɑ nɑɑmwɛm dɑ nim wɔ̃ku ɡen suunu sɔɔ. Bɑɑ ben turo, u ǹ yɑrɑ.

Yɑribu 19:18

Wiisu Sinɑin ɡuu te wukiri, domi Yinni Gusunɔ u sɑrɑmɑ kɑ dɔ̃ɔ u wɑ̃ɑ ten wɔllɔ. Wii si, su yɔɔmɔ nɡe dɔ̃ɔ bokon wiisu. Mɑ ɡuu te, tɑ yĩirumɔ kɑ dɑm.

Hɑbɑkuku 3:15

Yinni Gusunɔ, ɑ sɔ̃ wunɛn dumin wɔllɔ, ɑ nim wɔ̃ku tɑɑkumɔ ɡe ɡɑ nim kɔ̃ɔmɔ ɡɑ wɔki.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.