Womusu 77:15 - Bibeli Gusunɔn Gari

¹⁵ A sɑ̃ɑwɑ wi u rɑ sɔm mɑɑmɑɑkiɡinu ko. A derɑ wunɛn dɑm mu sɔ̃ɔsirɑ bwesenu sɔɔ.

Womusu 77:15 ပူးပေါင်းရင်းမြစ်များ

Womusu 72:18

Su Gusunɔ Isirelibɑn Yinni siɑrɑ. Domi wi turowɑ u rɑ sɔm mɑɑmɑɑkiɡinu ko.

Womusu 74:2

A bɛsɛ wunɛn tɔmbu yɑɑyo, bɛsɛ be ɑ yɑkiɑ sɑɑ yellun di. A bɛsɛn bwese kɛri yɑɑyo yi yi kuɑ wunɛɡii. A Siɔnin ɡuu te yɑɑyo tèn mi wunɛn wɑ̃ɑ yerɑ rɑɑ wɑ̃ɑ.

Yɑribu 15:13

Wunɛn wɔnwɔndu sɔɔrɑ ɑ wunɛn tɔmbu swɑɑ sɔ̃ɔsi be ɑ yɑkiɑ. A mɑɑ bu kpɑrɑmɑ kɑ wunɛn dɑm ɑ kɑ dɔɔ sere wɑ̃ɑ yee te ɑ bu nɔɔ mwɛɛru kuɑ sɔɔ.

Yɑribu 6:6

Yen sɔ̃, ɑ Isirelibɑ sɔ̃ɔwɔ ɑ nɛɛ, nɛnɑ Wi u rɑ n wɑ̃ɑ, nɑ kon mɑɑ bu wɔrɑ sɑɑ wɑhɑlɑ ye Eɡibitiɡibɑ bu koosiɑmɔn di. Kon bu yɑkiɑ ben yorun di, kpɑ n nɛn dɑm sɔ̃ɔsi n Eɡibitiɡibu wɑhɑlɑ doke, kpɑ n nɛn tɔmbu fɑɑbɑ ko.

Esɑi 63:9

Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

Dɑniɛli 6:28

Wiyɑ u rɑ tɔnu wɔre u fɑɑbɑ ko. U rɑ mɑɑmɑɑkibɑ kɑ yĩrenu ko wɔllɔ kɑ temɔ. Wiyɑ u Dɑniɛli wɔrɑ ɡbee sinɑnsun nɔsun di.

Sɔ̃ɔsiru 9:26

Mɑ nɑ nùn kɑnɑ nɑ nɛɛ, Gusunɔ nɛn Yinni, ɑ ku wunɛn tɔmbu kpeerɑsiɑ be bɑ sɑ̃ɑ wunɛn ɑrumɑni, be, be ɑ yɑkiɑ wunɛn kpɑ̃ɑrun sɑɑbu, mɑ ɑ bu yɑrɑmɑ Eɡibitin di kɑ wunɛn dɑm bɑkɑm.

Sɔ̃ɔsiru 9:29

N sere deemɑ bɑ sɑ̃ɑwɑ wunɛn tɔmbu kɑ wunɛn ɑrumɑni mɑ ɑ bu yɑrɑmɑ Eɡibitin di kɑ wunɛn dɑm bɑkɑm.

Yosue 3:5

Mɑ Yosue u tɔn be sɔ̃ɔwɑ u nɛɛ, i tii dɛɛrɑsio domi siɑ Yinni Gusunɔ u koo sɔm mɑɑmɑɑkiɡinu ko bɛɛn suunu sɔɔ.