Womusu 75:5 - Bibeli Gusunɔn Gari

⁵ A nɛɛ, be bɑ tii sue bu ku mɑɑ tii suɑ. A mɑɑ tɔn kɔ̃sobu sɔ̃ɔmɔ bu tii suɑbu derio.

Womusu 75:5 ပူးပေါင်းရင်းမြစ်များ

Bɑndun Gɑri II 30:8

I ku swɑɑ tɑɑyɑ nɡe bɛɛn bɑɑbɑbɑ. I wurɑmɑ Yinni Gusunɔn mi. I nɑ i nùn sɑ̃ win sɑ̃ɑ yerɔ te u tii yiiye sere kɑ bɑɑdommɑ. I nɑ i Gusunɔ bɛɛn Yinni sɑ̃ kpɑ win mɔru bɑkɑ ye, yu bɛɛ doonɑri.

Womusu 66:7

U bɑndu diiwɑ sere kɑ bɑɑdommɑɔ win dɑm sɑɑbu. U bwesenu kpuro mɛɛrɑ kɑ lɑɑkɑri, kpɑ mɛm nɔɔ sɑribɑ bu ku rɑɑ nùn seesi.

Yɑribu 32:9

Mɑ u kpɑm nɛɛ, nɑ tɔn be wɑ, ben swɑɑ tɑu, bɑ ǹ kĩ bu wiru kpĩ.

Esɑi 48:4

Nɑ yɛ̃ i tɑu, mɑ i wĩiru bɔɔbu, mɑ bɛɛn sirikɑnɑ dɑm mɔ nɡe sisu.

Esekiɛli 2:4

Tɔn be, bɑ swɑɑ tɑu, bɑ mɑɑ ɡɔ̃ru bɔɔbu. Ben miyɑ nɑ nun ɡɔriɔ kpɑ ɑ bu sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ.

Gɔrobun Kookoosu 7:51

Etiɛni u mɑɑ bu sɔ̃ɔwɑ u nɛɛ, bɛɛ deɡɑnɡɑmɡibu! Bɛɛn ɡɔ̃rusu kɑ bɛɛn swɑsu su sɑ̃ɑ nɡe be bɑ ǹ Gusunɔ nɑsieɡisu, i rɑ n Hunde Dɛɛro yinɑmɔ, i mɔ̀wɑ nɡe bɛɛn bɑɑbɑbɑ.

Sɔ̃ɔsiru 31:27

Nɑ bɛɛn swɑɑ tɑɑbu yɛ̃. Domi i rɑ Yinni Gusunɔ seesi nɛn wuswɑɑɔ. Kɑɑ rɑ sere ɡere nɛn ɡɔɔn biru?