Womusu 75:2 - Bibeli Gusunɔn Gari

² Gusunɔ, sɑ nun siɑrɑ. Wunɛn yĩsiru tɑ yibɑ bɛsɛn nɔɔwɔ. Sɑ wunɛn sɔm ɡeerun ɡɑri kpɑrɑmɔ.

Womusu 75:2 ပူးပေါင်းရင်းမြစ်များ

Sɑmuɛli II 2:4

Yudɑbɑ bɑ nɑ Dɑfidin mi, bɑ nùn ɡum tɑ̃re wirɔ u kɑ ko ben sunɔ. Mɑ bɑ nùn sɔ̃ɔwɑ bɑ nɛɛ, Yɑbɛsi Gɑlɑdiɡibu bɑ Sɔɔlun ɡoru sikuɑ.

Sɑmuɛli II 5:3

Dɑfidi u kɑ ben ɡuro ɡurobu ɑrukɑwɑni bɔkuɑ Yinni Gusunɔn wuswɑɑɔ Heboroni mi. Yerɑ bɑ nùn ɡum tɑ̃re wirɔ bɑ nùn kuɑ be Isirelibɑn sunɔ.

Sɑmuɛli II 8:15

U bɑndu dii Isirelibɑ kpuro sɔɔ u be kpuro siriɑmmɛ nɡe mɛ n weenɛ.

Womusu 101:2

Kon nɛn lɑɑkɑri doke swɑɑ ɡeɑ sɔɔ. Sɑɑ yerɑ̀ kɑɑ mɑn nɑɑwɑ. Kon sĩwɑ dee dee nɛn yɛnuɡibun suunu sɔɔ.

Womusu 102:13

Adɑmɑ wunɛ Yinni Gusunɔ, kɑɑ n bɑndu diiwɑ sere kɑ nɔrɔ. Mɛyɑ bɑ ko n nun yɑɑye sere kɑ bɑɑdommɑɔ.

Wɑɑsu kowo 3:17

Mɑ nɑ tii sɔ̃ɔwɑ nɑ nɛɛ, Gusunɔ u koo ɡemɡii kɑ tɔn kɔ̃so siri. Domi ɡɑ̃ɑnu bɑɑnire kɑ nin sɑɑwɑ. Nɡe mɛyɑ bɑ koo mɑɑ kookoosu bɑɑsire siri.

Esɑi 25:1

Yinni Gusunɔ, wunɑ ɑ sɑ̃ɑ nɛn Yinni, wunɑ kon tɔmɑ, kpɑ n wunɛn yĩsiru wɔlle suɑ. Domi ɑ ɡɑ̃ɑ bɑkɑnu kuɑ, wunɛn himbɑ ye ɑ yi sɑɑ yellun di, yɑ ǹ kɔsɑ.

Yohɑnu 7:6

Yesu u bu sɔ̃ɔwɑ u nɛɛ, nɛn sɑɑ kun turim kpɑ, ɑdɑmɑ bɛɛn sɑɑ sɔɔrɑ i wɑ̃ɑ mi bɛɛ.

Gɔrobun Kookoosu 1:7

U bu sɔ̃ɔwɑ u nɛɛ, n ǹ bɛɛn bɑɑ i n kɑ tɔ̃ru yɛ̃ ǹ kun mɛ sɑɑ ye Gusunɔ Bɑɑbɑ u yii kɑ win tiin yiiko.

Gɔrobun Kookoosu 17:31

Domi u tɔ̃ru yi tè sɔɔ u koo hɑnduniɑɡibu kpuro siri dee dee kɑ durɔ win sɑɑbu wi u ɡɔsɑ, mɑ u nùn bɑɑwure sɔ̃ɔsi ye u nùn seeyɑ ɡɔrin di.