Womusu 74:9 - Bibeli Gusunɔn Gari

⁹ Yinni, sɑ ǹ mɑɑ yĩreru ɡɑru wɑɑmɔ te tɑ sun sɔ̃ɔsimɔ mɑ ɑ wɑ̃ɑ bɛsɛn suunu sɔɔ. Wunɛn sɔmɔbu bɑ ǹ mɑɑ wɑ̃ɑ. Bɛsɛn ɡoo kun mɑɑ yɛ̃ sere sɑɑ yerɑ̀ kɑɑ n sun deri mɛ.

Womusu 74:9 ပူးပေါင်းရင်းမြစ်များ

Yɑribu 12:13

Yɛm mɛyɑ mu koo ko yĩreru te tɑ yɛnusu sɔ̃ɔsimɔ mi i wɑ̃ɑ. Nɑ̀ n yɛm mɛ wɑ, kon bɛɛ sɑrɑriwɑ. Kɛ̃si te, tɑ ǹ bɛɛ bɑbɑmɔ te kon kɑ Eɡibitiɡibu wɑhɑlɑ ko.

Swĩi 2:9

Yen kɔnnɔsu su numɑ temɔ. Sin dɑ̃ɑ ye bɑ rɑ kɑ su sɛ̃suku yɑ bɔɔkirɑ. Mɑ bɑ yen sinɑ boko kɑ yen wiruɡibu ɡurɑ bɑ kɑ dɑ tem tukumɔ. Woodɑ mɑɑ sɑri. Bɑɑ Gusunɔn sɔmɔbu bɑ ǹ mɑɑ kɑ̃sinu wɑɑmɔ win min di.

Esekiɛli 20:12

Nɑ bu tɔ̃ɔ wɛ̃rɑruɡiru wɛ̃ tɑ n sɑ̃ɑ yĩreru te tɑ sɔ̃ɔsimɔ mɑ nɛ, Yinni Gusunɔwɑ nɑ bu wunɑ nɛnɛm.

Esekiɛli 7:26

Kɔ̃sɑ yɑ koo sosi kɔ̃sɑ sɔɔ. Mɛyɑ lɑbɑɑri kɔ̃si yi ko yi n nɔɔrɑmɔ yi n dɔɔ. I ko i Gusunɔn sɔmɔbu bikiɑ bu kɑ̃siru kɑsu kpɑ bu bɛɛ sɔ̃ ye yɑ koo nɑ. Adɑmɑ yɑ̃ku kowobu bɑ ǹ ko n Yinni Gusunɔn woodɑ yɛ̃. Bɛɛn ɡuro ɡurobu bɑ ǹ mɑɑ bwisi ɡɛɛ mɔ bu tɔnu kɛ̃.

Amɔsu 8:11

Wee ye nɛ, Yinni Gusunɔ nɑ ɡeruɑ. Nɑ nɛɛ, kon de ɡɔ̃ɔru tu du tem mɛ sɔɔ. N ǹ mɔ dĩɑnun ɡɔ̃ɔru, n ǹ mɑɑ mɔ nim nɔru. Adɑmɑ nɛn ɡɑrin ɡɔ̃ɔru kɑ yin nim nɔruwɑ i ko i n mɔ.

Misee 3:6

Yen sɔ̃, bɑ ǹ mɑɑ yɑm wɑsi. Bɑ ǹ mɑɑ win ɡɑri mɔ̀. Yɑm wɔ̃kurɑ koo kɑ bu sikerenɑ. Bɑ ǹ mɑɑ ɡɑ̃ɑnu wɑsi.

Misee 3:7

Sɔmɔ be, bɑ koo ben wuswɑɑ wukiriwɑ sekurun sɔ̃. Domi Yinni Gusunɔ u ǹ bu wisimɔ.

Heberu 2:4

Sɑɑ ye sɔɔrɑ Gusunɔ u ben seedɑ dɑm sosi kɑ yĩrenu kɑ mɑɑmɑɑki kɑ sɔm dɑmɡii bwese bwesekɑ. U mɑɑ kpɑm tɔmbu Hunde Dɛɛron kɛ̃nu bɔnu kuɑ nɡe mɛ u kĩ.

Kpɑrobu 6:17

Gedeoni u nɛɛ, ɑ̀ n kɑ mɑn nɔnu ɡeu mɛɛrɑn nɑ, ɑ mɑn yĩreru ɡɑru sɔ̃ɔsio te tɑ ɡerumɔ mɑ wunɛ Gusunɔwɑ ɑ kɑ mɑn ɡɑri mɔ̀.

Sɑmuɛli I 3:1

Sɑmuɛli, bii ɑluwɑɑsi wi, u wɑ̃ɑ u Yinni Gusunɔn sɔmburu mɔ̀ Elin wuswɑɑɔ. Sɑɑ ye sɔɔ, dɑɑ dɑɑkɑwɑ Yinni Gusunɔ u rɑ kɑ tɔnu ɡɑri ko, kpɑ u bu kure kɑ̃siru sɔɔ ɡɑsɔ kɑ ɡɑsɔ tɔnɑ.