Womusu 74:20 - Bibeli Gusunɔn Gari

²⁰ A wunɛn ɑrukɑwɑni yɑɑyo. Domi dɑm diobu bɑ yibɑ bɑ kukuɑ mi bɑ ǹ bu wɑsi tem mɛ sɔɔ.

Womusu 74:20 ပူးပေါင်းရင်းမြစ်များ

Sɑmuɛli II 23:5

Nɡe mɛyɑ nɛn bweseru tɑ sɑ̃ɑ Gusunɔn wuswɑɑɔ. Domi u kɑ mɑn ɑrukɑwɑni bɔkuɑ ye yɑ ǹ nɔru mɔ. U ye kpuron kpunɑɑ yi. Goo kun mɑɑ kpɛ̃ u ye kɔsi. Sɑɑ kpuro u rɑ mɑn nɑsɑrɑ wɛ̃. Ye nɑ kĩ kpuro u rɑ mɑn kuewɑ.

Womusu 105:8

U ku rɑ win ɑrukɑwɑni ye u kɑ tɔmbu bɔkuɑ duɑri sere kɑ bɑɑdommɑɔ. U rɑ n ye yɑɑyewɑ sere kɑ ben bibun bibun wɑɑtiɔ.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 5:8

Adɑmɑ nɛ, wunɛn durom bɑkɑm sɔ̃nɑ kon kpĩ n dɑ wunɛn sɑ̃ɑ yerɔ. Wunɛn durom bɑkɑm sɔ̃nɑ kon kpĩ n yiirɑ mi ɑ wɑ̃ɑ. Miyɑ kon kpĩ n nun bɛɛrɛ wɛ̃. Miyɑ kon kpĩ n nun sɑ̃.

Womusu 89:28

Kɑɑ nùn ko wunɛn bii tɔn durɔ ɡbiikoo. Kpɑ u n sɑ̃ɑ hɑnduniɑn sinɑmbu kpuron sinɑ boko.

Womusu 89:39

Adɑmɑ wee ɑ sunɔ wi ɑ rɑɑ ɡɔsɑ deri, mɑ ɑ kɑ nùn mɔru kuɑ too.

Yeremi 14:21

A wunɛn ɑrukɑwɑni yɑɑyo ye ɑ kɑ sun bɔkuɑ. Wunɛn yĩsirun sɔ̃, ɑ ku sun ɡɛm. A ku mɑɑ Yerusɑlɛmu funɛ wĩɑ mi ɑ wunɛn sinɑ ɡɔnɑ yiikoɡiɑ yii.

Sɔ̃ɔsiru 12:31

I ku rɑ bu sɑɑri ì n Gusunɔ bɛsɛn Yinni sɑ̃ɑmɔ, domi bɑ̀ n sɑ̃ɑru mɔ̀, ɡɑ̃ɑ disiɡinɑ bɑ rɑ n mɔ̀ ni Gusunɔ u tusɑ. Bɑ rɑ mɑm ben bũnu yɑ̃ku dɔ̃ɔ mwɑɑrɑruɡinu kuewɑ kɑ ben bii tɔn durɔbu kɑ tɔn kurɔbu.

Sɔ̃ɔsiru 9:27

A wunɛn sɔm kowobu, Aburɑhɑmu kɑ Isɑki kɑ Yɑkɔbu yɑɑyo. A ku wunɛn tɔmbun deɡɑnɡɑm kɑ ben nuku kɔ̃suru kɑ ben torɑnu mɛɛri,

Heberu 8:10

U kpɑm nɛɛ, ɑrukɑwɑni kpɑɑ ye wee, ye kon kɑ Isirelibɑ bɔke ɑmɛn biru. Kon nɛn woodɑ doke ben bwisikunu sɔɔ. Kon ye yorusi ben ɡɔ̃rusɔ. Kon ko ben Yinni kpɑ bu ko nɛn tɔmbu.