Womusu 74:15 - Bibeli Gusunɔn Gari

¹⁵ A derɑ bwiɑ kɑ dɑɑrɑ yɑrɑ, mɑ ɑ dɑɑnu ɡberɑsiɑ ni nu ku rɑ nim kpe.

Womusu 74:15 ပူးပေါင်းရင်းမြစ်များ

Sinɑmbu II 2:14

Yerɑ u kumbooro ɡe suɑ u kɑ nim mɛ so u nɛɛ, mɑnɑ ɑ wɑ̃ɑ, Gusunɔ, Elin Yinni. Mɑnɑ ɑ wɑ̃ɑ! Mɑ nim mɛ, mu burɑnɑ mu kuɑ tem dirɑ. Sɑɑ yerɑ u tɔburɑ.

Sinɑmbu II 2:8

Yerɑ Eli u win kumbooro potɑ u ɡu kuruɑ u kɑ dɑɑ ten nim so. Mɑ nim mɛ, mu burɑnɑ mu kuɑ tem dirɑ. Mɑ be yiru ye, bɑ tɔburɑ bɑ doonɑ.

Womusu 105:41

U kperu wukiɑ mɑ nim mu kurɑmɑ mu tɛriɑ nɡe dɑɑru tem dirɑɔ.

Womusu 114:3

Sɑnɑm mɛ nim wɔ̃ku ɡɑ bu wɑ, yerɑ ɡɑ dukɑ yɑkurɑ, mɑ dɑɑ te bɑ mɔ̀ Yuudɛni tɑ biru wurɑ.

Womusu 78:15

U kpenu bɛsukɑ ɡbɑburɔ, mɑ nim bɑkɑm mu kurɑ bɑ nɔrɑ.

Esɑi 11:16

U koo swɑɑ yɑrɑ win tɔn be bɑ tien sɔ̃, be bɑ wɑ̃ɑ Asiriɔ. U koo bu swɑɑ yɑrɑ nɡe mɛ u rɑɑ bu kuɑ sɑnɑm mɛ u bu yɑrɑ Eɡibitin di.

Esɑi 44:27

Nɑ nim wɔ̃ku sɔ̃ɔmɔ ɡu ɡbero, domi kon ɡen nim kpeerɑsiɑ.

Esɑi 48:21

Nim nɔru ɡɑ ǹ bɛɛ mɔ̀ mi u koo bɛɛ kpɑrɑ ɡbɑburɔ, domi u koo kperu bɛrɑ kpɑ nim mu koku i nɔ.

Hɑbɑkuku 3:9

A wunɛn tɛndu bɛri. Wunɛn bɔ̃ri yi sɑ̃ɑwɑ nɡe sɛ̃ɛnu. A tem bɛrɑ mɑ dɑɑnu kokɑ min di.

Gbɑburu 20:11

Yerɑ Mɔwisi u kpee te so kɑ win dɛkɑ ye, nɔn yiru mɑ nim mu yɑrɑ n kpɑ̃ kpee ten min di. Mɑ tɔn be kpuro kɑ ben yɑɑ sɑbenu bɑ nim mɛ nɔrɑ.

Yosue 2:10

Domi sɑ nuɑ nɡe mɛ Yinni Gusunɔ u nim wɔ̃ku ɡe bɑ mɔ̀ Nɑɑ yɑri ɡberɑsiɑ i kɑ tɔburɑ sɑnɑm mɛ i yɑrimɑ Eɡibitin tem di. Sɑ mɑɑ nuɑ nɡe mɛ i Amɔrebɑn sinɑmbu yiru Sihoni kɑ Oɡu ɡo Yuudɛnin ɡuru ɡiɔ mɑ i ben ye bɑ mɔ kpuro munkɑ muku muku.

Kɑ̃siru 16:12

Yerɑ ɡɔrɑdo nɔɔbɑ tiɑse u win yoruku wisi dɑɑ bɑkɑru sɔɔ te bɑ mɔ̀ Efɑrɑti, mɑ tɑ ɡberɑ mɑm mɑm tu kɑ sɔ̃ɔ yɑri yerun sinɑmbu swɑɑ kɛ̃ bu tɔburɑ.