Womusu 74:13 - Bibeli Gusunɔn Gari

¹³ Wunɑ ɑ nim wɔ̃ku burɑnɑ kɑ wunɛn dɑm mɑ ɑ yɛɛ ɡɔbi wiru kɔsukɑ.

Womusu 74:13 ပူးပေါင်းရင်းမြစ်များ

Nɛɛmi 9:11

A derɑ nim mu burɑnɑ bɛsɛn bɑɑbɑ ben wuswɑɑɔ. Mɑ bɑ tɔburɑ tem ɡbebum sɔɔ. Adɑmɑ Eɡibitiɡii be bɑ bu nɑɑ ɡire, ɑ bu sure nim bwerɔ. Mɑ bɑ numɑ nɡe kpee te bɑ kɑre nim sɔɔ.

Womusu 66:6

U derɑ dɑɑrɑ ɡberɑ, mɑ sɑ tɔburɑ bɛsɛn nɑɑsu kun nim wɑ, mɑ sɑ nuku dobu kuɑ wi sɔɔ.

Womusu 78:13

U nim wɔ̃ku bɛrɑ ɡɑ kpɑɑsinɑ ɡɑ yɔ̃rɑ nɡe ɡɑnɑ, mɑ u derɑ bɑ tɔburɑ.

Yɑribu 14:21

Ye bɑ turɑ nim wɔ̃ku ɡen mi, yerɑ Mɔwisi u win dɛkɑ tĩi ɡen wɔllɔ mɑ Yinni Gusunɔ u woo dɑmɡuu seeyɑ sɔ̃ɔ yɑri yerun di wɔ̃ku ɡiriru sɔɔ, ɡɑ derɑ nim wɔ̃ku ɡen nim mu bɔnu kuɑ yiru, mɑ ɡen suunu sɔɔ mi, n ɡberɑ.

Yɑribu 14:28

Nim mɛ, mu wurɑmɑ mu Eɡibiti sunɔn tɑbu kɛkɛbɑ kɑ win mɑɑsɔbu kɑ tɑbu kowobu kpuro wukiri be bɑ Isirelibɑ nɑɑmwɛm dɑ nim wɔ̃ku ɡen suunu sɔɔ. Bɑɑ ben turo, u ǹ yɑrɑ.

Esekiɛli 29:3

ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon nùn wɔrimɑ wi, wi u sɑ̃ɑ nɡe kɑrɑku ɡe ɡɑ nɑnum mɔ ɡɑ kpĩ dɑɑ te bɑ mɔ̀ Niluɔ. Mɑ u ɡerumɔ u mɔ̀, dɑɑ te, tɑ sɑ̃ɑwɑ wiɡiru domi wiyɑ u tu kuɑ.

Esekiɛli 32:2

tɔnun bii, ɑ ɡɔɔ swĩiyɔ Eɡibitin sunɔn sɔ̃. A nùn sɔ̃ɔwɔ ɑ nɛɛ, wee u sɑ̃ɑwɑ nɡe ɡbee sunɔ kpɛmbu bwesenun suunu sɔɔ. Mɑ u mɑɑ sɑ̃ɑ nɡe kɑrɑku nim wɔ̃ku sɔɔ. U rɑ tii kpɑre dɑɑ ten nim sɔɔ kpɑ u ten nim buri kɑ nɑɑsu kpɑ ten kurenu nu soonɑ.