Womusu 73:24 - Bibeli Gusunɔn Gari

²⁴ Kɑɑ mɑn kpɑrɑ kɑ wunɛn bwisi. Yen biru, kɑɑ mɑn mwɑ wunɛn yiiko sɔɔ.

Womusu 73:24 ပူးပေါင်းရင်းမြစ်များ

Womusu 16:7

Yinni Gusunɔ, wunɑ nɑ siɑrɑmɔ yèn sɔ̃ ɑ rɑ mɑn bwisi kɛ̃. Wunɑ nɑ siɑrɑmɔ yèn sɔ̃ ɑ rɑ mɑn kirɔ ko bɑɑ kɑ wɔ̃kurɔ.

Womusu 25:9

A rɑ be bɑ tii kɑwe swɑɑ ɡeɑ sɔ̃ɔsi, kpɑ ɑ bu kpɑrɑ ye sɔɔ.

Womusu 32:8

Yinni Gusunɔ, ɑ nɛɛ, kɑɑ mɑn keu ko, kpɑ ɑ mɑn swɑɑ sɔ̃ɔsi ye n weenɛ n swĩi. Kɑɑ mɑn bwisi kɛ̃, kpɑ ɑ n mɑn kɔ̃su.

Womusu 48:14

I yen ɡbɑ̃rɑ te mɛɛrio, kpɑ i yen sinɑ kpɑɑnu mɛɛri i rɑ kɑ bɛɛn bibu yen fɑɑɡi kuɑ,

Womusu 49:15

Bɑ rɑ bu surewɑ ɡɔriɔ nɡe yɑ̃ɑ ɡɔ̃ɔ ɡe bɑ sure wɔru sɔɔ, kpɑ ɡɔɔ u bu di. N sosi, tɔn dɛɛrobɑ koo bu tɑɑku, kpɑ ben bɛɛrɛ yu kpe, kpɑ ɡɔribun wɑ̃ɑ yeru tu ko ben yɛnu.

Womusu 84:11

Nɛn sɔ̃ɔ teerun wɑ̃ɑru wunɛn sɑ̃ɑ yerɔ, tɑ nɛn yɑm tukum wɑ̃ɑrun sɔ̃ɔ dɑbi dɑbinu kere. N burɑm bo nɑ n wɑ̃ɑ wunɛn sɑ̃ɑ yerun kɔnnɔwɔ, ye ko nɑ n kɑ wɑ̃ɑ diru mi tɔn kɔ̃sobɑ wɑ̃ɑ.

Mɔnnu 8:20

Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.

Esɑi 30:21

Ì n sĩɑ i turɑ swɑɑ kɛɛnɑnɔ, bɛɛn swɑɑ koo ɡɑri yi nɔ, yi yi nɛɛ, swɑɑ wee, i sĩiyɔ ye sɔɔ.

Esɑi 48:17

Wi u sɑ̃ɑ bɛɛ Isirelibɑn Yinni Dɛɛro, mɑ u bɛɛ yɑkiɑ u nɛɛ, u rɑ bɛɛ sɔ̃ɔsi ye n ko n bɛɛ ɑrufɑɑni ko, kpɑ u bɛɛ swɑɑ sɔ̃ɔsi ye yɑ weenɛ i swĩi.

Esɑi 58:11

Nɛ, Yinni Gusunɔ, kon bɛɛ kpɑrɑ sere kɑ bɑɑdommɑɔ, kpɑ n de i n debɑ bɑɑ mi dĩɑnu ku rɑ kpi. Kon de bɛɛn wɑsi yi dɑm wɑ, kpɑ i n sɑ̃ɑ nɡe ɡbee te tɑ kɑkoru mɔ, ǹ kun mɛ nɡe bwii yìn nim ku rɑ kpe.

Esɑi 58:8

Sɑɑ yerɑ nɛn durom mu koo bɛɛ nɑɑwɑ nɡe buruku sɔ̃ɔ, kpɑ mi i mɛɛrɑ mɔ yu bɛkurɑ fuuku. Mɛyɑ mɑɑ ɡem mu ko n dɑ n bɛɛ swɑɑ ɡbiiye. Nɛ, Yinni Gusunɔ, nɑ kon kɑ bɛɛ wɑ̃ɑ nɑ n bɛɛ kɔ̃su.

Gbɑburu 9:22

Adɑmɑ tɑ̀ n yɔ̃rɑ kuu ten wɔllɔ sɔ̃ɔ yiru ǹ kun mɛ suru tiɑ ǹ kun mɛ wɔ̃ɔ tiɑ Isirelibɑ bɑ ku rɑ kuu te wuke, mɑ n kun mɔ bɑ ɡuru wii wuro te wɑ tɑ seewɑ.

Luku 11:13

Bɛɛ be i sɑ̃ɑ tɔn kɔ̃sobu, mɑ i yɛ̃ nɡe mɛ bɑ rɑ bibu kɛ̃ɛ ɡeenu wɛ̃, bɛɛn Bɑɑbɑ wɔlluɡii u ǹ koo be bɑ nùn kɑnɑmɔ Hunde Dɛɛro wɛ̃?

Luku 23:46

Yesu u ɡbɑ̃rɑ kɑ dɑm u nɛɛ, Bɑɑbɑ, nɑ nun nɛn hunde nɔmu sɔndiɑ. Ye u ɡɑri yi ɡeruɑ u kpɑ, mɑ u sɑriru kuɑ.

Yohɑnu 14:3

Nɑ̀ n wɑ̃ɑ yee ten sɔɔru kuɑ nɑ kpɑ, kon kpɑm wurɑmɑ n bɛɛ suɑ n kɑ dɑ nɛn tiin mi. Mi nɑ wɑ̃ɑ kpɑ sɑ n wɑ̃ɑ mi sɑnnu.

Yohɑnu 16:13

Sɑnɑm mɛ Hunde ɡemɡii wi, u tunumɑ wiyɑ u koo bɛɛ kpɑrɑ i kɑ ɡem kpuro ɡiɑ. U ǹ koo ɡɑri ɡere kɑ win tiin yiiko. Ye u nuɑ, yeyɑ u koo ɡere, u koo mɑɑ bɛɛ sɔ̃ ye yɑ sisi.

Yohɑnu 17:24

Bɑɑbɑ, nɑ kĩ be ɑ mɑn wɛ̃ bɑ n wɑ̃ɑ nɛn mi, mi nɑ wɑ̃ɑ, kpɑ bɑ n nɛn yiiko mɛɛrɑ ye ɑ mɑn wɛ̃, domi ɑ mɑn kĩ bɑ sere hɑnduniɑ tɑkɑ kuɑ.

Yohɑnu 17:5

Bɑɑbɑ, nɑ nun kɑnɑmɔ, ɑ de nɑ n yiiko mɔ tɛ̃ wunɛn bɔkuɔ, nɡe mɛ nɑ rɑɑ mɔ kɑ wunɛ sɑnnu bɑ sere hɑnduniɑ tɑkɑ kuɑ.

Gɔrobun Kookoosu 7:59

Sɑnɑm mɛ bɑ Etiɛni kpenu kɑsukumɔ u kɑnɑru kuɑ u nɛɛ, Yinni Yesu, ɑ nɛn hunde mɔɔ.

Korinti II 5:1

Sɑ yɛ̃ kɑ ɡem mɑ bɛsɛn kuru te tɑ sɑ̃ɑ bɛsɛn wɑ̃ɑ yeru tem mɛ sɔɔ, tɑ̀ n wɔrumɑ, Gusunɔ u sun wɑ̃ɑ yeru yiiye wɔllɔ te win tii u kuɑ, te tɑ ko n wɑ̃ɑ kɑ bɑɑdommɑ. Bɑ ǹ tu kue kɑ nɔmɑ.

Sɔ̃ɔsiru 18:2

Bɑ ǹ tem wɑsi mu n sɑ̃ɑ ben tubi nɡe Isireli be bɑ tie. Adɑmɑ Yinni Gusunɔɡiɑ yɑ ko n sɑ̃ɑ ben tubi nɡe mɛ u bu sɔ̃ɔwɑ.

Yɑkɔbu 1:5

Bwisi yì n bɛɛn ɡoo kɔmiɛ u Gusunɔ bikio, u koo nùn yi wɛ̃ domi Gusunɔ wiyɑ u yi tɔmbu kpuro wɛ̃ɛmɔ kɑ nuku tiɑ ɡerusibu sɑri.