Womusu 73:22 - Bibeli Gusunɔn Gari

²² Mɑ nɑ kuɑ nɡe ɡɑri bɔkɔ, nɑ ǹ ɡɑ̃ɑnu tubɑ nɡe ɡbeeku yɑɑ.

Womusu 73:22 ပူးပေါင်းရင်းမြစ်များ

Yoobu 18:3

Mbɑn sɔ̃nɑ ɑ sun mɛɛrɑ ɡɑri bɑkɑsu. Mbɑn sɔ̃nɑ ɑ sun mɛɛrɑ nɡe yɑɑ sɑberu.

Womusu 32:9

A mɑɑ nɛɛ, n ku ko bwisi sɑriruɡii nɡe dumɑ, ǹ kun mɛ nɡe birɑkɔ, yìn nɔɔwɔ bɑ ǹ koo ko bɑ kun yɑrukɑ kɑ kɑrɑbɑsuuru doke, bɑ n kɑ yi ɡɑwe, kpɑ yi ku rɑɑ tɔnu wɔri.

Womusu 49:10

n ǹ mɑɑ koorɔ bɑ n wɑ̃ɑ sere kɑ bɑɑdommɑɔ. Bɑ ǹ kpɛ̃ bu ɡɔɔ yinɑ.

Womusu 69:5

Be bɑ mɑn tusɑ bɑ ǹ ten wiru kɑ nɑɑsu yɛ̃, bɑ dɑbi bɑ nɛn wirun seri kere. Nɛn yibɛrɛ be bɑ kĩ bu mɑn ɡo kɑm bɑ dɑm mɔ. Ye nɑ ǹ ɡbɛnɛ, bɑ kĩ n yen kɔsire wɛ̃.

Womusu 92:6

Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.

Womusu 92:7

Gɑri bɔkɔ ɡɑ ǹ kpɛ̃ ɡu nu tubu, mɛyɑ nu ǹ mɑɑ kpɛ̃ nu nùn yeeri.

Mɔnnu 30:2

U nɛɛ, ɡeemɑ nɛnɑ nɑ ɡɑri bɑkɑru bo tɔmbu sɔɔ. Nɑ ǹ tɔnun bwisi mɔ.

Wɑɑsu kowo 3:18

Nɑ mɑɑ tii sɔ̃ɔwɑ nɑ nɛɛ, sɔ̃ɔ teeru, Gusunɔ u koo tɔmbun lɑɑkɑri mɛɛri kpɑ ben tii bu ɡiɑ mɑ bɑ ǹ yɛɛ sɑnɔ kere.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.