Womusu 72:6 - Bibeli Gusunɔn Gari

⁶ Yinni Gusunɔ, ɑ de nɛ, sinɑ boko nɑ n ɑrufɑɑni mɔ nɡe ɡurɑ ye yɑ nɛmɔ ɡbee te bɑ kɔrɔ kuɑ sɔɔ, ǹ kun mɛ nɡe nim ɑrufɑɑniɡum mɛ mu kokumɔ ɡberɔ,

Womusu 72:6 ပူးပေါင်းရင်းမြစ်များ

Sɑmuɛli II 23:4

u sɑ̃ɑwɑ nɡe sɔ̃ɔ yɑnɑn yɑm bururɑm ɡuru wiru sɑri. Sɔ̃ɔ yɑnɑ yerɑ yɑ rɑ de yɑkɑ bekusu su bɑlli, ɡurɑ yɑ̀ n nɑ yɑ kpɑ.

Womusu 65:10

Wunɑ ɑ rɑ tem nɔɔri, kpɑ ɑ mu nim yɛ̃kɑ mu n kpɑ̃. A rɑ mɑɑ de mu n dukiɑ mɔ. Gusunɔ, wunɛn bwiɑ yɑ nim yibɑwɑ. Mɛyɑ ɑ rɑ kɑ tem dwiiyɑsie, kpɑ dĩɑnu nu wɑ nu kɑ kpi.

Mɔnnu 16:15

Sinɑ boko ù n nuku dobu mɔ, win tɔmbun hunde yɑ koo dɑkɑɑ dɑ. Ù n mɑɑ ɡoo durom kuɑ, yɑ sɑ̃ɑwɑ nɡe ɡurɑ ye yɑ nɑ ɡbeburun sɑɑ.

Mɔnnu 19:12

Sunɔn mɔru yɑ̀ n seewɑ, yɑ rɑ n nɑnum mɔwɑ nɡe ɡbee sunɔn kukiribu, kpɑ win durom mu n ɑrufɑɑni mɔ nɡe kɑkoru yɑkɑsu wɔllɔ.

Esɑi 5:6

U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Misee 5:6

Isireli be bɑ tiɑrɑ bɑ ko n wɑ̃ɑ tɔn dɑbinun suunu sɔɔ nɡe kɑko ɑrufɑɑniɡiru te Yinni Gusunɔ u derɑ tɑ wɔrumɑ, ǹ kun mɛ nɡe ɡurɑ ye yɑ nɛmɔ tɛɛru, yɑ ǹ ɡɑ̃ɑnu yĩiyɔ tɔnun min di.

Sɔ̃ɔsiru 32:2

Nɛn yɛ̃ru tɑ kokumɔ nɡe ɡuru nim mɑ nɛn ɡɑri nɛmɔ nɡe kɑkoru mɑ yi dɑ̃ɑkumɔ nɡe dirum yɑkɑ bekusu sɔɔ.